టెన్త్ మరియు ఇంటర్ తర్వాత ఆర్మీలో ఉద్యోగాలు

ఇండియన్ ఆర్మీలో టెన్త్, ఇంటర్ తర్వాత పదుల సంఖ్యలో ఉద్యోగ అవకాశాలు అందుబాటులో ఉన్నాయి. ఇందులో పలు రకాల సోల్జర్ మరియు జూనియర్ కమిషన్డ్ ఆఫీసర్ పోస్టులకు సంబంధించి ఏటా భర్తీ ప్రక్రియ నిర్వహిస్తారు. ఇందులో అర్హుత పొందటం ద్వారా తక్కువ విద్య అర్హుతతో చిన్న వయస్సులోనే కేంద్ర ప్రభుత్వ ఉద్యోగం సాధించేందుకు అవకాశం ఉంటుంది.

దేశ రక్షణ కోసం సరిహద్దులో విధులు నిర్వర్తించే సైనికులకు సంబంధించి వివిధ సేవలు అందించే సోల్జర్ మరియు జూనియర్ కమిషన్డ్ ఆఫీసర్ సిబ్బంది భర్తీ కోసం సహసవంతమైనా యువత నుండి భారతీయ రక్షణ దళం ఏటా ఆహ్వానం పలుకుతుంది.

ఒకప్పుడు ఆర్మీ లో ఉద్యోగం అంటే  పలుమార్లు ఆలోచించేవారు. దీనికి కారణం నాడు సరైన వసతి సౌకర్యాలు ఉండేవికావు, సమయానికి జీత భత్యాలు అందేవికావు. కానీ నేడు ఆ పరిస్థితి మారింది. నేడు ఆర్మీ ఉద్యోగం అంటే ఒక స్టేటస్ సింబల్. ఉచితాలకు, అలేవేన్సులకు, ప్రోత్సాహకాలకు లోటులేదు.

ప్రారంభంలో ఐదు అంకెల జీవితం, ఏడాదికి 90 రోజులు విశ్రాంతి, ఉచిత వైద్య సదుపాయాలు, ఉచిత రైల్వే ప్రయాణాలు, వివాహితలకు ప్రత్యక వసతి సదుపాయాలు, ఉచిత రేషన్ , ఉచిత యూనిఫాం. పిల్లలకు విద్య అవకాశాలు, ఇతర CDS సదుపాయాలు ఇలా ఇంకెనో ప్రోత్సాహకాలు వారి సొంతం.

ఆర్మీ లో జూనియర్ స్థాయిలో వివిధరకాల విధులు నిర్వహణ  కోసం దాదాపు 8 కేటగిరీలలో భర్తిచేసే JCO/OR ఉద్యోగ ప్రకటన దేశవ్యాప్తంగా అన్ని జిల్లా కేంద్రాల నుండి ప్రతి ఏడాది కనీసం ఒక్కసారైనా విడుదల చేస్తారు. ఈ ఉద్యోగ ప్రకటన సమాచారం మీకు స్థానిక న్యూస్ పేపర్ల ద్వారా, ఇతర ఎంప్లాయిమెంట్ మీడియా ద్వారా అందజేస్తారు. ర్యాలీ జరిపే తేదికి నెల రోజుల ముందు ఈ ప్రకటన విడుదల చేస్తారు. ఈ భర్తీ ప్రక్రియ ఐదు దశలలో జరుగుతుంది.

• సర్టిఫికెట్ వెరిఫికేషన్
• ఫిజికల్ ఫిట్నెస్ టెస్ట్
• ఫిజికల్ మేజేర్మేంట్ టెస్ట్
• మెడికల్ టెస్ట్
• రాత పరీక్ష

ఈ ఐదు దశల వడపోత తర్వాత ప్రకటనలోని ఖాళీలు ఆధారంగా ఉత్తమ ప్రతిభ చూపిన అభ్యర్దుల మెరిట్ లిస్టు తయారుచేసి, ఎంపికైన అభ్యర్దులను దేశవ్యాప్తంగా ఉన్నా ఆర్మీ ట్రైనింగ్ కేంద్రాలలో శిక్షణ అందిస్తారు. శిక్షణ పూర్తిచేసుకున్న అభ్యర్దులకు  సంభందిత విధులు అప్పగిస్తారు.