కోడ్‌అకాడమీ ఆన్‌లైన్ కోర్సులు : 11 ప్రోగ్రామింగ్ భాషలు నేర్చుకోండి

కోడ్‌అకాడమీ ద్వారా దాదాపు 50 మిలియన్లకు పైగా కోడింగ్ నేర్చుకున్నారు. ఆన్‌లైన్ ద్వారా కోడింగ్ నేర్చుకునే వారికీ కోడ్‌అకాడమీలో మూడు రకాలైన ప్లాన్లు అందుబాటులో ఉన్నాయి. అవి 1) బేసిక్ ప్లాన్ 2) ప్రో ప్లాన్ 3) టీమ్స్ ప్లాన్

బేసిక్ ప్లాన్ : ఈ ప్లాన్ లో ఎటువంటి చెల్లింపు లేకుండా కొన్ని నిర్దిష్ట పరిమితులలో ఉచితంగా కోర్సులు అందిస్తుంది. కోడెకాడమీ వెబ్సైటులో మీ ఇమెయిల్ ఐడీతో అకౌంట్ రూపొందించుకోవడం ద్వారా ఈ సౌలభ్యం అందిపుచ్చుకోవచ్చు. బేసిక్ ప్లాన్ లో ప్రోగ్రామింగ్ భాషలకు సంబంధించి బేసిక్ నాలెడ్జ్ మాత్రమే అందిస్తారు. ఇందులో కోర్సు గైడెన్స్, టెక్నికల్ సపోర్ట్, అపరిమిత మొబైల్ ప్రాక్టీస్ ఆప్షన్, రియల్ ప్రాజెక్టు ప్రాక్టీస్, కోర్సు పూర్తిచేసిన సర్టిఫికెట్ సదుపాయాలు లభించవు.

ప్రో ప్లాన్ : ప్రో ప్లాన్ లో ప్రోగ్రామింగ్ భాషలకు సంబంధించి పూర్తిస్థాయి ప్రీమియం కంటెంట్ అందిస్తారు. ఈ కోర్సులు సంబంధిత సబ్జెక్టు సంబంధించి పూర్తిస్థాయి ప్రోఫిసినల్ జ్ఞానాన్ని అందిస్తాయి. ఈ కోర్సులకు సంబంధించి అపరిమిత మొబైల్ ప్రాక్టీస్, స్టెప్ బై స్టెప్ కోర్సు గైడెన్స్, రియల్ టైమ్ ప్రాజెక్ట్స్, టెక్నికల్ కోర్సు సపోర్టుతో పాటుగా పూర్తిచేసిన కోర్సులకు సర్టిఫికెట్ కూడా అందిస్తారు.

టీమ్స్ ప్లాన్ : టీమ్స్ ప్లాన్ దాదాపు ప్రో ప్లానును పోలి ఉంటుంది. కాకుంటే ప్రో ప్లాన్ ఒక సభ్యుడు మాత్రమే ఉపయోగించేందుకు అనుమతి ఉంటుంది. టీమ్స్ ప్లాన్ విషయానికి వస్తే ఎంతమంది సభ్యులైన ఉపయోగించుకోవచ్చు. వీటి పాటుగా టీమ్ పెరఫామెన్స్ రిపోర్టులు అందిస్తారు. అదే విధంగా కోర్సులను సభ్యులకు నచ్చే సమయాల్లో షెడ్యూల్ చేసుకునే అవకాశం ఉంటుంది.