తెలంగాణ సీఎం మరియు కేబినెట్ మంత్రుల జాబితా

తెలంగాణ రెండవ ముఖ్యమంత్రిగా అనుముల రేవంత్ రెడ్డి బాధ్యతలు స్వీకరించారు. 7 డిసెంబర్ 2023న హైదరాబాద్‌లోని ఎల్‌బి స్టేడియంలో జరిగిన ప్రమాణస్వీకార కార్యక్రమంలో రేవంత్ రెడ్డి  ప్రమాణస్వీకారం చేసారు. ఆయనతో పాటు ఆయన పదకొండు మంది సభ్యుల మంత్రివర్గం కూడా ప్రమాణస్వీకారం చేసింది.

తెలంగాణ రాష్ట్ర రెండవ ముఖ్యమంత్రిగా ఎన్నికైన రేవంత్ రెడ్డి తెలంగాణ రాష్ట్ర మూడవ మంత్రివర్గంకు ప్రాతినిధ్యం వహిస్తాడు. ఇటీవలే తెలంగాణ శాసనసభ ఎన్నికలలో రేవంత్ రెడ్డి నేతృత్వంలోని భారత జాతీయ కాంగ్రెస్ సంపూర్ణ మెజారిటీని సాధించింది. రాష్ట్ర అసెంబ్లీలోని 119 సీట్లలో వీరి పార్టీ 64 స్థానాలను గెలుచుకుంది.

తెలంగాణలో ప్రభుత్వంలో ముఖ్యమంత్రితో సహా 17 మంది సభ్యుల క్యాబినెట్ ఉంది. భారత రాజ్యాంగం ప్రకారం తెలంగాణ ప్రభుత్వం ఐదేళ్ల కాలానికి ప్రజాస్వామ్య బద్దంగా ఎన్నికోబడుతుంది. రాష్ట్ర ప్రభుత్వానికి అధిపతిగా రాష్ట్ర గవర్నర్ నాయకత్వం వహిస్తారు, ప్రజాస్వామ్యబద్ధంగా ఎన్నికైన ముఖ్యమంత్రి కార్యనిర్వాహక వ్యవస్థకు నిజమైన అధిపతిగా ఉంటారు.

రాష్ట్ర ముఖ్యమంత్రిని మరియు ఆయన మంత్రిమండలిని గవర్నర్ నియమిస్తారు. గవర్నర్ రాష్ట్రా అధిపతిగా ఉన్నప్పటికీ, ప్రభుత్వ రోజువారీ నిర్వహణను ముఖ్యమంత్రి మరియు అతని మంత్రి మండలి చూసుకుంటుంది.

తెలంగాణ ద్విసభా పరిపాలన విధానాన్ని కలిగి ఉంది. అందులో దిగువ సభగా రాష్ట్ర అసెంబ్లీ (శాసనసభ / విధాన సభ), ఎగువ సభగా రాష్ట్ర శాసనమండలి (కౌన్సిల్ / విధాన పరిషత్) ఉంటాయి. తెలంగాణ యందు మొత్తం 119 మంది శాసనసభ సభ్యులు (ఎమ్మెల్యేలు), 40 మంది శాసన మండలి (ఎమ్యెల్సీలు) సభ్యులు ఎన్నుకోబడుతారు.