భారతీయ నౌకాదళంలో చేరేందుకు వివిధ రకాల ఎంట్రీ స్కీమ్‌లు

ఇంటర్, డిగ్రీ మరియు బీటెక్ తర్వాత భారతీయ నౌకాదళంలో చేరేందుకు అందుబాటులో వివిధ రకాల ఎంట్రీ స్కీమ్‌లు వివరాలు తెలుసుకోండి. ఇండియన్ నేవీ ఏటా కొన్ని వేల ఉద్యోగాలు భర్తీచేస్తుంది. 7,500 కిలోమీటర్ల సుదీర్ఘమైన భారతీయ తీరం వెంబడి వ్యాపార, వాణిజ్య, రక్షణ కార్యకలాపాలు నిర్వహిస్తున్న భారతీయ నావికాదళం, ఏటా సమర్ధవంతులైన భారతీయ యువతకు వివిధ నియామక ప్రక్రియల ద్వారా ఉపాధి కల్పిస్తుంది.

ఇంటర్, డిగ్రీ మరియు బీటెక్ తర్వాత భారతీయ నౌకాదళంలో ఆఫీసర్లుగా చేరండి. దేశ తీరప్రాంత రక్షణ వ్యవహారాలలో కీలకపాత్ర వహించే నేవీ ఆఫిసర్ మరియు ఇతర ఉద్యోగాలను 9 రకాల నియామక ప్రక్రియల ద్వారా భర్తీ చేస్తుంది. ఈ ఉద్యోగ ప్రకటనలు అన్ని జాతీయ, ప్రాంతీయ వార్త పత్రికలలో ప్రచారించబడతాయి. అవివాహితులైన యువతి, యువకులు ఈ పోస్టులకు దరఖాస్తు చేసునేందుకు అర్హులు.

ఇండియన్ నేవీలో జాయిన్ అయ్యేందుకు ఎంట్రీ స్కీమ్‌లు

• యూనియన్ పబ్లిక్ సర్వీస్ కమిషన్ ఎంట్రీలు

• ఇండియన్ నేవీ అండర్ గ్రాడ్యుయేట్ లెవెల్ ఎంట్రీ

• ఇండియన్ నేవీ గ్రాడ్యుయేట్ లెవెల్ ఎంట్రీ

• ఇండియన్ నేవీ ఎంట్రన్స్ టెస్ట్

• ఇండియన్ నేవీ అగ్నివీర్ ఎంట్రీ

• ఇండియన్ నేవీ యూనివర్సిటీ ఎంట్రీ స్కీమ్

• ఇండియన్ నేవీలో సెయిలర్ ఎంట్రీ

• ఇండియన్ నేవీలో మహిళల ఎంట్రీ

• కోస్ట్ గార్డు ఉద్యోగాలు

1. యూపీఎస్సీ ఎంట్రీ ద్వారా ఇండియన్ నేవీ ఉద్యోగాలు

భారతీయ నౌకాదళంలో వివిధ ఉద్యోగాల భర్తీ కోసం యూపీఎస్సీ నాలుగు రకాల నియామక పరీక్షలు నిర్వహిస్తుంది. వీటిలో గ్రాడ్యుయేట్ స్థాయి ఉద్యోగాలను కంబైన్డ్ డిఫెన్స్ సర్వీసెస్ ఎగ్జామినేషన్ ద్వారా, అండర్ గ్రాడ్యుయేట్ ఉద్యోగాలను నేషనల్ డిఫెన్స్ అకాడమీ ఎగ్జామ్ ద్వారా భర్తీ చేస్తుంది. అదే సమయంలో ప్రత్యేకంగా ఎంట్రీ ద్వారా ఎన్‌సీసీ అభ్యర్థులను భర్తీ చేస్తుంది.

యూపిఎస్సీ సీడీఎస్ ఎగ్జామ్

ఈ నియామక ప్రకటన ద్వారా ఇండియన్ మిలిటరీ అకాడమీ, ఇండియన్ నావల్ అకాడమీ, ఎయిర్ ఫోర్స్ అకాడమీ మరియు ఆఫీసర్ ట్రైనింగ్ అకాడమీల్లో ఖాళీలను భర్తీ చేస్తారు. ఎంపిక పక్రియ రాత పరీక్ష మరియు సర్వీస్ సెలక్షన్ బోర్డు ఇంటర్వ్యూ ద్వారా జరుగుతుంది. ఎంపికైన అభ్యర్థులకు ఆయా అకాడమీల్లో పోస్టుగ్రాడ్యుయేషన్ విద్యతో పాటుగా సాయుధ దళాల ట్రైనింగ్ అందిస్తారు.

ఈ నియామక పరీక్ష, యేటా రెండు సార్లు జరుగుతుంది. జూన్ మరియు అక్టోబర్ నెలలో నోటిఫికేషన్ విడుదల చేసి నవంబర్ మరియు ఫిబ్రవరిలో పరీక్షలు నిర్వహిస్తారు. అభ్యర్థుల వయస్సు 18 నుండి 23 ఏళ్ళ మధ్య ఉండాలి. తప్పనిసరి అవివాహితులై ఉండాలి, గుర్తింపు పొందిన యూనివర్సిటీ నుండి డిగ్రీ పూర్తిచేసి ఉండాలి. పూర్తి వివరాలు

యూపీఎస్సీ NDA & NA ఎగ్జామ్

నేషనల్ డిఫెన్స్ అకాడమీ & నేవల్ అకాడమీ ఎగ్జామినేషన్ ఆర్మీ, నేవీ మరియు ఎయిర్ ఫోర్స్ సర్వీసుల్లో ఖాళీలను భర్తీ చేసేందుకు నిర్వహిస్తారు. ఇంటర్ అర్హుతతో భారత త్రివిధ దళాలలో చేరేందుకు ఇదే మంచి అవకాశం. ఈ పరీక్షను యూపీఎస్సీ జాతీయ స్థాయిలో ఏటా రెండు సార్లు జరుపుతుంది. రాతపరీక్ష మరియు సర్వీస్స్ సెలక్షన్ బోర్డు నిర్వహించే వ్యక్తిగత ఇంటర్వ్యూ ద్వారా ఎంపిక చేస్తారు.

ఎంపికైనఅభ్యర్థులకు పూణేలో ఖాదక్వస్లా నేషనల్ డిఫెన్సె అకాడమీలో 3 ఏళ్ళ పాటు గ్రాడ్యుయేషన్ పాటుగా సాయుధ దళాల ట్రయినింగ్ అందిస్తారు. మూడేళ్ళ ట్రయినింగ్ పూర్తిచేసుకున్న అభ్యర్థులను ఆయా సాయుధ దళాల అకాడమీలకు పంపిస్తారు. పూర్తి వివరాలు

యూపీఎస్సీ ద్వారా ఇండియన్ నేవీ ఎన్‌సీసీ ఎంట్రీ 

నావల్ వింగ్ సీనియర్ డివివి ఎన్‌సిసి 'సి' సర్టిఫికేట్ హోల్డర్‌ల కోసం ఈ నియామక ప్రకటన విడుదల చేస్తారు. ఎన్‌సిసి 'సి' సర్టిఫికేట్ కలిగిన బీఈ/బీటెక్ అభ్యర్థులు అర్హులు. సీడీఎస్ఈ ప్రకటనతో పాటు దీనిని ప్రచురిస్తారు. ఈ ప్రవేశానికి ఎటువంటి వ్రాత పరీక్ష నిర్వహించబడదు. అర్హత గల అభ్యర్థులు తమ దరఖాస్తును నేరుగా మినిస్ట్రీ ఆఫ్ డిఫెన్స్ (నేవీ) యొక్క ఇంటిగ్రేటెడ్ హెడ్‌క్వార్టర్స్ ద్వారా ఫార్వార్డ్ చేయాల్సి ఉంటుంది.

అభ్యర్థులు సర్వీస్ సెలక్షన్ బోర్డ్ ఇంటర్వ్యూ కోసం డిప్యూట్ చేయబడతారు. ఇందులో అర్హత సాధించిన తర్వాత వైద్య పరీక్షలు నిర్వహిస్తారు. ఆరోగ్యంగా ఉన్నట్లు తేలితే, ఆల్ ఇండియా మెరిట్ ఆధారంగా ఇండియన్ నేవీలో ప్రవేశం కల్పిస్తారు. ఈ ఎంట్రీ ద్వారా ఎంపిక చేయబడిన అధికారుల శిక్షణ సాధారణంగా ప్రతి సంవత్సరం జనవరి/జులైలో ప్రారంభమవుతుంది.

2. ఇండియన్ నేవీ అండర్ గ్రాడ్యుయేట్ లెవెల్ ఎంట్రీ

ఇండియన్ నేవీ అండర్ గ్రాడ్యుయేట్ లెవెల్ ఎంట్రీ ద్వారా ఇంటర్మీడియట్ ఎంపీసీ అభ్యర్థులను భర్తీ చేస్తుంది. ఇంటర్ ఎంపీసీ యందు కనీసం 70 శాతం మార్కులు పొంది, జేఈఈ మెయిన్ ర్యాంకింగ్ పొందిన అభ్యర్థులు దరఖాస్తు చేసేందుకు అర్హులు. ఎంపికైన అభ్యర్థులకు బీఈ/బీటెక్ విద్యతో పాటుగా నౌకాదళ శిక్షణ అందించి ఉద్యోగంలోకి తీసుకుంటారు.

ఈ నియామక ప్రకటన ఏటా రెండు సార్లు మార్చి, సెప్టెంబర్ తర్వాత నెలలలో ఎంప్లాయ్‌మెంట్ న్యూస్/ముఖ్యమైన వార్తాపత్రికలలో ప్రచురిస్తారు. జేఈఈ మెయిన్ ఆల్ ఇండియా ర్యాంక్ ఆధారంగా సర్వీస్ సెలక్షన్ బోర్డ్ ఇంటర్వ్యూ కోసం షార్ట్‌లిస్ట్ రూపొందిస్తారు. జేఈఈ మెయిన్ ర్యాంకింగ్‌ను ప్రకటించిన తేదీ నుండి ఒక సంవత్సరంలోపు దరఖాస్తు చేసుకోవాలి.

3. ఇండియన్ నేవీ గ్రాడ్యుయేట్ లెవెల్ ఎంట్రీ

ఇండియన్ నేవీ గ్రాడ్యుయేట్ లెవెల్ డైరెక్ట్ ఎంట్రీ నియామక ప్రక్రియ మినిస్ట్రీ ఆఫ్ డిఫెన్స్ (నేవీ) యొక్క ఇంటిగ్రేటెడ్ హెడ్‌క్వార్టర్స్ ద్వారా నిర్వహించబడుతుంది. పేర్మినెంట్ కమిషన్ మరియు షార్ట్ సర్వీస్ కమిషన్ ద్వారా ఈ నియామక ప్రక్రియ పూర్తి చేస్తారు. ఈ ఎంట్రీల కోసం డిగ్రీ పూర్తి చేసిన అర్హులైన అవివాహిత అభ్యర్థుల నుండి దరఖాస్తులు స్వీకరిస్తారు.

ఈ ఎంట్రీల శిక్షణ సాధారణంగా జనవరి మరియు జూలై నెలల్లో ప్రారంభమవుతుంది. ఈ నియామక ప్రక్రియ ద్వారా ప్రధానంగా వృత్తి నిపుణులను భర్తీ చేస్తారు. భారతీయ నౌకాదళంలో మ్యూజిషియన్ మరియు స్పోర్ట్స్ ఎంట్రీలకు సంబంధించి వారి వృత్తిపరమైన సామర్థ్యం కోసం ప్రిలిమినరీ స్కానింగ్ నిర్వహించబడుతుంది. విజయవంతమైన అభ్యర్థులు ఆ తర్వాత బెంగళూరు/భోపాల్/కోయంబత్తూర్/ వైజాగ్/కోల్‌కతాలో ఎస్ఎస్‌బి ఇంటర్వ్యూలు నిర్వహిస్తారు.

షార్ట్ సర్వీస్ కమిషన్ ద్వారా అర్హత పొందిన అభ్యర్థులకు మెడికల్ పరీక్షలు నిర్వహిస్తారు. మెడికల్ టెస్టులలో అర్హుత పొందిన అభ్యర్థులు, ఆల్ ఇండియా మెరిట్ ఆధారంగా ఇండియన్ నేవీలో చేర్చబడతారు. ఈ ఎంట్రీల శిక్షణ సాధారణంగా జనవరి మరియు జూలై నెలల్లో ప్రారంభమవుతుంది. నియామక ప్రకటన ఎంప్లాయ్‌మెంట్ న్యూస్ మరియు ఇతర ముఖ్యమైన వార్తాపత్రికలలో ద్వారా విడుదల చేస్తుంది.