తెలుగులో రోజువారీ కరెంట్ అఫైర్స్ అక్టోబర్ 05, 2023. జాతీయ స్థాయి నుండి అంతర్జాతీయ స్థాయి వరకు తాజా సమకాలీన అంశాలను తెలుగులో చదవండి. యూపీఎస్సీ, ఎస్ఎస్సి, బ్యాంకింగ్, రైల్వే వంటి వివిధ పోటీ పరీక్షల కోసం సిద్దమవుతున్న అభ్యర్థుల కోసం ప్రత్యేకంగా ఇవి రూపొందించబడ్డాయి.
ఆసియా క్రీడలు 2023 - భారత విజేతలు
- ఆసియా క్రీడల్లో దక్షిణ కొరియాపై 235-230 తేడాతో విజయం సాధించిన భారత పురుషుల కాంపౌండ్ జట్టు అభిషేక్ వర్మ, ఓజాస్ డియోటాలే మరియు ప్రథమేష్ జవ్కర్ మరో ఆర్చరీ స్వర్ణ పతకాన్ని కైవసం చేసుకున్నారు.
- ఆసియా క్రీడల్లో భారత ఆర్చర్ జ్యోతి సురేఖ వెన్నం వ్యక్తిగత మహిళల కాంపౌండ్ ఈవెంట్‌లో బంగారు పతకాన్ని గెలుచుకుంది.
- ఆసియా క్రీడలు 2023 లో మిక్స్‌డ్ డబుల్స్ స్క్వాష్ టోర్నమెంట్‌లో భారతదేశానికి చెందిన దీపికా పల్లికల్ మరియు హరీందర్ పాల్ సంధు స్వర్ణ పతకాన్ని కైవసం చేసుకున్నారు.
- మహిళల 25 మీటర్ల పిస్టల్ టీమ్ ఈవెంట్‌లో మను భాకర్ , ఈషా సింగ్ మరియు రిథమ్ సాంగ్వాన్‌లతో కూడిన భారత షూటింగ్ జట్టు బంగారు పతకాన్ని గెలుచుకుంది.
- ఆసియా క్రీడల్లో మహిళల స్పీడ్ స్కేటింగ్ 3000 మీటర్ల రిలే టీమ్‌గా భారతదేశ స్కేటింగ్ బృందం మొదటి పతకాన్ని (కాంస్యం) కైవసం చేసుకుంది.
- మహిళల 5000 మీటర్ల రేసులో పారుల్ చౌదరి స్వర్ణం గెలుచుకుంది. అలానే ఆమె 3000 మీటర్ల స్టీపుల్‌చేజ్‌లో రజత పతకం కూడా దక్కించుకుంది.
- హాంగ్‌జౌ ఆసియా గేమ్స్‌లో పురుషుల షాట్‌పుట్‌లో భారతదేశానికి చెందిన తజిందర్‌పాల్ సింగ్ టూర్ స్వర్ణం సాధించాడు. 20.36 మీటర్ల త్రోతో అథ్లెటిక్స్‌లో భారతదేశానికి రెండవ బంగారు పతకాన్ని సాధించాడు.
- ఆసియా క్రీడల్లో పురుషుల 3000 మీటర్ల స్టీపుల్‌చేజ్‌లో భారత ఆటగాడు అవినాష్ సేబుల్ బంగారు పతకాన్ని గెలుచుకున్నాడు. ఈవెంట్‌లో స్వర్ణ పతకాన్ని సాధించిన తొలి భారతీయ వ్యక్తిగా నిలిచాడు.
- భారత స్టార్ గోల్ఫ్ క్రీడాకారిణి అదితి అశోక్, ఆసియా మహిళల వ్యక్తిగత ఈవెంట్‌లో తొలిసారిగా పతకాన్ని (సిల్వర్) సాధించి చరిత్ర సృష్టించింది.
- పృథ్వీరాజ్ తొండైమాన్ , కినాన్ చెనై, మరియు జోరావర్ సింగ్ సంధులతో కూడిన భారత త్రయం ఆసియాలో పురుషుల ట్రాప్ షూటింగ్‌లో బంగారు పతకాన్ని గెలుచుకుంది.
- ఆసియా క్రీడలు 2023లో మహిళల జావెలిన్ త్రోలో భారతదేశానికి చెందిన అన్నూ రాణి 69.92 మీటర్ల త్రోతో బంగారు పతకాన్ని గెలుచుకుంది.
- పురుషుల కానో డబుల్ 1000 మీటర్ల ఈవెంట్‌లో భారతదేశానికి చెందిన అర్జున్ సింగ్ మరియు సునీల్ సింగ్ సలామ్ కాంస్య పతకాన్ని సాధించారు.
- భారత ఆర్చర్స్ జ్యోతి సురేఖ వెన్నం మరియు ఓజాస్ ప్రవీణ్ డియోటాలే ఆసియా క్రీడలు 2023 లో కాంపౌండ్ మిక్స్‌డ్ టీమ్‌లో బంగారు పతకాన్ని గెలుచుకున్నారు.
- 2023 ఆసియా గేమ్స్‌లో పురుషుల జావెలిన్ త్రోలో ఒలింపిక్ ఛాంపియన్ నీరజ్ చోప్రా బంగారు పతకాన్ని సాధించగా, మరో భారతీయుడు జెనా కిషోర్ కుమార్ 87.54 మీటర్లతో రజతం గెలుచుకున్నాడు.
- ఆసియా క్రీడలలో 1962 తర్వాత భారత పురుషుల 4x400 మీటర్ల రిలేలో భారత్‌కు తొలి స్వర్ణం లభించింది. అనాస్ ముహమ్మద్ యాహియా, అమోజ్ జాకబ్, ముహమ్మద్ అజ్మల్ వరియాతోడి మరియు రాజేష్ రమేష్‌లతో కూడిన భారత క్వార్టెట్ 3:01.58 టైమింగ్‌తో భారత్‌కు స్వర్ణం సాధించింది. మహిళల 4x400 మీటర్ల రిలేలో విత్యా రాంరాజ్, ఐశ్వర్య మిశ్రా, ప్రాచి మరియు శుభా వెంకటేశన్‌లతో కూడిన భారత క్వార్టెట్ కూడా రజతం సాధించింది.
- ఆసియా క్రీడలు 2023 బాక్సింగ్ టోర్నమెంట్‌లో మహిళల 75 కేజీల విభాగంలో భారత బాక్సర్ లోవ్లినా బోర్గోహైన్ రజత పతకాన్ని గెలుచుకుంది. ఈమె టోక్యో ఒలింపిక్స్ కాంస్య పతక విజేత.
- జ్యోతి వెన్నం, అదితి స్వామి మరియు పర్నీత్ కౌర్‌లతో కూడిన భారత జట్టు 230-229తో చైనీస్ తైపీని ఓడించి ఆసియా క్రీడల్లో స్వర్ణ పతకాన్ని కైవసం చేసుకుంది.
- మహిళల ఫ్రీస్టైల్ 62 కేజీల విభాగంలో భారత క్రీడాకారిణి సోనమ్ మాలిక్ చైనాకు చెందిన లాంగ్ జియా చేతిలో ఓటమి చెంది కాంస్య పతకాన్ని అందుకుంది.
- హాంగ్‌జౌలో జరిగిన ఆసియా క్రీడలు 2023లో భారత పురుషుల మరియు మహిళల రికర్వ్ ఆర్చరీ జట్లు వరుసగా రజతం మరియు కాంస్య పతకాలను సాధించాయి. అటాను దాస్, ధీరజ్ బొమ్మదేవర మరియు తుషార్ షెల్కే త్రయం ఆసియా క్రీడలలో రజతం గెలిచిన మొదటి భారత పురుషుల జట్టుగా నిలిచారు.
- భారత బ్యాడ్మింటన్ క్రీడాకారులు చిరాగ్ శెట్టి, సాత్విక్‌సాయిరాజ్ రాంకిరెడ్డిలు ఆసియా క్రీడల్లో భారత్‌కు తొలిసారిగా బ్యాడ్మింటన్‌లో బంగారు పతకం సాధించి చరిత్ర సృష్టించారు.
- ఆసియా క్రీడలు 2023 లో పురుషుల ఫ్రీస్టైల్ 86 కేజీల సెమీఫైనల్‌లో భారత రెజ్లర్ దీపక్ పునియా 4-3తో ఉజ్బెకిస్థాన్‌కు చెందిన జావ్రైల్ షాపీవ్‌ను ఓడించి రజతం దక్కించుకున్నాడు.
- ఆసియా గేమ్స్‌లో బ్యాడ్మింటన్ పురుషుల సింగిల్స్ సెమీఫైనల్‌లో చైనాకు చెందిన లీ షిఫెంగ్‌తో తలపడి ప్రణయ్ కాంస్యం సాధించాడు.
- 19వ ఆసియా గేమ్స్‌లో పురుషుల ఫ్రీస్టైల్ 57 కేజీల విభాగంలో భారత గ్రాప్లర్ అమన్ సెహ్రావత్ కాంస్య పతకాన్ని గెలుచుకున్నాడు.
- భారత మహిళల కబడ్డీ జట్టు ఫైనల్‌లో చైనీస్ తైపీపై ఉత్కంఠ విజయంతో (స్వర్ణం) ఆసియా క్రీడల్లో భారత్ 100వ పతకాన్ని ఖాయం చేసుకుంది.
- భారత పురుషుల క్రికెట్ జట్టు ఆసియా క్రీడల అరంగేట్రంలోనే స్వర్ణ పతకాన్ని కైవసం చేసుకుంది. ఆఫ్ఘనిస్తాన్‌తో జరగాల్సిన ఆసియా క్రీడల ఫైనల్ వర్షం కారణంగా రద్దయిన తర్వాత భారత్ విజేతగా ప్రకటించబడింది.
మధ్యప్రదేశ్‌లో మహిళలకు 35% రిజర్వేషన్లు
మధ్యప్రదేశ్ ప్రభుత్వం ప్రభుత్వ ఉద్యోగాల్లో మహిళలకు 35% రిజర్వేషన్లు ప్రకటించింది. అటవీ శాఖను మినహాయించి మిగతా ఉద్యోగాల్లో మహిళలకు 35 శాతం రిజర్వేషన్లు కల్పిస్తూ నోటిఫికేషన్ జారీ చేసింది. దీనిని అమలు చేసేందుకు ప్రభుత్వం మధ్యప్రదేశ్ సివిల్ సర్వీసెస్ (మహిళల నియామకం కోసం ప్రత్యేక నిబంధన) రూల్స్, 1997కి సవరణను ప్రవేశపెట్టింది.
ఇప్పటికే పంచాయతీలు మరియు పట్టణ సంస్థల ఎన్నికలలో మహిళలకు 50 శాతం రిజర్వేషన్లను ప్రవేశపెట్టిన మొదటి రాష్ట్రంగా మధ్యప్రదేశ్ ఉంది. అలాగే ఇప్పటికే పోలీసుల్లో మహిళలకు 30 శాతం రిజర్వేషన్లు కల్పిస్తున్నారు. ఆస్తి ఒక మహిళ పేరు మీద ఉన్నట్లయితే రిజిస్ట్రేషన్ సమయంలో ప్రభుత్వం రాయితీ సుంకాలను కూడా అందిస్తుంది. మధ్యప్రదేశ్‌లో మొత్తం 5.6 కోట్ల మంది ఓటర్లలో 2.72 కోట్ల మంది మహిళా ఓటర్లు ఉన్నారు.
మధ్యప్రదేశ్ ప్రభుత్వ ఉద్యోగాల్లో మహిళలకు రిజర్వేషన్లు పెంచుతూ ప్రభుత్వం తీసుకున్న నిర్ణయం లింగ సమానత్వానికి సానుకూల ముందడుగు. శ్రామిక శక్తిలో పాల్గొనడానికి మరియు రాష్ట్ర అభివృద్ధికి సహకరించడానికి మహిళలకు సమాన అవకాశాలు ఉండేలా ఇది సహాయపడుతుంది.
టాప్ 10 సంపన్న భారతీయుల్లో సావిత్రి జిందాల్
భారతదేశంలో అత్యంత సంపన్న మహిళ అయిన సావిత్రి జిందాల్ ఇప్పుడు 18.7 బిలియన్ డాలర్ల నికర విలువతో మొత్తం భారతీయ సంపన్నుల జాబితాలో 7వ స్థానంలో ఉన్నారు. భారతీయ ధనవంతుల జాబితాలో స్థానం దక్కించుకున్న ఏకైక మహిళగా నిలిచారు. గ్లోబల్ ర్యాంకింగులో ఆమె 98వ స్థానంలో ఉన్నారు.
రిలయన్స్ ఇండస్ట్రీస్ ఛైర్మన్ మరియు భారతదేశంలోని అత్యంత సంపన్న బిలియనీర్ ముఖేష్ అంబానీ ఈ సంవత్సరం కూడా అగ్రస్థానంలో ఉండగా, ఈ ఏడాది అతని సంపదలో $541 మిలియన్ల క్షీణతను చవిచూశారు. బ్లూమ్‌బెర్గ్ బిలియనీర్స్ ఇండెక్స్ అనేది ప్రపంచంలోని అత్యంత ధనవంతుల రోజువారీ ర్యాంకింగ్. ఇండెక్స్ ప్రతి వ్యక్తి యొక్క నికర విలువపై ఆధారపడి ఉంటుంది, ఇది వారి పబ్లిక్‌గా వర్తకం చేయబడిన ఆస్తుల ముగింపు ధర మరియు వారి ప్రైవేట్‌గా కలిగి ఉన్న ఆస్తుల విలువ యొక్క అంచనాను ఉపయోగించి లెక్కించబడుతుంది.
టాప్ 10 భారతీయ ధనవంతులు
- ముఖేష్ అంబానీ- $87 బిలియన్
- గౌతమ్ అదానీ - $63.1 బిలియన్
- షాపూర్ పల్లోంజీ మిస్త్రీ - $31.7 బిలియన్
- శివ్ నాడార్ - $28.8 బిలియన్
- అజీమ్ ప్రేమ్ జీ - $23.7 బిలియన్
- సైరస్ ఎస్ పూనావల్లా - $19.1 బిలియన్
- సావిత్రి దేవి జిందాల్ - $18.7 బిలియన్
- దిలీప్ షాంఘవి - $18.6 బిలియన్
- రాధాకిషన్ దమానీ - $17.6 బిలియన్
- లక్ష్మీ మిట్టల్ - $17.2 బిలియన్
లక్నోలో మొదటి జంతు శ్మశానవాటిక ఏర్పాటుకు ఆమోదం
చనిపోయిన పెంపుడు జంతువులు మరియు విచ్చలవిడి జంతు కలియబరాలు పారవేసే సమస్యను పరిష్కరించడానికి, లక్నో మునిసిపల్ కార్పొరేషన్, టీఎస్ మిశ్రా మెడికల్ యూనివర్శిటీ సమీపంలో విద్యుత్ శ్మశానవాటికను ఏర్పాటు చేయాలని నిర్ణయించింది. దీనికి సంబంధించిన ప్రతిపాదనకు లక్నో మున్సిపల్ఆ కార్పొరేషన్ ఆమోదం తెలిపింది.
4 కోట్ల రూపాయలతో ఈ ఆధునిక శ్మశానవాటికను నిర్మించనున్నారు. ఈ శ్మశానవాటికలో రెండు ఎలక్ట్రిక్ ఇన్సినరేటర్లు ఏర్పాటు చేయనున్నారు. ఇవి అన్ని పరిమాణాల జంతువుల దహనంకు అనువుగా ఉంటాయి. ఈ శ్మశానవాటికలో కుక్కలు మరియు పిల్లులు వంటి చిన్న జంతువులను దహనం చేయడానికి ప్రత్యేక విభాగం అందుబాటులో ఉంచనున్నారు.
జంతువుల శ్మశానవాటిక నిర్మాణం స్వాగతించదగిన దశ, ఎందుకంటే ఇది జంతువుల అవశేషాలను సరిగ్గా పారవేయడం సమస్యను పరిష్కరించడానికి సహాయపడుతుంది. ప్రస్తుతం, చాలా మంది తమ చనిపోయిన పెంపుడు జంతువులను తమ పెరట్లో పాతిపెట్టడం లేదా నదులు మరియు కాలువలలో విసిరివేయడం ద్వారా వాటిని పారవేస్తారు. దీని వల్ల వ్యాధులు ప్రబలడంతోపాటు నీటి వనరులు కలుషితమవుతున్నాయి.
అలానే జంతువుల శ్మశానవాటిక ప్రజలు తమ ప్రియమైన పెంపుడు జంతువులను కోల్పోయినందుకు సంతాపం చెందడానికి ఒక స్థలాన్ని కూడా అందిస్తుంది. శ్మశానవాటికలో వేచి ఉండే ప్రదేశం ఉంటుంది, ఇక్కడ ప్రజలు తమ పెంపుడు జంతువులను దహనం చేయడానికి ముందు వీడ్కోలు చెప్పవచ్చు.
సిక్కింలో ఆకస్మిక వరదలకు దారితీసిన గ్లేసియల్ లేక్ ఔట్‌బరస్ట్
హిమనదీయ సరస్సు విస్ఫోటనం కారణంగా సంభవించిన ఆకస్మిక వరదలు భారతదేశం యొక్క ఈశాన్య సిక్కిం రాష్ట్రంలో విధ్వంసానికి దారితీసింది. బంగాళాఖాతంలో ఏర్పడిన రుతుపవనాల అల్పపీడనం కారణంగా అధిక వర్షపాతం నమోదైంది. అక్టోబర్ 4న ఈ అల్పపీడనం సిక్కిం మరియు ఈశాన్య భారతదేశంలోని ఇతర ప్రాంతాలలో భారీ వర్షాలు కురిపించింది. కొద్దీ గంటల్లోనే దాదాపు 39 మిమీ వర్షం నమోదు కాబడింది.
ఈ భారీ వర్షపాతం తర్వాత ఉత్తర సిక్కింలో ఉన్న దక్షిణ లొనాక్ సరస్సు ఒడ్డు పగిలి పెద్ద మొత్తంలో నీరు మరియు చెత్త దిగువ భాగానికి కొట్టుకువచ్చింది. ఈ వరదనీరు పర్వతాల మీదుగా ప్రవహించింది, దాని మార్గంలోని గ్రామాలను మరియు మౌలిక సదుపాయాలను నాశనం చేసింది. ఏఈ ప్రమాదంలో వందల మంది మరణించడంతో పాటుగా వేల మంది గల్లంతయ్యారు.
సిక్కిం వంటి పర్వత ప్రాంతాలలో తక్కువ సమయంలో ఎక్కువ వర్షాలు కురిసినప్పుడు, నేల నీటితో సంతృప్తమవుతుంది. ఎక్కువ నీటిని పీల్చుకునే సామర్థ్యం కోల్పోయి నేల యొక్క ఉపరితలంపై ప్రవహింపజేస్తుంది. ఇది నదులు మరియు దిగువ ప్రవాహాలలోకి ప్రవహించి ఆకస్మిక వరదలకు కారణమవుతుంది. ఈ ప్రాంతంలో దాదాపు 25 గ్లేసియల్ లేక్స్ ప్రమాదంలో ఉన్నట్లు తెలుస్తుంది.
04 అక్టోబర్ 2023లో సిక్కింలో సంభవించిన ఆకస్మిక వరదల విషయంలో, గ్లేసియల్ లేక్ ఔట్‌బరస్ట్ మరియు అధిక వర్షపాతం కారణమని నమ్ముతున్నారు. ఉత్తర సిక్కింలో ఉన్న సౌత్ లొనాక్ సరస్సు పగిలిపోయి పెద్ద ఎత్తున నీటిని తీస్తా నదిలోకి విడుదల చేసిందని అంచనా వేస్తున్నారు. ఇది ఆ ప్రాంతంలో కురుస్తున్న భారీ వర్షాలతో కలిసి, ఆకస్మిక వరదలకు కారణమై విస్తృతమైన ఆస్తి మరియు ప్రాణనష్టంకు దారితీసింది.
