ఏపీ అగ్రిపాలీసెట్ 2022 | దరఖాస్తు ప్రక్రియ, షెడ్యూల్ & పరీక్ష విధానం

దరఖాస్తు ప్రక్రియ

అర్హులైన అభ్యర్థులు నోటిఫికేషన్ తుడుగడువు లోపు https://angrau.ac.in/ వెబ్సైటు ద్వారా ఆన్‌లైన్ విధానంలో దరఖాస్తు చేసుకోవాలి. ముందుగా అందుబాటులో ఉన్న పేమెంట్ విధానంలో పరీక్ష రుసుము చెల్లించాలి. వాటి వివరాలతో దరఖాస్తు ప్రక్రియ ప్రారంభించాలి. దరఖాస్తులో అభ్యర్థి యొక్క వ్యక్తిగత, చిరునామా మరియు విద్యా అర్హుత వివరాలు పొందుపరచడం ద్వారా దరఖాస్తు ప్రక్రియ పూర్తివుతుంది.

దరఖాస్తు చేసే ముందు సంబంధిత సర్టిఫికేట్లు అన్ని అందుబాటులో ఉంచుకోవాలి. దరఖాస్తు సమయంలో అందించే సమాచారంకు పూర్తి జవాబుదారీ మీరే కాబట్టి ఇచ్చే సమాచారంలో తప్పులు దొర్లకుండా చూసుకోండి. ఫోన్ నెంబర్, మెయిల్ ఐడీ, ఆధార్ నెంబర్, పుట్టిన తేదీలు, రిజర్వేషన్ కేటగిరి, భాష ఎంపిక, పరీక్ష కేంద్రం వంటి వివరాలు దరఖాస్తు పూర్తిచేసేముందు పునఃపరిశీలించుకోండి. దరఖాస్తు పూర్తిచేసాక మూడు లేదా నాలుగు కాపీలు ప్రింట్ తీసి భద్రపర్చండి.

• వైట్ బ్యాక్ గ్రౌండ్ తో ఈమధ్య కాలంలో తీసుకున్న పాసుపోర్టు సైజు ఫోటో అందుబాటులో ఉంచుకోండి. కంప్యూటర్ లో డిజైన్ లేదా ఎడిట్ చేసిన ఫోటోలు అనుమతించబడవు.
• మీ సొంత దస్తూరితో చేసిన సంతకాన్ని అప్‌లోడ్ చేయండి. కాపిటల్ లేటర్స్ తో చేసిన సంతకం చెల్లదు.
• ఫొటోగ్రాఫ్, సంతకం వాటికీ సంబంధించిన బాక్సుల్లో  మాత్రమే అప్‌లోడ్ చేయండి. అవి తారుమారు ఐతే దరఖాస్తు పరిగణలోకి తీసుకోరు. ఈ ఫైళ్ల సైజు 10-200 కేబీల మధ్య ఉండేలా  చూసుకోండి.
• దరఖాస్తు సమయంలో అప్‌లోడ్ చేసిన ఫొటోగ్రాఫ్ కు సమానమైనది ఇంకో ఫొటోగ్రాఫ్ ను పరీక్ష రోజు ఆయా పరీక్షకేంద్రంలో  ఇవ్వాల్సి ఉంటుంది.
• అడ్మిట్ కార్డు అందుబాటులో ఉండే తేదిలో పిడిఎఫ్ ఫార్మాట్ లో డౌన్‌లోడ్ చేసుకోండి.
• పరీక్ష రోజు అరగంట ముందే పరీక్ష కేంద్రానికి చేరుకోవాల్సి ఉంటుంది.
• అడ్మిట్ కార్డు, ఫొటోగ్రాఫ్ తో పాటు వ్యక్తిగత ఐడెంటి కార్డుతో పరీక్షకు హాజరవ్వాలి.
• నిషేదిత వస్తువులు పరీక్ష కేంద్రంలోకి ఎట్టి పరిస్థితిల్లో అనుమతించబడవు.

పరీక్ష సరళి

అగ్రిపాలీసెట్ పరీక్ష ఆఫ్‌లైన్ విధానంలో 120 మార్కులకు నిర్వహిస్తారు. పరీక్ష 2 గంటల నిడివితో ఉంటుంది. ప్రశ్నపత్రం మొత్తం నాలుగు సెక్షన్లుగా ఉంటుంది. ప్రశ్నలు పూర్తి ఆబ్జెక్టివ్ విధానంలో టెన్త్ క్లాస్ ఆధారిత మాథమెటిక్స్, ఫిజిక్స్, కెమిస్ట్రీ మరియు బయాలజీ అంశాల నుండి ఇవ్వబడతాయి. ఇందులో మ్యాథ్స్ నుండి 40 ప్రశ్నలు, ఫిజిక్స్ నుండి 20 ప్రశ్నలు, కెమిస్ట్రీ నుండి 20 ప్రశ్నలు మరియు బయాలజీ నుండి 40 ప్రశ్నలు ఇవ్వబడతాయి. సరైన సమాధానం చేసిన ప్రశ్నకు 1 మార్కు కేటాయిస్తారు. నెగిటివ్ మార్కులు ఉండవు. ప్రశ్నపత్రం తెలుగు/ఇంగ్లీష్ లేదా ఉర్దూ/ఇంగ్లీష్ మీడియంలో ఉంటుంది.