నేరుగా రెండవ ఏడాది ఇంజనీరింగ్ కోర్సులలో ప్రవేశాలు కల్పించేందుకు నిర్వహించే ఏపీ ఈసెట్ 2023 షెడ్యూలును ఏపీ ఉన్నత విద్యామండలి విడుదల చేసింది. ఏపీ ఈసెట్ 2023 పరీక్షలను మే 5 వ తేదీన నిర్వహించనున్నట్లు తాత్కాలిక షెడ్యూల్ విడుదల చేసింది. జూన్ నెలాఖరుకు అన్ని ప్రవేశాల ప్రక్రియను పూర్తి చేసేందుకు సన్నద్ధం అవుతుంది.
కోవిడ్ కారణంగా గత మూడేళ్ళుగా గాడి తప్పిన విద్యా వ్యవస్థను దారిలో పెట్టేందుకు ఈ ఏడాది అన్ని కామన్ ఎంట్రన్స్ పరీక్షలను ముందుగా నిర్వహించి, అంతే త్వరంగా ప్రవేశాలు నిర్వహించేందుకు సిద్దమవుతున్నట్లు వెల్లడించింది.
ఏపీ ఈసెట్ 2023
ఏపీ ఈసెట్ పరీక్షను డిప్లొమా మరియు బీఎస్సీ మ్యాథమెటిక్స్ పూర్తిచేసిన విద్యార్థులకు నేరుగా రెండవ ఏడాది ఇంజనీరింగు కోర్సులలో ప్రవేశం కల్పించేందుకు నిర్వహిస్తారు. అంతే కాకుండా డిప్లొమాలో ఫార్మసీ బ్రాంచ్ చదువుకునే విద్యార్థులు, ఈసెట్ ద్వారా నేరుగా బీఫార్మసీ రెండవ ఏడాదిలో అడ్మిషన్ పొందొచ్చు.
ఏపీ ఈసెట్ అర్హుత సాధించిన విద్యార్థులు ఎఐసిటీఈ గుర్తింపు పొందిన అన్ని ప్రభుత్వ, ప్రైవేట్ టెక్నికల్ ఇన్టిట్యూట్లలో అడ్మిషన్ పొందొచ్చు. అలానే ఫార్మసీ కౌన్సిల్ అఫ్ ఇండియా అధీనంలో నడిచే అన్ని ఫార్మసీ కాలేజీల్లో నేరుగా బీఫార్మసీ రెండవ ఏడాదిలో ప్రవేశం పొందొచ్చు. ఈసెట్ ను ఏపీ స్టేట్ కౌన్సిల్ ఆఫ్ హయ్యర్ ఎడ్యుకేషన్ మరియు జేఎన్‌టీయూ అనంతపూర్ కలిసి ఉమ్మడిగా నిర్వహిస్తున్నాయి.
| Exam Name | AP ECET 2023 |
| Exam Type | Entrance Exam |
| Exam For | Admission for Engineering |
| Exam Date | 05/05/2023 |
| Exam Duration | 3 Hours |
| Exam Level | State Level (AP) |
