ఒక లాంగ్వేజ్ మాట్లాడేందుకు దానికి అవసరమయ్యే పదజాలం (vocabulary) తెలిసి ఉండాలి. పదజాలం తెలియకుండా, ఎన్ని వ్యాకరణ సూత్రాలు కంఠస్థ పెట్టిన ఉపయోగం ఉండదు. ఒక వస్తువు పేరు పలానా అని తెలియకుండా ఒక భాషను మాట్లాడటం అసాధ్యం. ఏదైనా కొత్త లాంగ్వేజ్ నేర్చుకునే ముందు ఆ భాషకు సంబంధించిన వాడుక పదాలను మొదట తెలుసుకుని తీరాలి.
పదజాలం నేర్చుకునేందుకు సహజ అభ్యసన ఉత్తమం
మాతృ భాషకు చెందిన పదజాల అభ్యసన పుట్టిన రెండు మూడేళ్ల నుండి సహజంగా ప్రారంభమోతుంది. అమ్మ అది ఏంటి ?, డాడీ ఇది ఏంటి, తాతయ్య దానిని ఏమంటారు వంటి ప్రశ్నలతో మొదలైన ఈ నిరంతర అభ్యసన ప్రకియ, ఇప్పటికి కొనసాగుతూ ఉంటుంది.
ఒక స్వీట్ షాపులో ఈ స్వీటును ఏమంటారు అనే ప్రశ్న నుండి కొత్తగా డౌన్‌లోడు చేసే మొబైల్ యాప్ ఫీచర్స్ పేర్లు తెలుసుకునే వరకు సహజంగా జరిగిపోతుంటుంది.
ఇదే సూత్రాన్ని కొత్త లాంగ్వేజ్ నేర్చుకునే సమయంలో ఉపయోగించడం ద్వారా ఫలితాన్ని పొందొచ్చు. అలా కాకుండా మార్కెటులో దొరికే ఆంగ్ల పదజాలానికి చెందిన పుస్తకం కొనుక్కొని, కంఠస్త చేస్తే వారం పదిరోజులల్లో వాటిని మర్చిపోతాం.
అదే సహజ అభ్యసన పక్రియను అనుసరించడం వలన నేర్చుకోవడం సులభమౌతుంది. మీ నిత్యజీవితంలో ప్రతి రోజు ఉపయోగించే మరియు తారసపడే వస్తువుల పేర్లను ఎప్పటికపుడు నేర్చుకోవడం వలన ఎక్కువ కాలం, ఆ సందర్భానికి చెందిన జ్ఞాపకాలతో గుర్తుండిపోతాయి .
ఈ టెక్నిక్ ఎప్పటికప్పుడు ఉపయోగించేందుకు గూగుల్ లాంగ్వేజ్ ట్రాన్స్‌లేటర్ (Tel - Eng) లేదా అక్కడ ఉండే వారిని అడిగి తెలుసుకోవడం ద్వారా మీ అభ్యసన కొనసాగించవచ్చు. నిత్యజీవితంలో మీరు ఎక్కువ ఉపయోగించే కొన్ని తెలుగు పదాలకు సంబంధించిన ఆంగ్ల పదజాలాన్ని ఇక్కడ చూడొచ్చు.
