యూపీఎస్సీ స్పెషల్ క్లాస్ రైల్వే అప్రెంటిస్ ఎగ్జామినేషన్

అప్రెంటిస్ ప్రోగ్రాం వివరాలు మరియు ఎంపిక పద్ధతి

యూపీఎస్సీ నిర్వహించే రైల్వే స్పెషల్ క్లాస్ అప్రెంటిస్ పరీక్షను దేశంలో ఒకానొక మొదటి ఇంజనీరింగ్ పరీక్షగా చెప్పుకుంటారు. ఈ ప్రోగ్రాంను 1927 బ్రిటిష్ రైల్వే కాలంలో ప్రారంభించారు. యేటా ఒకసారి నిర్వహించే ఈ పరీక్షకు దేశవ్యాప్తంగా నిరుద్యోగ అభ్యర్థుల నుండి పోటీఉండేది. ఉన్న ముప్పై, నలభై సీట్లకోసం లక్షల్లో అభ్యర్థులు పాల్గునేవారు. ఈ పరీక్షాను ఇండియన్ రైల్వే ఇనిస్టిట్యూట్ ఆఫ్ మెకానికల్ అండ్ ఎలక్ట్రికల్ ఇంజనీరింగ్ (జమలపూర్) లో మెకానికల్ మరియు ఎలక్ట్రికల్ ఇంజనీరింగ్ ప్రోగ్రాంలో సీట్లు భర్తీచేసేందుకు నిర్వహిస్తారు.

దరఖాస్తు చేసుకునే అభ్యర్థులకు రాతపరీక్ష, ఇంటర్వ్యూ మరియు మెడికల్ టెస్ట్ నిర్వహించడం ద్వారా ఎంపిక చేపట్టేవారు. మ్యాథమెటిక్స్, కెమిస్ట్రీ, ఫిజిక్స్ మరియు మెంటల్ ఎబిలిటీ సంబంధిత సబ్జెక్టులతో రాతపరీక్ష జరుపుతారు. రాతపరీక్ష పూర్తిచేసిన అభ్యర్థులకు ఇంటర్వ్యూ మరియు మెడికల్ టెస్ట్ నిర్వహించి, తుది ఫలితాలు ప్రకటిస్తారు.

ఎంపికైన అభ్యర్థులకు ఇండియన్ రైల్వే ఇనిస్టిట్యూట్ ఆఫ్ మెకానికల్ అండ్ ఎలక్ట్రికల్ ఇంజనీరింగ్ (జమలపూర్) లో నాలుగేళ్ళ మెకానికల్ మరియు ఎలక్ట్రికల్ ఇంజనీరింగ్ గ్రాడ్యుయేషన్'తో పాటుగా రైల్వే సంబంధిత ట్రయినింగ్ అందించేవారు. అప్రెంటిస్ వర్క్ షాప్ ట్రయినింగ్ సెషన్ హాలీడేస్'లో నిర్వహించే వారు.

ట్రయినింగ్ సమయంలో అభ్యర్థులకు 9100/- వరకు స్టైపెండ్ పాటుగా డీఏ, ఇతర అలోవెన్సులు అందజేస్తారు. 4 ఏళ్ళ అప్రెంటిస్ ప్రోగ్రాంను విజయవంతంగా పూర్తిచేసిన అభ్యర్థులకు రైల్వేలో గ్రూపు ఏ స్థాయి అధికార హోదాతో రైల్వే మెకానికల్ ఇంజనీరింగ్ ఎలక్ట్రికల్ ఇంజనీరింగ్ కార్యనిర్వహణ అధికారులుగా నియమిస్తారు.