పివి నరసింహారావు తెలంగాణ వెటర్నరీ యూనివర్సిటీ సాంకేతికంగా 1946లో స్థాపించారు. 1964 వరకు ఇది ఉస్మానియా యూనివర్సిటీకి అనుబంధంగా హైదరాబాద్ వెటర్నరీ కాలేజీ పేరుతో ఉండేది. 1964లో ఆంధ్ర ప్రదేశ్ అగ్రికల్చర్ యూనివర్సిటీ ఏర్పాటు జరిగాక అగ్రికల్చర్, లైఫ్ సైన్సెస్, వెటర్నరీ విభాగాలన్నీ ఒక గూటికిందకు చేర్చారు. 2005 లో తిరుపతిలో శ్రీ వెంకటేశ్వర వెటర్నరీ యూనివర్సిటీ ఏర్పాటు జరిగాక, హైదరాబాద్ రాజేంద్రనగర్లో ఉండే వెటర్నరీ కాలేజీని శ్రీ వెంకటేశ్వర వెటర్నరీ యూనివర్సిటీకి అనుబంధ శాఖగా మార్చారు. 2014 ఉమ్మడి ఆంధ్ర ప్రదేశ్ విభజన తర్వాత హైదరాబాద్ వెటర్నరీ విభాగానికి పేరుమార్చి పివి నరసింహారావు తెలంగాణ వెటర్నరీ యూనివర్సిటీని ఏర్పాటు చేసారు.
