ఇంటర్మీడియట్ గ్రూపులు
ఆంధ్రప్రదేశ్ ఇంటర్మీడియట్ విద్యామండలి జనరల్ కేటగిరిలో సైన్స్, హుమానటిస్, కామర్స్ మరియు ప్రొఫిషినల్ స్ట్రీమ్స్'కు సంబంధించి ప్రస్తుతం 85 కాంబినేషన్లలో/గ్రూపుల్లో/ కోర్సుల్లో ఇంటర్ విద్యను అందిస్తుంది. ఇంటర్మీడియట్ విద్య మాథ్స్, సైన్స్, ఆర్ట్స్ మరియు కామర్స్ గ్రూపులుగా అందుబాటులో ఉంటుంది. ప్రతి గ్రూపులో ఎంపిక చేసుకున్న స్ట్రీమ్స్ కు సంబంధించి నాలుగు ప్రధాన సబ్జెక్టులతో పాటుగా రెండు లాంగ్వేజ్ సబ్జెక్టులు ఉంటాయి. రెండేళ్లకు కలిపి 1000 మార్కులకు పరీక్షలు నిర్వహిస్తారు. సైన్స్ సబ్జెక్టులకు సంబంధించి ప్రాక్టికల్ పరీక్షలకు హాజరవ్వాల్సి ఉంటుంది.
ఇంటర్మీడియేట్ యందు అందుబాటులో ఉండే సబ్జెక్టులు
| పార్ట్ I | ఫస్ట్ లాంగ్వేజ్ ఇంగ్లీష్ |
| పార్ట్ II | సెకండ్ లాంగ్వేజ్ తెలుగు, హిందీ, సంస్కృతం, ఉర్దూ, అరబిక్, ఫ్రెంచ్, తమిళం, కన్నడ, ఒరియా మరియు మరాఠీ |
| పార్ట్ III | ఆప్షనల్ సబ్జెక్టులు మ్యాథమెటిక్స్, ఫిజిక్స్, కెమిస్ట్రీ, బోటనీ, జువాలజీ, కామర్స్, ఎకనామిక్స్, సివిక్స్, హిస్టరీ, సైకాలజీ, పబ్లిక్ అడ్మినిస్ట్రేషన్, లాజిక్, సోషియాలజీ, జియోగ్రఫీ & జియాలజీ మోడరన్ లాంగ్వేజ్ సబ్జెక్టులు ఇంగ్లీష్, తెలుగు, హిందీ మరియు ఉర్దూ |
పాపులర్ ఇంటర్మీడియట్ గ్రూపులు
| MPC | Mathematics, Physics, Chemistry |
| Bi.PC | Biology (Botany + Zoology), Physics, Chemistry |
| MEC | Mathematics, Economics, Commerce |
| HEC | History, Economics,Civics |
| CEC | Commerce, Economics, Civics |
వీటితో పాటుగా వివిధ ప్రధాన సబ్జెక్టులు మరియు లాంగ్వేజ్ సబ్జెక్టుల కాంబినేషన్ లో దాదాపు 85 జనరల్ ఇంటర్మీడియట్ గ్రూపులను రాష్ట్ర ఇంటర్మీడియట్ బోర్డు అందిస్తుంది. ఆయా గ్రూపుల సబ్జెక్టు కాంబినేషన్ మరియు గ్రూపు కోడ్ జాబితాను క్రింది జాబితాలో చూడగలరు.
