ఆంధ్ర యూనివర్సిటీలో ఇంజనీరింగ్ కోర్సులు : ఏయూఈఈటీ ప్రవేశ పరీక్ష

ఆంధ్ర యూనివర్సిటీ పదుల సంఖ్యలో ఇంజనీరింగ్ కోర్సులకు సంబంధించి యూజీ & పీజీ కోర్సులు ఆఫర్ చేస్తుంది. బ్యాచిలర్ ఆఫ్ ఇంజనీరింగ్ (బీఈ), బ్యాచిలర్ ఆఫ్ టెక్నాలజీ (బీటెక్), మాస్టర్ ఆఫ్ ఇంజనీరింగ్ (ఏంఈ), మాస్టర్ ఆఫ్ టెక్నాలజీ (ఎంటెక్) పేర్లతో అందిస్తున్న ఈ కోర్సులు ఆంధ్ర యూనివెర్సిటీతో పాటుగా దాని అనుబంధ ఇంజనీరింగ్ కాలేజీల్లో అందుబాటులో ఉంటాయి. ఈ కోర్సులకు సంబంధించి అడ్మిషన్ ప్రక్రియ ఏయూ ఇంజనీరింగ్ సెట్ మరియు ఇతర ఇంజనీరింగ్ ప్రవేశ పరీక్షల ర్యాంకుల ఆధారంగా నిర్వహిస్తారు.

ఏయూ బీఈ & బీటెక్ కోర్సులు కోర్సులు నాలుగేళ్ళ నిడివితో ఆఫర్ చేస్తున్నారు. ఈ నాలుగేళ్లలో అభ్యర్థులు ఎనిమిది సెమిస్టరు పరీక్షలకు హాజరవ్వాల్సి ఉంటుంది. ఒక సెమిస్టరు యందు పాస్ కాని అభ్యర్థులు, వచ్చే ఏడాది అదే సెమిస్టరు పరీక్షకు హాజరుకావడం ద్వారా ఉత్తీర్ణత పొందాల్సి ఉంటుంది. కోర్సులు సంబంధించి సీట్ల వివరాలు మరియు ట్యూషన్ ఫీజుల వివరాలు అడ్మిషన్ సమయంలో అందుబాటులో ఉంచుతారు.

ఆంధ్ర యూనివర్సిటీకి చెందిన ఇంజనీరింగ్ క్యాంపసులో మరియు అనుబంధ ఇంజనీరింగ్ కాలేజీల్లో ఆరేళ్ళ ఇంజనీరింగ్ డ్యూయల్ డిగ్రీ కోర్సులల్లో ప్రవేశాలు కల్పించేందుకు ఏయూఈఈటీ పరీక్షను నిర్వహిస్తారు. ఈ కోర్సులో మొదటి నాలుగేళ్లు బీటెక్, చివరి రెండేళ్లు ఎంటెక్ డిగ్రీ అందిస్తారు.

నాలుగేళ్ళ ఇంజీనిరింగ్ కోర్సు పూర్తిచేసి బయటకు పోయే విద్యార్థులకు బీటెక్ పట్టా మాత్రమే అందిస్తారు. ఇంటర్మీడియట్ ఎంపీసీ యందు 50 శాతం మార్కులతో ఉత్తీర్ణత పొందిన విద్యార్థులు దరఖాస్తు చేసుందుకు అర్హులు. ఈ ప్రవేశ పరీక్షకు సంబంధించి పూర్తి వివరాలు ఇక్కడ తెలుసుకుందాం.