సీమ్యాట్ 2023 : నోటిఫికేషన్, ఎలిజిబిలిటీ, ఎగ్జామ్ నమూనా

సీమ్యాట్ ఎలిజిబిలిటీ

• దరఖాస్తుదారుడు భారత పౌరుడు అయి ఉండాలి
• అడ్మిషన్ పొందే సమయానికి ఏదైనా ఒక కోర్సులో బ్యాచిలర్ డిగ్రీ పూర్తిచేసి ఉండాలి
• CMAT రాసేందుకు ఎటువంటి వయోపరిమితి లేదు

సీమ్యాట్ 2023 ముఖ్యమైన తేదీలు

సీమ్యాట్ దరఖాస్తు ఫీజు

సీమ్యాట్ దరఖాస్తు రుసుములు డెబిట్ కార్డు, క్రెడిట్ కార్డు, నెట్ బ్యాంకింగ్ లేదా ఈ చలానా విధానంలో చెల్లించవచ్చు. చెల్లింపు సమయంలో సర్వీస్ చార్జీలు , జీఎస్టీ వంటి అదనపు చార్జీలు ఉంటె అభ్యర్థులనే భరించాలి.

సీమ్యాట్ 2023 రిజిస్ట్రేషన్

సీమ్యాట్ దరఖాస్తు ప్రక్రియ ఆన్‌లైన్‌ విధానంలో జరుగుతుంది. సీమ్యాట్ యొక్క అధికారిక వెబ్‌సైట్ ద్వారా దరఖాస్తు చేసుకోవాలి. దరఖాస్తు రెండు దశలలో ఉంటుంది. మొదటి దశలో విద్యార్థి వ్యక్తిగత, విద్యా, చిరునామా వివరాలు పొందుపర్చాల్సి ఉంటుంది. రెండవ దశలో పరీక్షకు సంబంధించి వివరాలు, ఎంపికలు నమోదు చేయాల్సి ఉంటుంది. చివరిగా దరఖాస్తు రుసుము చెల్లించడం ద్వారా దరఖాస్తు ప్రక్రియ పూర్తివుతుంది.

దరఖాస్తులో సమర్పించే ఫోన్ నెంబర్, మెయిల్ ఐడీ, ఆధార్ నెంబర్, పుట్టిన తేదీలు, రిజర్వేషన్ కేటగిరి, భాష ఎంపిక, పరీక్ష కేంద్రం వంటి వివరాలు దరఖాస్తు పూర్తిచేసేముందు పునఃపరిశీలించుకోండి. దరఖాస్తు పూర్తిచేసాక మూడు లేదా నాలుగు కాపీలు ప్రింట్ తీసి భద్రపర్చండి.

• వైట్ బ్యాక్ గ్రౌండ్ తో ఈమధ్య కాలంలో తీసుకున్న పాసుపోర్టు సైజు ఫోటో అందుబాటులో ఉంచుకోండి. కంప్యూటర్ లో డిజైన్ లేదా ఎడిట్ చేసిన ఫోటోలు అనుమతించబడవు.
• మీ సొంత దస్తూరితో చేసిన సంతకాన్ని అప్‌లోడ్ చేయండి. కాపిటల్ లేటర్స్ తో చేసిన సంతకం చెల్లదు.
• ఫొటోగ్రాఫ్, సంతకం వాటికీ సంబంధించిన బాక్సుల్లో  మాత్రమే అప్‌లోడ్ చేయండి. అవి తారుమారు ఐతే దరఖాస్తు పరిగణలోకి తీసుకోరు. ఈ ఫైళ్ల సైజు 10-200 కేబీల మధ్య ఉండేలా  చూసుకోండి.
• దరఖాస్తు సమయంలో అప్‌లోడ్ చేసిన ఫొటోగ్రాఫ్ కు సమానమైనది ఇంకో ఫొటోగ్రాఫ్ ను పరీక్ష రోజు ఆయా పరీక్షకేంద్రంలో  ఇవ్వాల్సి ఉంటుంది.
• అడ్మిట్ కార్డు అందుబాటులో ఉండే తేదిలో పిడిఎఫ్ ఫార్మాట్ లో డౌన్‌లోడ్ చేసుకోండి.
• పరీక్ష రోజు అరగంట ముందే పరీక్ష కేంద్రానికి చేరుకోవాల్సి ఉంటుంది.
• అడ్మిట్ కార్డు, ఫొటోగ్రాఫ్ తో పాటు వ్యక్తిగత ఐడెంటి కార్డుతో పరీక్షకు హాజరవ్వాలి.
• నిషేదిత వస్తువులు పరీక్ష కేంద్రంలోకి ఎట్టి పరిస్థితిల్లో అనుమతించబడవు.

సీమ్యాట్ ఎగ్జామ్ సెంటర్లు

• ఆంధ్రప్రదేశ్ : గుంటూరు, కర్నూలు, నెల్లూరు, విజయవాడ, రాజమండ్రి, తిరుపతి మరియు విశాఖపట్నం.
• తెలంగాణ: హైదరాబాద్, కరీంనగర్, వరంగల్

సీమ్యాట్ 2023 ఎగ్జామ్ నమూనా

సీమ్యాట్ ప్రవేశ పరీక్ష పూర్తి ఆన్‌లైన్‌ (సీబీటి) విధానంలో జరుగుతుంది. మూడు గంటల నిడివితో జరిగే ఈ పరీక్షలో మొత్తం ఐదు విభాగాల నుండి 20 చెప్పున 100 ఆబ్జెక్టివ్ ప్రశ్నలు ఇవ్వబడతాయి. ప్రతి ప్రశ్నకు నాలుగు వేరువేరు సమాదానాలు ఉంటాయి.

వీటిలో నుండి ఒక సరైన సమాధానంను గుర్తించాలి. సరైన సమాధానం గుర్తించిన ప్రశ్నకు 4 మార్కులు. తప్పు సమాధానం గుర్తించిన ప్రశ్నకు 1 ఋణాత్మక మార్కు ఇవ్వబడుతుంది. మొత్తం 400 మార్కులకు జరిగే ఈ ప్రవేశ పరీక్ష లో అభ్యర్థి సాధించిన స్కోర్ ఆధారంగా దేశ వ్యాప్తంగా ఉన్న మేనేజ్‌మెంట్‌ కాలేజీల్లో అడ్మిషన్లు కల్పిస్తారు.