ఎడ్‌ఎక్స్‌ను సాంప్రదాయక ఆన్‌లైన్ లెర్నింగ్ ప్లాట్‌ఫామ్‌గా అభివర్ణించవచ్చు. ఇది అమెరికా ప్రధాన కేంద్రంగా 2012 లో హార్వర్డ్ యూనివర్సిటీ మరియు మసాచుసెట్స్ ఇనిస్టిట్యూట్ ఆఫ్ టెక్నాలజీ (ఎంఐటీ) కలిసి ఉమ్మడిగా ఏర్పాటు చేసిన లాభాపేక్షలేని సంస్థ.
ఎడ్‌ఎక్స్ ఇంజనీరింగ్, సైన్స్ & టెక్నాలజీ, బిజినెస్ & మానేజ్మెంట్, కంప్యూటర్ సైన్స్, డేటా సైన్స్, హ్యుమానిటీస్ మరియు ఫారీన్ లాంగ్వేజ్స్ సంబంధించి 150 ఇనిస్టిట్యూట్ల నుండి దాదాపు 2500+ పైగా యూనివర్సిటీ స్థాయి ఆన్‌లైన్ కోర్సులను అందిస్తుంది.
ఎడ్‌ఎక్స్ యందు 20 మిల్లియన్లకు పైగా సభ్యులు దాదాపు 100 మిల్లియన్లకు పైగా కోర్సులకు ఎన్రోల్ చేసుకుని ఉన్నారు. ఎడ్‌ఎక్స్ దాదాపు అన్ని కోర్సులను పూర్తి ఉచితంగా అందిస్తుంది. కోర్సులను విజయవంతంగా పూర్తిచేసిన సభ్యులకు స్వల్ప రుసుము చెల్లింపుతో వెరిఫై చేయబడిన కోర్సు పూర్తిచేసిన ధృవీకరణ పత్రాన్ని అందిస్తుంది.
విద్య నిపుణులు సిపార్సు చేసే ఆన్‌లైన్ లెర్నింగ్ వేదికల్లో ఎడ్‌ఎక్స్ ముందు వరుసలో ఉండేందుకు ఇదికూడా ఒక కారణంగా చెప్పొచ్చు. ఉన్నత విద్యకు దూరమైనా ఉద్యోగస్తులు, గృహాణిలు వారి కలను నిజం చేసుకునేందుకు ఎడ్‌ఎక్స్ ఉత్తమైన ఎంపికని చెప్పొచ్చు.
