ఇంగ్లీష్ అనర్గళంగా మాట్లాడటానికి ఈ 5 చిట్కాలు తెలుసుకుంటే ఆ భాషను సులభంగా నేర్చుకోవచ్చు. ఎవరికైన కొత్త భాష నేర్చుకునే సమయంలో కొన్ని భయాలు, బలహీనతలు ఉండటం సహజం. వీటిని అధిగమిస్తే భాష ఏదైనా, దానిని సులభంగా నేర్చుకోవచ్చు. ఈ ఆర్టికల్ యందు మీరు ఆ అంశాలనే నేర్చుకోనున్నారు.
-
ప్రపంచ వ్యాప్తంగా సుమారు 7 వేల భాషలు ప్రస్తుతం వాడుకలో ఉన్నాయి
-
మాతృభాష మరియు పరాయి భాష మధ్య వ్యత్యాసం
-
గ్రామర్ నేర్చుకున్నంత మాత్రాన ఇంగ్లీష్ మాట్లాడలేం
-
మ మ మమ్మ" అమ్మ.. ఫార్ములా ఉపయోగించండి
-
కోచింగ్ సెంటరులో కూర్చుంటే ఇంగ్లీష్ రాదు. మందితో మాట్లాడితే వస్తుంది
-
స్పోకెన్ ఇంగ్లీష్ నేర్చుకునేందుకు 5 మెళుకువలు
ప్రపంచ వ్యాప్తంగా సుమారు 7 వేల భాషలు ప్రస్తుతం వాడుకలో ఉన్నాయి
ప్రపంచ వ్యాప్తంగా సుమారు 7 వేల భాషలు ప్రస్తుతం వాడుకలో ఉన్నాయి. వీటిలో ఇంగ్లీష్ అనేది గ్లోబల్ లాంగ్వేజుగా గుర్తింపు పొందింది. ఆధునిక సాంకేతికత అంతా ఈ భాషలో మిళితమై ఉంది. విద్యార్థులు నేర్చుకునే విజ్ఞానమంతా ఈ బాషలనే రికార్డు చేయబడి ఉంది. ఇవాళ్టి రోజున ప్రతి విద్యార్థి ఆంగ్ల భాష నేర్చుకోవడం తప్పనిసరి. అలా అని దీనికోసం హైరానా పడాల్సిన అవసరం లేదు.
ముందు రోజుల్లో నూతన భాష నేర్చుకోవాలి అంటే కోచింగ్ సెంటర్ల చుట్టూరా తిరిగే పరిస్థితి ఉండేది. నేడు ఆ అవసరం లేదు. విద్యార్థికి ఇంగ్లీష్ నేర్చుకోవాలనే ఆసక్తి, అభిరుచి ఉండాలే కాని ఉన్న చోటు నుండే ఆధునిక సాంకేతికను ఉపయోగించి నేర్చుకోవచ్చు. ఒక్క ఇంగ్లీషుకి ఏం కర్మ, ప్రపంచ అన్ని భాషలను నేర్చుకునే సదుపాయం నేటి విద్యార్థులకు ఉంది.
మాతృభాష మరియు పరాయి భాష మధ్య వ్యత్యాసం
మాతృభాష మరియు పరాయి భాష మధ్య వ్యత్యాసం తెలుసుకుంటే పరాయి భాషను నేర్చుకోవడం సులభమౌతుంది. పరాయి భాష అనగానే కొంత మందికి ఉత్సాహం వస్తుంది. ఇంకొంత మందికి నీరసం వస్తుంది. ఈ చిన్న తేడానే మీకు కొత్త భాష నేర్చుకునేందుకు సాధ్యమవుతుందా లేదా అనేది నిర్ణయిస్తుంది.
నిజానికి మాతృభాష vs పరాయి భాష యందు వ్యత్యాసం ఏం ఉండదు. భాషల యందు అక్షరాలు, భాష పదాలు మారుతాయి మినహా, ఏ భాష నిర్మాణమైన ఒకే విధంగా రూపొందించబడి ఉంటుంది. ఏ భాష క్లిష్టమైనది కాదు, అలా అని సులభమైనది కూడా కాదు.
మాతృభాషను మనకు తెలియాకుండానే నేర్చుకుంటాం. పరాయి భాష నేర్చుకునే వరకు మాతృభాష ఎలా అబ్బిందనేది మనకు తెలియాని రహస్యం. ఈ రహస్యమే తెలిస్తే ప్రపంచ అన్ని భాషలను మీరు సులభంగా నేర్చుకోవచ్చు.
గ్రామర్ నేర్చుకున్నంత మాత్రాన ఇంగ్లీష్ మాట్లాడలేం
ఒక భాష నేర్చుకోవాలంటే దానికి సంబంధించిన గ్రామర్ ముందు నేర్చుకోలన్నది అందురూ చెప్పే మాట. అవును ఒక భాష నేర్చుకోవాలంటే, ఆ భాషకు చెందిన నియమ నిభందనలు తెలిసి ఉండాలి. అలా అని దాని కోసం గ్రామర్ పుస్తకాలు పట్టుకుని కూర్చుంటే, మీకు గ్రామర్ మాత్రమే వస్తుంది కాని భాష రాదు.
మీరు ఏ గ్రామర్ పుస్తకాలు చదవకుండానే.. మీ మాతృ భాషను గొప్పగా మాట్లాడు గలుగుతున్నారనే వాస్తవాన్ని గ్రహించండి. గ్రామర్ అనేది భాష యొక్క సాంకేతిక అంశం.. దీని కంటే ప్రధానమైంది ఇంకొకటి ఉంది, అది భాష యొక్క పదజాలం (vocabulary). పదజాలం అనేది భాషకు గుండెకాయ లాంటిది. ఇది మనకు ఎంత గొప్పగా వస్తే..భాష అంత గొప్పగా వచ్చినట్లు అర్ధం చేసుకోవాలి.
ఒక భాషలో దేనిని ఏమంటారో తెలుసుకుంటే ఆ భాష మాట్లాడం సులభమోతుంది. స్పోకెన్ ఇంగ్లీష్ నేర్చుకునే వారిలో చాల మందిలో కనిపించే లోపం ఇదే. వారికి ఇంగ్లీష్ గ్రామర్ సంబంధించి సకల నియమాలు తెలిసినా, ఆ భాష మాట్లాడటంలో విఫలం అయ్యేందుకు కారణం ఇదే. భాషకు గ్రామర్ నియమాలు ప్రధానమే కాని, దాని కంటే ముందు ఆ భాష యొక్క పదజాలం నేర్చుకోవాలి.
"మ మ మమ్మ" అమ్మ.. ఫార్ములా ఉపయోగించండి !
"మ మ మమ్మ" అమ్మా.. ఫార్ములా అంటే అది ఏదో గణితం ఫార్ములా ఆనుకునేరు !. ఇది మన చిన్నతనంలో అందరం ఉపయోగించిన ఫార్ములానే. ఏడాది వయస్సు పిల్లోడు "అమ్మ" అనే పదం పలికేందుకు ఎన్ని మార్లు "మ మ మమ్మ" అని ఉంటాడు.
అదే పిల్లోడు ఇంకో ఏడాది గడిచే సరికి మనల్ని ఆశ్చర్యపర్చేలా చక్కగా అన్ని మాటలూ మాట్లాడేస్తుంటాడు. ఈ ఏడాదిలో ఆ పిల్లోడు ఏ కోచింగ్ సెంటరుకు వెళ్లిందీ లేదు, ఏ గ్రామర్ పుస్తకం చదివిందీ లేదు..కాని ఆ పిల్లాడికి భాష వచ్చేస్తుంది. అది కేవలం తన చుట్టూ వుండే మనుషుల సంభాషణల ద్వారా మాత్రమే నేర్చుకున్నాడు. అదే ఫార్ములా మీరు ఇప్పుడు అప్లయ్ చేయండి. భాష ఎందుకు రాదో చూద్దాం.
కోచింగ్ సెంటరులో కూర్చుంటే ఇంగ్లీష్ రాదు. మందితో మాట్లాడితే వస్తుంది
గ్రామరు పుస్తకాలు పట్టుకుంటే స్పోకెన్ ఇంగ్లీష్ రాదు. క్లాసురూములో కూర్చుంటే కూడా రాదు. మందిలో ఉంటేనే వస్తుంది. నోరు తెరిచి సంభాషించే ప్రయత్నం చేస్తేనే వస్తుంది. భాషకు చెందిన భావజాలం తెలుసుకుంటేనే వస్తుంది. భాషను నేర్చుకునేందుకు 30 రోజులు, 60 రోజుల టార్గెట్ పెట్టుకోకండి. ఇది ఒక నిరంతర ప్రక్రియ. భాషా పండితులు కూడా నిరంతర అబ్యాసం చేస్తుంటారు. కొత్తగా నేర్చుకునే మీరు అంతకు మించి నేర్చుకునే ప్రయత్నం చేయాలి.
