సివిల్ సర్వీసెస్ ఎగ్జామ్ సిలబస్ 2023 మరియు ఎగ్జామ్ నమూనా

సివిల్ సర్వీసెస్ మెయిన్ ఎగ్జామ్ నమూనా

సివిల్ సర్వీసెస్ మెయిన్ పరీక్ష పూర్తి రాతపరీక్ష విధానంలో ఉంటుంది. మెయిన్ ఎగ్జామినేషన్ మొత్తం అభ్యర్థి మేధస్సు మరియు అవగాహన యొక్క లోతును అంచనా వేయడానికి ఉద్దేశించబడి ఉంటుంది. ఇందులో మొత్తం 9 పేపర్లు ఉంటాయి. ఇందులో రెండు క్వాలిఫై అవ్వాల్సిన పేపర్లు, మిగతా 7 తప్పనిసరి స్కోరు చేయాల్సిన పేపర్లు ఉంటాయి.

క్వాలిఫై పేపర్ A లో రాజ్యాంగం గుర్తించిన 22 భాషల్లో ఒకదాన్ని ఎంపిక చేసుకోవాల్సి ఉంటుంది. పేపర్ B ఇంగ్లీష్ భాషకు సంబంధించి ఉంటుంది. ఒక్కో  క్వాలిఫై పేపర్ 300 మార్కులకు నిర్వహిస్తారు. వీటిలో కనీసం 25% మార్కులు సాధించాల్సి ఉంటుంది.

మిగతా 7 పేపర్లలో, పేపర్ I యందు  వెయ్యి నుండి 12 వందల పదాలతో 2 వ్యాసాలు (Essay) రాయాల్సి ఉంటుంది. పేపర్ II నుండి పేపర్ V వరకు జనరల్ స్టడీస్ సంబంధిత పేపర్లు ఉంటాయి. మిగతా 2 పేపర్ల కోసం ఆప్షనల్ సబ్జెక్టులను ఎంపిక చేసుకోవాల్సి ఉంటుంది. ప్రతి పేపర్ 250 మార్కులకు జరుగుతుంది. ఒక్కో పేపర్ కోసం 3 గంటల నిర్ణయిత సమయం కేటయిస్తారు.

సివిల్ సర్వీసెస్ మెయిన్ పరీక్షను మొత్తం 2025 మార్కులకు నిర్వహిస్తారు. ఇందులో రాతపరీక్ష కోసం 1750 మార్కులు, ఇంటర్వ్యూ కోసం 275 మార్కులు కేటాయిస్తారు. ఈ 2025 మార్కులలో అభ్యర్థి సాధించిన స్కోరు ఆధారంగా చేసుకుని సివిల్స్ సర్వీస్ పోస్టులు కేటాయిస్తారు.

సివిల్ సర్వీసెస్ మెయిన్ ఎగ్జామ్ సిలబస్

సివిల్ సర్వీస్ ఎగ్జామ్ క్వాలిఫై పేపర్ల సిలబస్ (లాంగ్వేజ్ పేపర్లు)

క్వాలిఫై పేపర్లను ఇంగ్లీష్ మరియు భారతీయ ప్రాంతీయ భాషల్లో అభ్యర్థి యొక్క ప్రాథమిక పరిజ్ఞానాన్ని పరీక్షించేందుకు నిర్వహిస్తారు. ఇందులో ప్రధానంగా గద్యాన్ని చదవడం మరియు అర్థం చేసుకోవడంలో అభ్యర్థుల సామర్థ్యాన్ని పరీక్షించడంతో పాటుగా సంబంధిత భాషల్లో అభ్యర్థి ఆలోచనలను, స్పష్టతను అంచనా వేసే ప్రశ్నలను ఇస్తారు. ప్రశ్నల సరళి విస్తృతంగా ఈ క్రింది విధంగా ఉంటుంది.

1. పాసేజెస్ కంప్రహెన్షన్ (పేపర్ A & B భాషలకు)
2. సారాంశం రచన (పేపర్ A & B భాషలకు)
3. వాడుక పదాలు మరియు వొకాబులరీ (పేపర్ A & B భాషలకు)
4. సంక్షిప్త వ్యాసాలు (పేపర్ A & B భాషలకు)
5. ఇంగ్లీషు నుండి భారతీయ భాషలోకి మరియు వైస్ వెర్సాకి అనువాదం (పేపర్ A భాషలకు మాత్రమే)

సివిల్ సర్వీస్ మెయిన్ ఎగ్జామ్ పేపర్ I సిలబస్

సివిల్ సర్వీస్ మెయిన్ ఎగ్జామ్ పేపర్ I లో అభ్యర్థులు బహుళ అంశాలపై వ్యాసాలు రాయవలసి ఉంటుంది. తాజాగా చోటు చేసుకున్న జాతీయ, అంతర్జాతీయ సంఘటనలు, సమస్యలు, వివాదాలు మరియు సంస్థాగత, స్థానిక సమస్యలు, ప్రభుత్వ పథకాలు, విధానాలు, పాలసీలు, పనితీరు పై ప్రశ్నలు ఇవ్వబడతాయి.

వీటి ద్వారా సంబంధిత అంశాల యందు అభ్యర్థి యొక్క ఆలోచన, అభిప్రాయం, విషయ పరిజ్ఞానం, అవగాహనను పరీక్షిస్తారు. వ్యాసంలో అభ్యర్థి యొక్క ఆలోచనలను క్రమ పద్ధతిలో అమర్చాల్సి ఉంటుంది. వ్యాసం సంక్షిప్తంగా, అర్థవంతంగా వ్రాయాలి. సమర్థవంతమైన మరియు ఖచ్చితమైన వ్యక్తీకరణకు మంచి మార్కులు ఇవ్వబడతయి.

సివిల్ సర్వీస్ మెయిన్ ఎగ్జామ్ పేపర్ II సిలబస్

జనరల్ స్టడీస్ I

ఇండియన్ హెరిటేజ్ & కల్చర్, హిస్టరీ & జాగ్రఫీ ఆఫ్ వరల్డ్ మరియు సొసైటీ

• ఇండియన్ కల్చర్ : పురాతన కాలం నుండి ఆధునిక కాలం వరకు కళా రూపాలు, సాహిత్యం మరియు వాస్తుశిల్పం యొక్క ముఖ్యమైన అంశాలను కవర్ చేస్తారు.
• ఆధునిక భారతీయ చరిత్ర : పద్దెనిమిదవ శతాబ్దపు మధ్యకాలం నుండి ఇప్పటి వరకు - ముఖ్యమైన సంఘటనలు, వ్యక్తులు, సమస్యలు.
• స్వాతంత్య్ర పోరాటం : స్వాతంత్ర ఉద్యమ వివిధ దశలు, దేశంలోని వివిధ భాగాల నుండి ముఖ్యమైన సహాయకులు/సహకారాలు .
• స్వాతంత్య్రానంతరం దేశంలోనే ఏకీకరణ మరియు పునర్వ్యవస్థీకరణ.
• వరల్డ్ జాగ్రఫీ : 18వ శతాబ్దానికి చెందిన పారిశ్రామిక విప్లవం, ప్రపంచ యుద్ధాలు వంటి సంఘటనలు, జాతీయ సరిహద్దుల పునర్నిర్మాణం, వలసరాజ్యం, కమ్యూనిజం వంటి రాజకీయ బావజాలాలు, పెట్టుబడిదారీ విధానం, సోషలిజం వంటి మొదలగు ఆలోచన రూపాలు మరియు సమాజంపై వాటి ప్రభావం.
• భారతీయ సమాజం, భారతదేశ వైవిధ్యం యొక్క ముఖ్య లక్షణాలు.
• మహిళలు మరియు మహిళల సంస్థ ప్రాధన్యత, జనాభా, పేదరికం & అభివృద్ధి, పట్టణీకరణ వంటి సమస్యలు మరియు వాటి పరిష్కారాలు.
• భారతీయ సమాజంపై ప్రపంచీకరణ ప్రభావం.
• సామాజిక సాధికారత, మతతత్వం, ప్రాంతీయవాదం & లౌకికవాదం.
• ప్రపంచ భౌతిక భూగోళశాస్త్రం యొక్క ముఖ్య లక్షణాలు.
• ప్రపంచవ్యాప్తంగా కీలకమైన సహజ వనరుల పంపిణీ (దక్షిణాసియా మరియు భారత ఉపఖండంతో సహా). ప్రపంచంలోని వివిధ ప్రాంతాల (భారతదేశంతో సహా) ప్రాథమిక, ద్వితీయ మరియు తృతీయ రంగ పరిశ్రమల స్థానానికి కారణమయ్యే కారకాలు.
• జియోఫిజికల్ దృగ్విషయాలు : భూకంపాలు, సునామీ, అగ్నిపర్వత కార్యకలాపాలు, తుఫానులు. భౌగోళిక లక్షణాలు మరియు కీలకమైన భౌగోళిక స్థాన-మార్పులు మరియు వృక్షజాలం మరియు జంతుజాలంపై ఈ మార్పుల ప్రభావాలు.

సివిల్ సర్వీస్ మెయిన్ ఎగ్జామ్ పేపర్ III సిలబస్

జనరల్ స్టడీస్ - II

గవర్నెన్స్, రాజ్యాంగం, పాలిటి, సోషల్ జస్టిస్ & ఇంటర్నేషనల్ రిలేషన్స్

• భారత రాజ్యాంగం : చారిత్రక మూలాధారాలు, పరిణామం, లక్షణాలు, సవరణలు, ముఖ్యమైన నిబంధనలు మరియు ప్రాథమిక నిర్మాణం.
• యూనియన్ & రాష్ట్రాల విధులు మరియు బాధ్యతలు, సంబంధిత సమస్యలు మరియు సవాళ్లు సమాఖ్య నిర్మాణం, స్థానిక స్థాయిల వరకు అధికారాలు మరియు ఆర్థికాల పంపిణీ మరియు అందులోని సవాళ్లు.
• వివిధ వ్యవస్థలు మరియు సంస్థల మధ్య అధికారాల విభజన వివాద పరిష్కార విధానాలు.
• భారత రాజ్యాంగం ఇతర దేశాలతో పోలిక.
• పార్లమెంట్ & రాష్ట్ర శాసనసభల నిర్మాణం, పనితీరు, పరిపాలన ప్రవర్తన, అధికారాలు & వీటి నుండి ఉత్పన్నమయ్యే సమస్యలు.
• కార్యనిర్వాహక మరియు న్యాయవ్యవస్థల నిర్మాణం మరియు పనితీరు. ప్రభుత్వ శాఖలు, సమూహాలు, అధికారిక/అనధికారిక సంఘాలు మరియు రాజకీయంలో వాటి పాత్ర.
• ప్రజాప్రాతినిధ్య చట్టం యొక్క ముఖ్య లక్షణాలు.
• వివిధ రాజ్యాంగ పదవులు, అధికారాలు, విధులు మరియు వివిధ రాజ్యాంగ సంస్థల బాధ్యతలు.
• చట్టబద్ధమైన, నియంత్రణ మరియు వివిధ పాక్షిక-న్యాయ సంస్థలు.
• వివిధ రంగాలలో అభివృద్ధి కోసం ప్రభుత్వ విధానాలు మరియు జోక్యాలు. వాటి నుండి ఉత్పన్నమయ్యే సమస్యలు వాటి రూపకల్పన మరియు అమలు.
• దేశ అభివృద్ధిలో ఎన్‌జీవోలు, ఎస్‌హెచ్జీ, సంఘాలు, దాతలు, స్వచ్ఛంద సంస్థలు, సంస్థాగత మరియు ఇతర వాటాదారుల పాత్ర.
• ప్రభుత్వ సంక్షేమ పథకాలు వాటి పనితీరు. ప్రజల రక్షణ కోసం ఏర్పాటు చేయబడిన యంత్రాంగాలు, చట్టాలు, సంస్థలు మరియు సంస్థలు.
• విద్య, ఆరోగ్యం, మానవ వనరులకు సంబంధించి సామాజిక రంగం/సేవల అభివృద్ధి మరియు నిర్వహణకు సంబంధించిన సమస్యలు.
• పేదరికం మరియు ఆకలికి సంబంధించిన సమస్యలు.
• పాలన యొక్క ముఖ్యమైన అంశాలు, పారదర్శకత మరియు జవాబుదారీతనం, ఇ-గవర్నెన్స్- అప్లికేషన్లు, నమూనాలు, విజయాలు, పరిమితులు మరియు సంభావ్యత.
• ప్రజాస్వామ్యంలో సివిల్ సెర్వెంట్ల పాత్ర.
• భారతదేశం మరియు దాని పొరుగు-సంబంధాలు.
• ద్వైపాక్షిక, ప్రాంతీయ మరియు ప్రపంచ సమూహాలతో భారతదేశానికి సంబంధించిన ఒప్పందాలు, ఆసక్తులు మరియు వాటి ప్రభావాలు.
• భారతదేశం, భారతీయ ప్రయోజనాలపై అభివృద్ధి చెందిన మరియు అభివృద్ధి చెందుతున్న దేశాల విధానాలు మరియు రాజకీయాల ప్రభావం డయాస్పోరా.
• ముఖ్యమైన అంతర్జాతీయ సంస్థలు, ఏజెన్సీలు మరియు వాటి నిర్మాణం, పనితీరు.