యూపీఎస్‌సీ వన్ టైమ్ రిజిస్ట్రేషన్ మరియు ఓటీఆర్ ప్రయోజనాలు

యూపీఎస్‌సీ వన్ టైమ్ రిజిస్ట్రేషన్ కోసం దరఖాస్తు చేయండి

యూపీఎస్‌సీ వన్ టైమ్ రిజిస్ట్రేషన్ కోసం యూపీఎస్‌సీ పోర్టల్ ద్వారా ఆన్‌లైన్ విధానంలో లాగిన్ అవ్వాల్సి ఉంటుంది. దరఖాస్తులో అభ్యర్ది ప్రాథమిక సమాచారం అందించడం ద్వారా ఈ ప్రక్రియను పూర్తిచేయొచ్చు. ఇందులో మొదటిగా అభ్యర్థి పేరు, తల్లిదండ్రుల పేర్లు, పుట్టిన తేదీ వివరాలు, క్యాస్ట్ వివరాలు, టెన్త్ క్లాస్ హాల్ టికెట్ నెంబర్, మొబైల్ నెంబర్, ఇమెయిల్ ఐడీ వంటి వివరాలు పొందు పరచడం ద్వారా రిజిస్ట్రేషన్ ప్రక్రియ పూర్తి అవుతుంది.

విజయవంతమైన రిజిస్ట్రేషన్ ప్రక్రియ తర్వాత అభ్యర్థి మెయిల్ మరియు మొబైల్ నెంబరుకు ఓటీఆర్ ఐడీతో కూడిన వివరాలు పంపబడతాయి. రెండవ దశలో ఓటీపీఆర్ పేజీ ద్వారా లోగిన్ అవ్వాల్సి ఉంటుంది. లాగిన్ అయ్యేందుకు ఇమెయిల్ ఐడీ లేదా, మొబైల్ నెంబర్ లేదా ఓటీఆర్ ఐడీని ఉపయోగించాల్సి ఉంటుంది.

లాగిన్ అయ్యాక ఇది వరకు పొందుపర్చిన వివరాలు వెరిఫై చేసుకోవాల్సి ఉంటుంది. అలానే మీ ప్రొఫైల్ కోసం పాసువర్డ్ రూపొందించుకోవాల్సి ఉంటుంది. రిజిస్ట్రేషన్ ప్రక్రియ పూర్తియ్యాక ఓటీఆర్ నెంబర్ జాగ్రత్తగా భద్రపర్చుకోండి. ఈ వివరాలతో భవిష్యత్తులో యూపీఎస్సీ నుండి వచ్చే ఉద్యోగ ప్రకటనలకు నేరుగా దరఖాస్తు చేసుకోవచ్చు.

యూపీఎస్సీ ఓటీఆర్ ఐడీ/ పాస్‌వర్డ్ మర్చిపోతే

యూపీఎస్సీ ఓటీఆర్ నెంబర్ లేదా పాస్‌వర్డ్‌ వివరాలు మర్చిపోయిన అభ్యర్థులు గాబరా పడాల్సిన అవసరం లేదు. మీరు ఇదివరకు రిజిస్టర్ చేసుకున్న మొబైల్ నెంబర్ లేదా మెయిల్ ఐడీ వివరాలను పొందుపర్చడం ద్వారా వాటిని తిరిగి పొందొచ్చు.

వీటికి సంబందించిన లింక్ వివరాలు మీకు యూపీఎస్సీ లాగిన్ పేజీలో అందుబాటులో ఉంటాయి. సరైన వివరాలు పొందుపర్చి మీ ఓటీఆర్ ఐడీ/పాస్‌వర్డ్‌ సమాచారం పొందండి. వాటిని పొందాక, మరోసారి ఈ పరిస్థితి తెలెత్తకుండా భద్రపర్చుకోండి.