10వ తరగతి తర్వాత పాలిటెక్నిక్ డిప్లొమా

ఏపీ & టీఎస్ పాలిటెక్నిక్ ప్రవేశ పరీక్షలు

ఏపీ & తెలంగాణ రాష్ట్రాలు, పాలిటెక్నిక్ ప్రవేశాల కోసం విడివిగా ప్రవేశ పరీక్షలు నిర్వహిస్తున్నాయి. ఆంధ్రప్రదేశ్ ప్రభుత్వం ఇంజనీరింగ్ మరియు అగ్రికల్చర్ డిప్లొమా కోర్సుల కోసం విడివిడిగా ప్రవేశ పరీక్షలు నిర్వహిస్తుండగా, తెలంగాణ ప్రభుత్వం ఒకే పరీక్ష పేరుతో రెండు కోర్సులలో అడ్మిషన్లు నిర్వహిస్తుంది.

పాలిటెక్నిక్ అడ్మిషన్ కోసం నిర్వహించే ప్రవేశ పరీక్షను పాలీసెట్ అంటారు, పాలీసెట్ అనగా పాలిటెక్నిక్ కామన్ ఎంట్రన్స్ టెస్ట్ అని అర్ధం. ఈ ప్రవేశ ప్రకటన టెన్త్ క్లాస్ ఫలితాలకు ముందు లేదా తర్వాత స్టేట్ బోర్డు ఆఫ్ టెక్నికల్ ఎడ్యుకేషన్ ద్వారా వెలువడుతుంది. ఈ పరీక్షకు హాజరయ్యేందుకు కనీసం పది ఉత్తీర్ణత పొంది ఉండాలి.

పాలిటెక్నిక్ అడ్మిషన్లు పాలీసెట్ యందు సాధించిన మెరిట్ ఆధారంగా నిర్వహిస్తారు. రెండు రాష్ట్రాలు విడివిగా నిర్వహించే ఈ పరీక్షలకు రెండు రాష్ట్రాల విద్యార్థులు హాజరయ్యేందుకు అర్హులు.

• ఏపీ పాలీసెట్ పూర్తి వివరాలు
• ఏపీ అగ్రిపాలీసెట్ పూర్తి వివరాలు
• టీఎస్ పాలీసెట్ పూర్తి వివరాలు

పాలిటెక్నిక్ తర్వాత కెరీర్ అవకాశాలు

పాలిటెక్నిక్ మూడేళ్ళ కోర్సును చేసిన విద్యార్థులకు రెండు రెండు కెరీర్ మార్గాలు అందుబాటులో ఉంటాయి. అందులో మొదటి డిప్లొమా అర్హుతతో ఉద్యోగ వేట మొదలు పెట్టాలి. రెండవది లాటరల్ ఎంట్రీ ద్వారా బీటెక్‌లో జాయిన్ అవ్వడం లేదా ఇతర బ్యాచిలర్ డిగ్రీలలో ప్రవేశం పొందటం ద్వారా ఉన్నత విద్యను పూర్తిచేయాలి.

పాలిటెక్నిక్ తర్వాత పబ్లిక్ & ప్రైవేట్ సెక్టార్ ఉద్యోగాలు

పాలిటెక్నిక్ తర్వాత ఉద్యోగ వేట మొదలు పెట్టేవారికి ప్రభుత్వ, పబ్లిక్, ప్రైవేట్ సెక్టార్ యందు జూనియర్ ఇంజనీర్/జూనియర్ ట్రైనీ స్థాయి ఉద్యోగాలు చేసే అవకాశం లభిస్తుంది. ఈ ఉద్యోగ ప్రకటనలు సంవత్సరం పొడుగునా వెలువడుతూనే ఉంటాయి. ఈ ఉద్యోగ ప్రకటలు ఎంప్లాయిమెంట్ న్యూస్ లేదా ఆ సంబంధిత సంస్థల పోర్టల్స్ యందు అందుబాటులో ఉంటాయి.

• ఇండియన్ రైల్వే
• త్రివిధ దళాలు
• గెయిల్ - గ్యాస్ అథారిటీ ఆఫ్ ఇండియా లిమిటెడ్
• ONGC - ఆయిల్ & నేచురల్ గ్యాస్ కార్పొరేషన్
• DRDO - రక్షణ పరిశోధన మరియు అభివృద్ధి సంస్థ
• BHEL - భారత్ హెవీ ఎలక్ట్రికల్స్ లిమిటెడ్
• NTPC - నేషనల్ థర్మల్ పవర్ కార్పొరేషన్
• BSNL - భారత్ సంచార్ నిగమ్ లిమిటెడ్
• ఇరిగేషన్ డిపార్టుమెంట్ నియామకాలు
• NSSO - నేషనల్ శాంపిల్ సర్వే ఆర్గనైజేషన్
• IPCL - ఇండియన్ పెట్రో కెమికల్స్ లిమిటెడ్
• విమానయాన సంస్థలు - ఇండిగో, స్పైస్‌జెట్, జెట్ ఎయిర్‌వేస్ మొదలైనవి.
• నిర్మాణ సంస్థలు – యూనిటెక్, DLF, జేపీ అసోసియేటెడ్, GMR ఇన్‌ఫ్రా, మిటాస్, మొదలైనవి.
• కమ్యూనికేషన్ సంస్థలు – భారతి ఎయిర్‌టెల్, రిలయన్స్ కమ్యూనికేషన్స్, ఐడియా సెల్యులార్ మొదలైనవి.
• కంప్యూటర్ ఇంజనీరింగ్ సంస్థలు – TCS, HCL, Wipro, Polaris, మొదలైనవి.
• ఆటోమొబైల్స్ - మారుతీ సుజుకి, టయోటా, టాటా మోటార్స్, మహీంద్రా, బజాజ్ ఆటో, మొదలైనవి.
• ఎలక్ట్రికల్ / పవర్ సంస్థలు – టాటా పవర్, BSES, సీమెన్స్, L&T, మొదలైనవి.
• మెకానికల్ ఇంగ్లండ్ సంస్థలు – హిందుస్థాన్ యూనిలీవర్, ACC లిమిటెడ్, వోల్టాస్

AIME సర్టిఫికెట్ డిగ్రీ

ఉద్యోగం చేస్తూనే, ఉన్నత విద్యను పూర్తి చేసే అవకాశం వీరికి ఉంటుంది. ఇంజినీరింగ్ డిప్లొమా హోల్డర్లు అసోసియేట్ మెంబెర్ ఆఫ్ ఇనిస్టిట్యూట్ ఆఫ్ ఇంజనీర్స్ (AIME) సర్టిఫికేషన్ కోర్సును పూర్తి చేయడం ద్వారా బీటెక్ డిగ్రీకి సమానమైన హోదాను పొందొచ్చు. ఈ డిగ్రీ ఉద్యోగ పదోన్నతి లేదా పై స్థాయి ఉద్యోగాలకు దరఖాస్తు చేసే అవకాశం కల్పిస్తుంది.

పాలిటెక్నిక్ తర్వాత స్వయం ఉపాధి

పాలిటెక్నిక్ తర్వాత ఉద్యోగం, ఉన్నత విద్య రెండు ఇష్టపడని వారు స్వయం ఉపాధి మార్గాలను అన్వేషించవచ్చు. ఇలాంటి వారు ప్రభుత్వం అందించే ఆర్థిక సాయం లేదా సొంత పెట్టుబడితో సంబంధిత ఇంజనీరింగ్ విభాగానికి సంబంధించి ఇనిస్టిట్యూట్లు, గ్యారేజ్, వర్క్ షాపులు వంటివి ప్రారంభించి మీతో పాటు మరో పది మంది నిరుద్యోగులకు ఉపాధి కల్పించొచ్చు.

పాలిటెక్నిక్ తర్వాత లాటరల్ ఎంట్రీ ద్వారా బీటెక్

పాలిటెక్నిక్ తర్వాత ఉన్నత విద్యపై ఆసక్తి ఉన్న విద్యార్థులకు లాటరల్ ఎంట్రీ ద్వారా బీటెక్ రెండవ ఏడాదిలో ప్రవేశించే అవకాశం ఉంటుంది. దీని కోసం రాష్ట్ర మరియు జాతీయ స్థాయిలో నిర్వహించే వివిధ ఇంజనీరింగ్ ప్రవేశ పరీక్షలకు హాజరవ్వడం ద్వారా ఈ అవకాశం అందిపుచ్చుకోవచ్చు. దీనికి సంబంధించి రెండు తెలుగు రాష్ట్రాలు ఈసెట్ పేరుతొ ప్రత్యేకంగా ప్రవేశ పరీక్ష కూడా నిర్వహిస్తాయి.

ఈసెట్ అర్హుత సాధించిన విద్యార్థులు AICTE గుర్తింపు పొందిన అన్ని ప్రభుత్వ, ప్రైవేట్ టెక్నికల్ ఇన్టిట్యూట్లలో అడ్మిషన్ పొందొచ్చు. ఈసెట్ ప్రవేశపరీక్ష పూర్తి ఆన్‌లైన్ విధానంలో జరపబడుతుంది. 3 గంటల కాలవ్యవధి ఉన్న ఈ ప్రశ్నపత్రంలో మొత్తం 200 ఆబ్జెక్టివ్ ప్రశ్నలు ఇవ్వబడతాయి.

ఈసెట్ లో అభ్యర్థులు సాధించిన మెరిట్ ఆధారంగా అడ్మిషన్ ప్రక్రియ నిర్వహించబడుతుంది. వివిధ ఇంజనీరింగ్ బ్రాంచులకు సంబంధించి జరిగే సీట్లు కేటాయింపులో ఆయా బ్రాంచుల్లో డిప్లొమా ఉత్తీర్ణతన సాధించిన మెరిట్ అభ్యర్థులకు మాత్రమే మొదటి ప్రాధాన్యం ఇవ్వబడుతుంది. ఇంజనీరింగ్ కాకుండా ఇతర బ్యాచిలర్ డిగ్రీలు చేసే అవకాశం కూడా వీరికి ఉంటుంది. వీటికి సంబంధించిన అడ్మిషన్ సమాచారం ఆయా యూనివర్సిటీ పరిధిలో అందుబాటులో ఉంటుంది.