ఇండియన్ నేవీ సెయిలర్ రిక్రూట్‌మెంట్ ఏడాదికో ఒకేసారి తప్పక నిర్వహిస్తుంది. ఇండియన్ నౌకాదళంలో చెఫ్, స్టివార్డ్, హైజినిస్ట్, మ్యూజిషన్స్, టెక్నిషన్స్, అప్రెంటీస్, ఇంజనీర్, ఆఫీసర్, సఫాయివాలా, ఫైర్ ఇంజన్ డ్రైవర్, ఛార్జ్‌మెన్ వంటి పోస్టులను నేవి సెయిలర్స్ పేరున భర్తీచేస్తారు. ఈ నియామక ప్రక్రియ ఐదు రకాల పరీక్షల ద్వారా నిర్వహిస్తారు.
శాంతికి ప్రతిరూపమైన ధవళ వస్త్రాలను ధరించి దేశం కోసం సేవచేసే అవకాశం పొందేందుకు ఇదే మంచి అవకాశం. 8వ తరగతి నుండి ఇంటర్మీడియట్లో పూర్తిచేసిన అభ్యర్థులు ఈ పోస్టులకు దరఖాస్తు చేసుకోవచ్చు. నియామక ప్రక్రియ వ్రాత పరీక్ష, ఫిజికల్ ఫిట్నెస్ ఆధారంగా ఉంటుంది. దీనికి సంబంధించిన నోటిఫికేషన్ ఎంప్లాయిమెంట్ న్యూస్ యందు మరియు స్థానిక వార్త పత్రికల ద్వారా విడుదల చేస్తారు.
