తెలుగులో రోజువారీ కరెంట్ అఫైర్స్ నవంబర్ 02, 2023. తాజా జాతీయ, అంతర్జాతీయ సమకాలీన అంశాలను చదవండి. యూపీఎస్‌సి, ఏపీపీఎస్‌సి, టీఎస్‌పీఎస్‌సి, స్టాఫ్ సెలక్షన్ కమిషన్, బ్యాంకింగ్, రైల్వే వంటి వివిధ పోటీ పరీక్షల కొరకు సిద్దమవుతున్న అభ్యర్థులకు ఇవి ఉపయోగపడతాయి.
దీనానాథ్ రాజ్‌పుత్‌కు 2వ రోహిణి నయ్యర్ బహుమతి
గ్రామీణాభివృద్ధికి విశేష కృషి చేసిన సామాజిక కార్యకర్త దీనానాథ్ రాజ్‌పుత్‌కు రెండవ రోహిణి నయ్యర్ బహుమతి అందించబడింది. నక్సల్ ప్రభావిత రాష్ట్రమైన ఛత్తీస్‌గఢ్‌లోని బస్తర్‌ గిరిజన మహిళల సాధికారతకు గణనీయమైన కృషి చేసినందుకు గాను ఆయనికి ఈ అవార్డు వరించింది. సాఫ్ట్‌వేర్ రంగంలో కెరీర్ ప్రారంభించిన దీనానాథ్ తర్వాత కాలంలో సామాజిక సేవ వైపు అడుగులు వేశారు. గిరిజన మహిళలకు ఉపాధి కల్పించేందుకు దాదాపు 6,000 మందికి పైగా గిరిజన మహిళలతో ఫార్మర్ ప్రొడ్యూసర్ ఆర్గనైజషన్ ఏర్పాటు చేసారు.
రోహిణి నయ్యర్ అవార్డు గ్రామీణాభివృద్ధికి అత్యుత్తమ సహకారం అందించిన 40 ఏళ్లు లేదా అంతకంటే తక్కువ వయస్సు ఉన్న వ్యక్తిలకు అందించబడుతుంది. ఈ అవార్డు 2022లో గ్రామీణాభివృద్ధిపై వివిధ అకడమిక్ జర్నల్స్ అందించిన దివంగత ఆర్థికవేత్త-నిర్వాహకురాలు రోహిణి నయ్యర్ జ్ఞాపకార్థం ప్రారంభించబడింది. తూర్పు నాగాలాండ్‌లోని 1200 మంది అణగారిన రైతుల ఆదాయాన్ని పెంచడంలో సహాయపడినందుకు సేత్రిచెమ్ సాంగ్టమ్‌కు మొదటి రోహిణి నయ్యర్ బహుమతి అందించబడింది. అవార్డు గ్రహీతకు 10 లక్షల నగదు బహుమతి, ట్రోఫీ మరియు ప్రశంసా పత్రం అందించబడుతుంది.
10 ఏళ్ళ పిల్లోడికి 2023 వైల్డ్లైఫ్ ఫోటోగ్రాఫర్ ఆఫ్ ది ఇయర్ అవార్డు
బెంగళూరుకు చెందిన 10 ఏళ్ల విహాన్ తాళ్య వికాస్, 2023 ఏడాదికి సంబంధించి ప్రతిష్టాత్మక 'వైల్డ్లైఫ్ ఫోటోగ్రాఫర్ ఆఫ్ ది ఇయర్' అవార్డును గెలుచుకున్నాడు. నేచురల్ హిస్టరీ మ్యూజియం యొక్క ఈ ప్రతిష్టాత్మక వైల్డ్లైఫ్ ఫోటోగ్రాఫర్ ఆఫ్ ది ఇయర్ పోటీ విజేతలను ఇటీవల లండన్‌లో ప్రకటించారు. ఇందులో విహాన్ తాళ్య వికాస్ తోపాటుగా మరో ఐదు మంది భారతీయ ఫోటోగ్రాఫర్‌లు వైల్డ్లైఫ్ ఫోటోగ్రఫీ అవార్డులను గెలుచుకున్నారు. ఈ అవార్డు 1965 నుండి ప్రతి సంవత్సరం ప్రపంచంలోని అత్యుత్తమ ఫోటోగ్రఫీని సత్కరిస్తుంది.
- తమిళనాడిలోని అనమలై టైగర్ రిజర్వ్ ఫారెస్ట్‌లో వెలిగిపోతున్న సంధ్యాకాలం నేపథ్యంలో తుమ్మెదలతో ప్రకాశించే 'బిహేవియర్: ఇన్‌వర్ట్‌బ్రేట్స్' విభాగంలో శ్రీరామ్ మురళి ది వైల్డ్లైఫ్ ఫోటోగ్రాఫర్ ఆఫ్ ది ఇయర్ అవార్డును అందుకున్నారు.
- కర్ణాటకలోని నల్లూరు హెరిటేజ్ టామారెండ్ గ్రోవ్ సమీపంలో ఒక అలంకారమైన చెట్టు ట్రంక్ మీద వేటకు సిద్ధంగా ఉన్న స్పైడర్‌ను బందించి 10 ఏళ్ల విహాన్ తాళ్య వికాస్ ఈ అవార్డు అందుకున్నాడు.
- బ్రెజిలియన్ రెయిన్‌ఫారెస్ట్‌లోని చిత్తడి నేలలో విష్ణు గోపాల్ తీసిన మరో అద్భుతమైన ఫొటోకు కూడా ఈ అవార్డు అందించబడింది.
- , అస్సాం యొక్క ఒరాంగ్ నేషనల్ పార్క్ అంచులలో ఆత్రుతగా ఉన్న ప్రజల మధ్య చిక్కున్న పులి చిత్రంకు గాను నెజిబ్ అహ్మద్ ఈ అవార్డు అందుకున్నారు.
- నియోస్కోనా స్పైడర్‌ను బంధించిన వినోద్ వేణుగోపాల్ కూడా ఈ అవార్డు దక్కించుకున్నాడు.
- పల్లికరణై చిత్తడి నేలలో కాల్చిన చెత్త నుండి మంటలు చుట్టుముట్టిన ఫొటోకు రాజ్ మోహన్ అవార్డు అందుకున్నారు.
కోల్‌కతాలోని ఐకానిక్ సింహాసన గదికి సర్దార్ వల్లభాయ్ పటేల్ పేరు
కోల్‌కతాలోని రాజ్‌భవన్‌లోని ఐకానిక్ సింహాసన గదికి భారత ఉక్కు మనిషి సర్దార్ వల్లభాయ్ పటేల్ పేరు పెట్టినట్లు రాజభవన్ ప్రకటించింది. ఆ గది ఇక నుంచి సర్దార్ వల్లభాయ్ పటేల్ యూనిటీ రూమ్ అని పిలవబడుతుంది. ఈ గదిని మొదట 18వ శతాబ్దంలో నిర్మించారు. బ్రిటిష్ వైస్రాయ్ కోల్‌కతా సందర్శనల సమయంలో దీనిని ఉపయోగించేవారు. ఇది ఎత్తైన పైకప్పు మరియు పాలరాతి అంతస్తులతో కూడిన పెద్ద హాలు. దీని గోడలు మహాత్మా గాంధీ, జవహర్‌లాల్ నెహ్రూ మరియు సుభాష్ చంద్రబోస్‌తో సహా ప్రసిద్ధ వ్యక్తుల తైలవర్ణ చిత్రాలతో అలంకరించబడి ఉంటుంది.
ఈ సింహాసన గది పేరు మార్చడం భారతదేశ స్వేచ్ఛ మరియు ఏకీకరణకు పటేల్ చేసిన కృషికి తగిన నివాళి. స్వాతంత్య్రం తర్వాత భారతీయ సంస్థానాలను ఇండియన్ యూనియన్‌లో విలీనం చేయడంలో ఆయన కీలక పాత్ర పోషించారు. అతని ఐక్యత మరియు సమగ్రత వారసత్వం నేటికీ భారతీయులకు స్ఫూర్తినిస్తుంది. పటేల్ 148 జయంతి సందర్భంగా ఈ సింహాసన గది పేరు మార్చాలని గవర్నర్ సివి ఆనంద బోస్ నిర్ణయం తీసుకున్నారు.
వాంఖడే స్టేడియంలో సచిన్ టెండూల్కర్ విగ్రహం
భారత క్రికెట్ లెజెండ్ సచిన్ టెండూల్కర్ యొక్క జీవిత-పరిమాణ విగ్రహాన్ని ముంబైలోని వాంఖడే స్టేడియంలో అతని పేరు మీద ఉన్న స్టాండ్‌కు ఆనుకుని ఏర్పాటు చేసారు. సచిన్ హోమ్ గ్రౌండ్‌ భావించే వాంఖడే స్టేడియంలో బ్యాట్‌ను పైకి ఎత్తి స్ట్రోక్ ఆడుతున్నట్లు ఉన్న విగ్రహాన్ని ఏర్పాటు చేసారు. టెండూల్కర్ మరియు అతని కుటుంబ సభ్యుల సమక్షంలో నవంబర్ 1, 2023న శ్రీలంకతో భారత్ క్రికెట్ వరల్డ్ కప్ మ్యాచ్‌కు ముందు మహారాష్ట్ర ముఖ్యమంత్రి ఏక్‌నాథ్ షిండే దీనిని ఆవిష్కరించారు. దీనిని అహ్మద్‌నగర్‌కు చెందిన కళాకారుడు ప్రమోద్ కాంబ్లే చేత రూపొందించారు.
టెండూల్కర్ ప్రపంచ క్రికెట్ క్రీడా చరిత్రలో అత్యంత విజయవంతమైన బ్యాట్స్‌మెన్‌గా కీర్తించబడ్డారు. ఆయన వన్డే మరియు టెస్ట్ క్రికెట్‌లలో 18,000 కంటే ఎక్కువ పరుగులు చేసి ఆల్-టైమ్ అత్యధిక పరుగులు చేసిన ఆటగాడుగా ఉన్నారు అన్ని ఫార్మెట్లలో కలిపి వందకు పైగా సెంచరీలు నమోదు చేసాడు. ఒక తరం భారతీయ క్రికెట్ అభిమానులకు ఆయన ఆరాధ్య దైవం.
టాటా పవర్ రెన్యూవబుల్ ఎనర్జీ సీఈఓ & ఎండీగా దీపేష్ నందా
భారతదేశంలోని అతిపెద్ద ఇంటిగ్రేటెడ్ పవర్ కంపెనీలలో ఒకటైన టాటా పవర్ రెన్యూవబుల్ ఎనర్జీ లిమిటెడ్ యొక్క నూతన ప్రెసిడెంట్-రెన్యూవబుల్స్ మరియు సీఈఓ & ఎండీగా దీపేష్ నందా నియమితులయ్యారు. అతని నియామకం నవంబర్ 1, 2023 నుండి అమల్లోకి వస్తుందని టాటా పవర్ ఒక ప్రకటనలో తెలిపింది. సోలార్, విండ్, హైబ్రిడ్ మరియు బి2సి గ్రీన్ ఎనర్జీ సొల్యూషన్స్‌ను కలిగి ఉన్న టాటా పవర్ యొక్క పునరుత్పాదక ఇంధన పోర్ట్‌ఫోలియో వృద్ధి మరియు లాభదాయకతను నడిపించడానికి నందా బాధ్యత వహిస్తారు.
పునరుత్పాదక ఇంధన రంగంలో ఆవిష్కరణలు మరియు డిజిటల్ పరివర్తన కార్యక్రమాలకు కూడా ఆయన నాయకత్వం వహిస్తారు. దీపేష్ నందా ఇంధన రంగంలో 28 సంవత్సరాల విస్తృత అనుభవాన్ని కలిగి వున్నారు. భారతదేశం, బంగ్లాదేశ్, శ్రీలంక, మారిషస్ మరియు నేపాల్‌లో కార్యకలాపాలను పర్యవేక్షిస్తూ దక్షిణాసియాకు చీఫ్ ఎగ్జిక్యూటివ్ ఆఫీసర్‌గా సేవలు అందించారు.
టాటా పవర్ భారతదేశం యొక్క అతిపెద్ద సమీకృత విద్యుత్ సంస్థలలో ఒకటి. ఇది తన అనుబంధ సంస్థలు మరియు సంయుక్త నియంత్రిత సంస్థలతో కలిపి, 14,384 మెగావాట్ల వ్యవస్థాపించిన విద్యుత్ ఉత్పత్తి సామర్థ్యాన్ని కలిగి ఉంది. ఈ సంస్థ హైడ్రో మరియు థర్మల్ ఎనర్జీ, ట్రాన్స్‌మిషన్ & డిస్ట్రిబ్యూషన్ మరియు ట్రేడింగ్‌తో సహా పునరుత్పాదక అలాగే సంప్రదాయ విద్యుత్ ఉత్పత్తిలో తన ఉనికిని కలిగి ఉంది. సూపర్-క్రిటికల్ టెక్నాలజీ ఆధారంగా ముంద్రా (గుజరాత్)లో దేశంలోని మొట్టమొదటి అల్ట్రా మెగా పవర్ ప్రాజెక్ట్‌ను ఈ కంపెనీ అభివృద్ధి చేసింది.
ఈ సంస్థ సౌర, పవన, జల మరియు వ్యర్థ ఉష్ణ రికవరీ నుండి 5,524 మెగావాట్ల స్వచ్ఛమైన శక్తి ఉత్పత్తి చేస్తుంది. మొత్తం గ్రీన్ ఎనర్జీ పోర్ట్‌ఫోలియోలో 38% వాటాతో, స్వచ్ఛమైన ఇంధన ఉత్పత్తిలో ఈ కంపెనీ అగ్రగామిగా ఉంది. టాటా పవర్ ప్రస్తుతం తన డిస్కమ్‌ల ద్వారా 12.9 మిలియన్లకు పైగా వినియోగదారులకు సేవలు అందిస్తోంది.
ఆసియా షూటింగ్ ఛాంపియన్‌షిప్‌లో ఐశ్వరీ తోమర్‌కు స్వర్ణం
ఆసియా షూటింగ్ ఛాంపియన్‌షిప్ 2023లో పురుషుల 50 మీటర్ల రైఫిల్ 3 పొజిషన్స్ ఈవెంట్ యందు ఐశ్వరీ ప్రతాప్ సింగ్ తోమర్ బంగారు పతకాన్ని కైవసం చేసుకున్నాడు. తుది పోటీలో చైనాకు చెందిన తియాన్ జియామింగ్‌పై 0.8 పాయింట్ల తేడాతో విజయం సాధించాడు. అలానే మిక్స్‌డ్ ట్రాప్ టీమ్ ఈవెంట్‌లో మనీషా కీర్ (69), పృథ్వీరాజ్ తొండైమాన్ (72) కలిసి 141 పాయింట్లతో స్వర్ణ పతకాన్ని సాధించారు. దక్షిణ కొరియా (136) రజతంతో సరిపెట్టుకోగా, చైనా (134), కువైట్ (133) కాంస్య పతకాలను కైవసం చేసుకున్నాయి. మిక్స్‌డ్ ట్రాప్ ఈవెంట్‌లో మొత్తం 16 జట్లు తలపడ్డాయి.
ఆసియా షూటింగ్ ఛాంపియన్‌షిప్స్ 2023, అక్టోబర్ 22 నుండి 2 నవంబర్ 2023 వరకు రిపబ్లిక్ ఆఫ్ కొరియాలోని చాంగ్వాన్‌లో నిర్వహించారు. దీనిని 1967 నుండి ప్రతీ నాలుగేళ్లకోసారి ఆసియా షూటింగ్ కాన్ఫెడరేషన్ నిర్వహిస్తుంది. ఆసియా షూటింగ్ ఛాంపియన్‌షిప్‌లు 2023లో ప్రతి దేశం నుండి మొదటి రెండు స్థానాల్లో ఉన్నవారు తమ జాతీయ జట్లకు పారిస్ 2024 ఒలింపిక్స్ కోటాను పొందారు. ఐశ్వరీ ప్రతాప్ సింగ్ తోమర్ ఇటీవలే జరిగిన ఆసియా క్రీడలు 2023 లో నాలుగు పతకాలతో అత్యంత విజయవంతమైన భారత షూటరుగా నిలిచాడు.
ఎన్నికల నిర్వహణ కోసం అంతర్గత సాఫ్ట్‌వేర్‌ను రూపొందించిందిన ఈసీఐ
భారత ఎన్నికల సంఘం, అభ్యర్థి మరియు ఎన్నికల నిర్వహణ కోసం ఎన్‌కోర్ (ENCORE) అనే అంతర్గత సాఫ్ట్‌వేర్‌ను రూపొందించింది. ఎన్‌కోర్ అనగా ఎనేబులింగ్ కమ్యూనికేషన్స్ ఆన్ రియల్ టైమ్ ఎన్విరాన్‌మెంట్‌ అర్ధం. ఎన్‌కోర్ అనేది ఒక సమగ్రమైన సాఫ్ట్‌వేర్ సూట్. ఇది రిటర్నింగ్ అధికారులకు వివిధ ఎన్నికల-సంబంధిత పనులను నిర్వహించడానికి సమగ్ర వేదికను అందిస్తుంది.
ఇది అభ్యర్థి నామినేషన్, అఫిడవిట్, ఓటర్ టర్నింగ్, కౌంటింగ్, ఫలితాలు మరియు డేటా మేనేజ్‌మెంట్‌ను ప్రాసెస్ చేయడానికి రిటర్నింగ్ అధికారులకు అతుకులు లేని సదుపాయాన్ని అందిస్తుంది. అలానే మరో ఎన్‌కోర్ కౌంటింగ్ అప్లికేషన్ అనేది రిటర్నింగ్ అధికారులకు పోలైన ఓట్లను డిజిటలైజ్ చేయడానికి, రౌండ్ వారీగా డేటాను టేబుల్ చేయడానికి మరియు కౌంటింగ్ యొక్క వివిధ చట్టబద్ధమైన నివేదికలను తీయడానికి ఎండ్-టు-ఎండ్ అప్లికేషనుగా ఉపయోగపడుతుంది.
ఢిల్లీలో వరల్డ్ ఫుడ్ ఇండియా 2023
'వరల్డ్ ఫుడ్ ఇండియా 2023' మెగా ఫుడ్ ఈవెంట్ యొక్క రెండవ ఎడిషన్ ప్రారంభోత్సవం నవంబర్ 3న న్యూఢిల్లీలోని ప్రగతి మైదాన్‌లోని భారత్ మండపంలో జరిగింది. ఈ కార్యక్రమానికి ప్రధాన మంత్రి నరేంద్ర మోదీ అధ్యక్షత వహించారు. ఈ ప్రారంభోత్సవం సందర్భంగా, ప్రధాన మంత్రి లక్ష మందికి పైగా స్వయం సహాయక బృంద సభ్యులకు సీడ్ క్యాపిటల్ సహాయాన్ని అందించారు.
భారతదేశాన్ని 'ప్రపంచ ఆహారపు బుట్ట'గా ప్రదర్శించడం మరియు 2023ని అంతర్జాతీయ మిల్లెట్స్ సంవత్సరంగా జరుపుకోవడం ఈ ఈవెంట్ యొక్క ప్రాథమిక లక్ష్యం. వరల్డ్ ఫుడ్ ఇండియా 2023 మొదటి రోజున, ఫుడ్ ప్రాసెసింగ్ పరిశ్రమల మంత్రిత్వ శాఖ మరియు వివిధ పరిశ్రమల సంస్థల మధ్య మొత్తం 16 అవగాహన ఒప్పందాలపై సంతకాలు చేయబడ్డాయి. ఈ ఒప్పందాల మొత్తం విలువ దాదాపు రూ.17,990 కోట్లగా అంచనా. ఈ అవగాహన ఒప్పందాలలో పాల్గొనే ప్రముఖ కంపెనీలలో మోండెలెజ్, కెల్లోగ్, ఐటిసి, ఇన్నోబెవ్, నెడ్‌స్పైస్, ఆనంద, జనరల్ మిల్స్ మరియు అబ్ ఇన్‌బెవ్‌లు ఉన్నాయి.
వరల్డ్ ఫుడ్ ఇండియా 2023 ప్రారంభ రోజున ఫుడ్ ప్రాసెసింగ్ పరిశ్రమల మంత్రిత్వ శాఖ ఒక రౌండ్ టేబుల్ చర్చను నిర్వహించింది. ఈ కార్యక్రమానికి కేంద్ర మంత్రులు పశుపతి కుమార్ పరాస్, పీయూష్ గోయల్ అధ్యక్షత వహించారు. ఫుడ్ ప్రాసెసింగ్ మరియు అనుబంధ రంగాలలో పనిచేస్తున్న 70కి పైగా ప్రముఖ కంపెనీలకు చెందిన సీనియర్ ప్రభుత్వ అధికారులు మరియు సీఈఓలు ఇందులో పాల్గొన్నారు.
వరల్డ్ ఫుడ్ ఇండియా 2023 అనేది ప్రపంచ ఆహార మరియు పానీయాల వాణిజ్య ప్రదర్శన, ఇది తయారీదారులు, ప్రాసెసర్‌లు, పంపిణీదారులు, రిటైలర్లు మరియు పెట్టుబడిదారులతో సహా ఫుడ్ ప్రాసెసింగ్ పరిశ్రమ నుండి కీలకమైన వాటాదారులను ఒకచోట చేర్చుతుంది. ఈ ఈవెంట్ ఫుడ్ ప్రాసెసింగ్ రంగంలోని తాజా ట్రెండ్‌లు మరియు సాంకేతికతలను ప్రదర్శిస్తుంది మరియు వ్యాపారాలకు నెట్‌వర్క్ మరియు కొత్త అవకాశాలను అన్వేషించడానికి వేదికను అందిస్తుంది.
భూటాన్ రాజు జిగ్మే ఖేసర్ నామ్‌గేల్ వాంగ్‌చుక్ 8 రోజుల భారత పర్యటన
భూటాన్ రాజు జిగ్మే ఖేసర్ నామ్‌గేల్ వాంగ్‌చుక్ భారతదేశానికి ఎనిమిది రోజుల అధికారిక పర్యటన నిమిత్తం నవంబర్ 3న గౌహతి చేరుకున్నారు. గోపీనాథ్ బోర్డోలోయ్ విమానాశ్రయంలో దిగిన ఆయనకు అస్సాం ముఖ్యమంత్రి హిమంత బిస్వా శర్మ, అసోం గవర్నర్ జగదీష్ ముఖి స్వాగతం పలికారు. జిగ్మే ఖేసర్ 2008లో భూటాన్ సింహాసనాన్ని అధిరోహించిన తర్వాత ఆయన భారతదేశంలో పర్యటించడం ఇదే తొలిసారి. భూటాన్ మరియు చైనా మధ్య సరిహద్దు చర్చలు కొత్త ఊపందుకున్న నేపథ్యంలో భూటాన్ రాజు భారతదేశ పర్యటన చోటు చేసుకుంది.
భూటాన్ రాజు జిగ్మే ఖేసర్ నామ్‌గేల్ వాంగ్‌చుక్, భూటాన్ రాయల్ గవర్నమెంట్ సీనియర్ అధికారులతో కలిసి నవంబర్ 3 నుండి 10 వరకు భారతదేశంలో అధికారిక పర్యటనలో ఉన్నారు. ఈ పర్యటనలో ఆయన ప్రధాని నరేంద్ర మోదీ, విదేశాంగ మంత్రి ఎస్ జైశంకర్‌లతో భేటీ కానున్నారు. అలానే అస్సాం మరియు మహారాష్ట్రలను కూడా సందర్శిస్తారు.
ఈ పర్యటన భారత్, భూటాన్‌ల మధ్య సన్నిహిత ద్వైపాక్షిక సంబంధాలను బలోపేతం చేస్తుందని భావిస్తున్నారు. భారతదేశం భూటాన్ యొక్క అతిపెద్ద వాణిజ్య భాగస్వామి మరియు అభివృద్ధి భాగస్వామిగా ఉంది. భద్రత, వాణిజ్యం మరియు జలవిద్యుత్‌తో సహా పలు అంశాల్లో ఇరు దేశాల మధ్య సన్నిహిత సహకారం ఉంది. ఈ ప్రాంతంలో చైనాతో భారత్ పోటీని ఎదుర్కొంటున్న తరుణంలో ఈ పర్యటన జరిగింది.
ఇటీవలి సంవత్సరాలలో చైనా భూటాన్‌లో భారీగా పెట్టుబడులు పెడుతోంది. అయితే, భూటాన్ భారత్‌తో తన సంబంధాన్ని ఆ దేశానికి అత్యంత ముఖ్యమైన సంబంధమని పేర్కొంది. భారతదేశం మరియు చైనా మధ్య కొనసాగుతున్న సరిహద్దు వివాదం వంటి ప్రాంతీయ సమస్యలపై చర్చించడానికి కూడా ఈ పర్యటన రెండు దేశాలకు ఒక అవకాశం. ఈ ప్రాంతంలో పెరుగుతున్న చైనా ప్రభావాన్ని ఎదుర్కోవడానికి రెండు దేశాలు కూడా కలిసి పనిచేస్తున్నాయి.
శ్రీలంకలోని ట్రింకోమలీలో స్టేట్ బ్యాంక్ ఆఫ్ ఇండియా శాఖ ప్రారంభం
ఆర్థిక మంత్రి నిర్మలా సీతారామన్ తన అధికారిక పర్యటన సందర్భంగా నవంబర్ 2, 2023 న శ్రీలంకలోని ట్రింకోమలీలో స్టేట్ బ్యాంక్ ఆఫ్ ఇండియా శాఖను ప్రారంభించారు . ఈ కార్యక్రమానికి శ్రీలంకలోని తూర్పు ప్రావిన్స్ గవర్నర్ సెంథిల్ తొండమాన్, శ్రీలంకలోని భారత హైకమిషనర్ గోపాల్ బాగ్లే, ఎస్బీఐ చైర్మన్ దినేష్ ఖరా సహా పలువురు ప్రముఖులు హాజరయ్యారు.
స్టేట్ బ్యాంక్ ఆఫ్ ఇండియా గత 159 ఏళ్లుగా శ్రీలంకలో బ్యాంకింగ్ సేవలు అందిస్తుంది. ఇది శ్రీలంకలో అత్యంత పురాతనమైన బ్యాంక్. ఇటీవలే చోటుచేసుకున్న శ్రీలంక ఆర్థిక సంక్షోభం సమయంలో భారతదేశం అందించిన 1 బిలియన్ యూఎస్ డాలర్ల విలువైన క్రెడిట్ లైన్‌ను సజావుగా పొడిగించడానికి ఈ బ్యాంకు మార్గం సుగమం చేసింది. ఇది అంతర్జాతీయ వాణిజ్యంలో కార్పొరేట్లకు మద్దతు ఇవ్వడం కీలక పాత్ర పోషిస్తోంది.
ఈ పర్యటనలో ఆమె రెండు దేశాల మధ్య 2018 నుండి నిలిచిపోయిన ఆర్థిక మరియు సాంకేతిక సహకార ఒప్పందం (ETCA) యొక్క పునరుద్ధరణ కోసం 12వ రౌండ్ టేబల్ సమావేశం కూడా నిర్వహించారు. ఈటిసిఎ అనేది ఎకనామిక్ అండ్ టెక్నికల్ కోఆపరేషన్ అగ్రిమెంట్. ఇది భారతదేశం మరియు శ్రీలంక మధ్య 2000లో సంతకం చేయబడిన వాణిజ్య ఒప్పందం. ఈ ఒప్పందం రెండు దేశాల మధ్య వాణిజ్యం మరియు పెట్టుబడులను ప్రోత్సహించడం, సాంకేతికత మరియు మౌలిక సదుపాయాలతో సహా వివిధ రంగాలలో ఆర్థిక సహకారాన్ని సులభతరం చేయడం లక్ష్యంగా పెట్టుకుంది.
ఐసీసీ సస్టైనబిలిటీ కాన్‌క్లేవ్‌ 2023
డిపార్ట్‌మెంట్ ఆఫ్ కెమికల్స్ అండ్ పెట్రోకెమికల్స్ నవంబర్ 2 మరియు 3 తేదీలలో న్యూఢిల్లీలో ఇండియన్ కెమికల్స్ కౌన్సిల్ యొక్క ఐసీసీ సస్టైనబిలిటీ కాన్‌క్లేవ్‌ 4వ ఎడిషన్‌ను నిర్వహించింది. ఈ కాన్‌క్లేవ్‌ "ఇంటెగ్రేటింగ్ సస్టైనబిలిటీ & బిజినెస్ స్ట్రాటజీ ఫర్ ది కెమికల్ ఇండస్ట్రీ - అడ్రెస్సింగ్ ఛాలెంజ్స్ అండ్ ఆపర్చునిటీస్" అనే థీమ్‌పై జరిగింది.
ఈ కాన్‌క్లేవ్‌ భారతీయ మరియు గ్లోబల్ కంపెనీలు, ప్రభుత్వ అధికారులు, బహుపాక్షిక సంస్థలు, రసాయన పరిశ్రమ సంస్థలు మరియు విద్యా నిపుణులతో పాటు సుస్థిర రసాయన శాస్త్రంలో ట్రెండింగ్ సమస్యలు మరియు అవకాశాల గురించి చర్చించడానికి సీనియర్ ప్రతినిధులను ఒకచోట చేర్చింది.
రసాయన పరిశ్రమలో సుస్థిరతను ప్రోత్సహించడంలో రసాయనాలు మరియు ఎరువుల మంత్రిత్వ శాఖ ప్రముఖ పాత్ర పోషిస్తోంది. పరిశ్రమను స్థిరమైన భవిష్యత్తుకు మార్చడంలో మద్దతుగా కర్బన పాదముద్రను తగ్గించడానికి స్వచ్ఛంద కార్యాచరణ ప్రణాళిక, రసాయన పరిశ్రమ ఉద్గార ప్రమాణం మరియు జీవ ఇంధనాలపై జాతీయ విధానం వంటి అనేక కార్యక్రమాలను మంత్రిత్వ శాఖ ప్రవేశపెట్టింది.
వాతావరణ మార్పులను పరిష్కరించడానికి, కార్బన్ పాదముద్రలను తగ్గించడానికి, పునరుత్పాదక ఇంధన వినియోగాన్ని పెంచడానికి మరియు స్థిరమైన కార్పొరేట్ పద్ధతులను ప్రోత్సహించడానికి భారతదేశం యొక్క అంతర్జాతీయ కట్టుబాట్ల వెలుగులో ఐసీసీ సస్టైనబిలిటీ కాన్‌క్లేవ్‌ అపారమైన ప్రాముఖ్యతను కలిగి ఉంది. ఈ రెండు రోజుల ఈవెంట్‌లో ఈఎస్‌జి వ్యూహాలు, డీ-కార్బొనైజేషన్, నెట్-జీరో ట్రాన్సిషన్, డిజిటల్ పరివర్తన, గ్రీన్ గ్రోత్, క్లీనర్ ఎనర్జీ, సేఫ్టీ ప్రమోషన్ మరియు ప్రొడక్ట్ స్టీవార్డ్‌షిప్ వంటి ట్రెండింగ్ సమస్యలపై చర్చలు జరిగాయి.
