ఆయుష్మాన్ భారత్ డిజిటల్‌తో 'e-సంజీవని' అనుసంధానం
నేషనల్ హెల్త్ అథారిటీ (NHA) ప్రభుత్వం యొక్క 'ఈసంజీవని' టెలిమెడిసిన్ ప్లాట్‌ఫారమ్'ను ఆయుష్మాన్ భారత్ డిజిటల్ మిషన్‌తో అనుసంధానం చేస్తున్నట్లు ప్రకటించింది. ఈ అనుసంధానం ద్వారా ప్రస్తుత ఈసంజీవని వినియోగదారులు తమ ఆయుష్మాన్ భారత్ హెల్త్ అకౌంట్ (ABHA)ని సులభంగా రూపొందించుకోవడానికి మరియు ప్రిస్క్రిప్షన్‌లు, ల్యాబ్ రిపోర్ట్‌ల వంటి వారి ఆరోగ్య రికార్డులను లింక్ చేయడం వంటివి సులభతరం కానున్నట్లు వెల్లడించింది.
ఢిల్లీ హరిజన్ కాలనీలు & వీధులకు బాబాసాహెబ్ పేరు
ఢిల్లీ సాంఘిక సంక్షేమ శాఖ మంత్రి రాజేంద్ర పాల్ గౌతమ్ ఢిల్లీ పరిధిలో అన్ని హరిజన్ వీధులు మరియు కాలనీలకు పేరు మార్చే ప్రతిపాదనను అసెంబ్లీలో సమర్పించారు. ప్రస్తుత హరిజన్ పేరుతో ఉన్న కాలనీలు, బస్తీలు, మొహల్లాలు మరియు వీధులన్నింటికీ బాబాసాహెబ్ అంబేద్కర్ పేరు పెట్టనున్నారు.
“హర్ ఘర్ దస్తక్ 2.0” ప్రచార కార్యక్రమం ప్రారంభం
నవంబర్ 2021లో ప్రారంభించబడిన “హర్ ఘర్ దస్తక్ ప్రచార” కార్యక్రమం యొక్క 2.0 ను కేంద్ర ఆరోగ్య మంత్రిత్వ శాఖ ప్రారంభించింది. ఈ కార్యక్రమం ద్వారా అర్హత ఉన్న కేంద్ర ఆరోగ్య మంత్రిత్వ శాఖ అన్ని వయసుల వారికి కోవిడ్-19 టీకాలను అందిస్తుంది. ఈ కార్యక్రమం రెండు నెలల పాటు కొనసాగనుంది. 2.0 ప్రచార కార్యక్రంను కోవిడ్ 19 వర్కింగ్ గ్రూప్ చైర్మన్ అరోరా ప్రారంభించారు.
ఢిల్లీలో నేషనల్ ట్రైబల్ రీసెర్చ్ ఇన్‌స్టిట్యూట్ ప్రారంభం
కేంద్ర హోం, సహకార మంత్రి అమిత్ షా, ఢిల్లీలో కొత్తగా నిర్మించిన నేషనల్ ట్రైబల్ రీసెర్చ్ ఇన్‌స్టిట్యూట్ (ఎన్‌టిఆర్‌ఐ)ని ప్రారంభించారు. ఇది అట్టడుగు స్థాయి వరకు గిరిజన జనాభా కోసం పథకాలు రూపొందించడం, అభివృద్ధి కార్యక్రమాలు మరియు విధానాలు రూపొందించడం మరియు వాటి ఫలితాల ఆధారిత అమలకు కృషి చేయనుంది. ఈ కార్యక్రమంలో గిరిజన వ్యవహారాల మంత్రి శ్రీ అర్జున్ ముండా కూడా పాల్గున్నారు.
క్రెడిట్ లింక్డ్ లోన్‌ల కోసం 'జన్ సమర్థ్ పోర్టల్' ప్రారంభం
ప్రభుత్వ క్రెడిట్ పథకాలను అనుసంధానించే లక్ష్యంతో 'జన్ సమర్థ్ పోర్టల్' అలానే వన్-స్టాప్ డిజిటల్ ప్లాటుఫామ్ ను ప్రధాని నరేంద్ర మోదీ ప్రారంభించారు. దీని ద్వారా ప్రభుత్వ క్రెడిట్ ప్రయోజనాలను సులభంగా లబ్ధిదారులకు చేరువయ్యేలా చేయనున్నారు.
'బీచ్ విజిల్ యాప్'ను ప్రారంభించిన గోవా సీఎం
గోవా బీచ్‌లపై నిఘా ఉంచేందుకు, పర్యటకులకు మరింత భద్రత కల్పించేందుకు ఆ రాష్ట్ర సీఎం ప్రమోద్ సావంత్ 'బీచ్ విజిల్ యాప్'ను ప్రవేశపెట్టారు. దీని గోవా ఎలక్ట్రానిక్ లిమిటెడ్ అభివృద్ధి చేసింది.
రాష్ట్రీయ పురస్కార్ పోర్టల్ ప్రారంభం
కేంద్ర ప్రభుత్వం వివిధ మంత్రిత్వ శాఖల పరిధిలో వివిధ అవార్డుల కోసం నామినేషన్లను ఆహ్వానించడం కోసం రాష్ట్రీయ పురస్కార్ పోర్టల్‌ను ప్రారంభించింది. ఈ పోర్టల్ భారత ప్రభుత్వం ద్వారా స్థాపించబడిన వివిధ అవార్డులకు వ్యక్తులు లేదా సంస్థలను నామినేట్ చేయడానికి పౌరులకు సులభతరం చేయనుంది.
