తెలంగాణ మెగా రిక్రూట్మెంట్ : 91142 ఉద్యోగాల భర్తీకి ముఖ్యమంత్రి కేసీఆర్ ఆదేశం

తెలంగాణలో మెగా ఉద్యోగ భర్తీ ప్రకటన

ఉహించిన విధంగానే అసెంబ్లీ వేదికగా తెలంగాణ నిరుద్యోగులకు ముఖ్యమంత్రి కే చంద్రశేఖర్‌రావు శుభవార్త అందించారు. ఎప్పటినుండో వాయిదా పడుతూ వస్తున్నా కొలువుల నియామక ప్రక్రియకు ముహూర్తం ఖరారు చేసారు. విద్య, ఆరోగ్య, వైద్య, రెవిన్యూ, పోలీస్ వంటి వివిధ శాఖల్లో సుమారు 91,142 పోస్టుల భర్తీకి ప్రకటన వెల్లడించారు. తెలంగాణ రాష్ట్ర ఉద్యమం ప్రారంభమయ్యిందే నీళ్లు, నిధులు, నియామకాల కోసం అంటూ అసెంబ్లీలో ప్రసంగం ప్రారంభించిన ముఖ్యమంత్రి, వివిధ రాష్ట్ర సమస్యలపై సుధీర్ఘంగా మాట్లాడారు.

తెలంగాణ ఏర్పాటు నుండి ఇప్పటి వరకు 1,56,254 ఉద్యోగాల భర్తీకి ప్రకటనలు వెలువడగా, ఇప్పటికే సుమారు 1,33,942 పోస్టుల భర్తీ ప్రక్రియ పూర్తియిందని, మిగతా 22,312 పోస్టుల నియామక ప్రక్రియ కొనసాగుతుందని వెల్లడించారు. తెలంగాణ ప్రభుత్వం ఎంప్లాయింట్‌మెంట్‌ ఫ్రెండ్లీ గవర్నమెంట్‌ అని, హయ్యెస్ట్‌ పెయిడ్‌ ఎంప్లాయిస్‌ తెలంగాణలో ఉన్నారని సీఎం ప్రకటించారు. కేంద్ర ప్రభుత్వం, పక్క రాష్ట్రాల వైఖరి వల్లే భర్తీ ప్రక్రియ ఆలస్యమైందని చెప్పుకొచ్చారు.

95 శాతం పోస్టులు స్థానిక అభ్యర్థులకే...

తెలంగాణలో ఇక మీదట భర్తీ ప్రతి ఉద్యోగం లోకల్ అభ్యర్థులతో భర్తీచేయనున్నట్లు, సుమారు 95% ఉద్యోగాలు స్థానిక అభ్యర్థులతో భర్తీచేసే విధంగా న్యాయపరమైన అనుమతి కోసం చొరవ తీసుకున్నామని వెల్లడించారు. అలానే ఇకమీదట తెలంగాణ రాష్ట్రంలో కాంట్రాక్ట్‌ ఉద్యోగులు అనే మాట వినిపించిందని, ప్రస్తుతం విధులు నిర్వర్తిస్తున్న 11,103 కాంట్రాక్ట్‌ ఉద్యోగులను రెగ్యులరైజ్‌ చేస్తున్నట్లు ముఖ్యమంత్రి ప్రకటించారు.

91, 142 ఉద్యోగాల్లో 11,103  పోస్టులు కాంట్రాక్ట్‌ ఉద్యోగులతో భర్తీచేయగా, మిగిలిన 80,039 పోస్టులకు ఇవాళ్టి(మార్చి 9, 2022) నుంచే నోటిఫికేషన్లు జారీ అవుతాయని సీఎం కేసీఆర్‌ స్పష్టం చేశారు. అలానే షెడ్యూల్‌ 9, 10 వివాదాలు సర్దుమనిగితే మరో 20 వేలకు పైగా ఉద్యోగాల భర్తీకి అవకాశం ఉంటుందని తెలిపారు. ఇదే సందర్భంలో ఉద్యోగ దరఖాస్తు గరిష్ట వయోపరిమితిని పదేళ్లకు పెంచుతున్నట్లు ప్రకటించారు.

వయోపరిమితి పెంపు

జిల్లాల వారీగా ఖాళీలు