ఎస్‌బీఐ పీఓ పోస్టులకు దరఖాస్తు చేయండి | మొత్తం ఖాళీలు 1673

ఎస్‌బీఐ పీఓ పోస్టుల ఖాళీల వివరాలు

డిగ్రీ అర్హుతతో స్టేట్ బ్యాంకు ఆఫ్ ఇండియాలో ఎంట్రీ లెవెల్ జూనియర్ మానేజ్మెంట్ సీట్లలో పాగా వేయాలనుకుంటే ఎస్‌బీఐ పీఓ పరీక్ష రాయాల్సిందే. సామాజిక హోదా, ఉద్యోగ భరోసా, విధి నిర్వహణ సవాలు, ఈ మూడింటింటిని పుణికిపుచ్చుకున్న పీఓ ఉద్యోగాలన్ని సాధించేందుకు లక్షల కొలది నిరుద్యోగులు పోటీపడతారు.

బ్యాంకుల సాంకేతిక, ఆర్థిక కార్యకలాపాకు మార్గనిర్దేశం వహించే పీఓలు, వ్యక్తిగత బ్యాంకింగ్ నుండి రూరల్ బ్యాంకింగ్, క్రెడిట్, ఫారెక్స్, ట్రెజరీ వంటి అనేక ముఖ్య విధులు నిర్వర్తిస్తారు. ఎస్‌బీఐ పీఓల ప్రారంభ వేతనం 41,960/- నుండి ప్రారంభమౌతుంది. డీఏ, హౌస్ రెంట్, ఇతర అలెవెన్సులు అన్ని కలుపుకుంటే యేడాదిలో గరిష్టంగా 12.5 లక్షల నుండి 18.9 లక్షల ( మెట్రో సిటీలలో) రూపాయల వరకు అందుకుంటారు.

దీనితో పాటుగా నాలుగు దశలో ప్రతీ మూడేళ్లకు శాలరీ ఇంక్రిమెంట్స్ తో పాటుగా కెరీర్ పరంగా ఎదిగేందుకు ప్రొమోషన్స్ కల్పించబడతాయి. ఎస్‌బీఐ యేటా ఏప్రిల్, సెప్టెంబర్ నెలల్లో పీఓ నియామక ప్రకటన విడుదల చేస్తుంది.

ఎస్‌బీఐ పీఓ 2022 షెడ్యూల్

ఎస్‌బీఐ పీఓ ఎలిజిబిలిటీ

• జాతీయత: అభ్యర్థులు భారతీయ పౌరులయి ఉండాలి.
• విద్య అర్హుత: యూజీసీ గుర్తింపు పొందిన యూనివర్సిటీ నుండి గ్రాడ్యుయేషన్ పూర్తిచేసి ఉండాలి. చివరి యేడాది గ్రాడ్యుయేషన్ చదువవుతున్న విద్యార్థులు కూడా అర్హులు.
• ఐదేళ్ల డ్యూయల్ డిగ్రీ పూర్తిచేసిన అభ్యర్థులు కూడా అర్హులు
• ఇంగ్లీష్ధ నైపుణ్యం: రఖాస్తు చేసే అభ్యర్థులు ఆంగ్ల బాషా పరిజ్ఞానం కలిగివుండాలి (ఇంగ్లీష్ రాయడం, చదవటం తెలిసి ఉండాలి)
• వయోపరిమితి: ధరఖాస్తు చేసే సమయానికి అభ్యర్థుల వయసు 21 నుండి 30 ఏళ్ళ మధ్య ఉండాలి. రిజర్వేషన్ వారీగా వయోపరిమితి సడలింపు ఉంటుంది
• ప్రయత్నాల సంఖ్యా: జనరల్ కేటగిరి అభ్యర్థులు గరిష్టంగా నాలుగు సార్లు మాత్రమే పీఓ పరీక్ష రాసేందుకు అర్హులు. ఓబీసీ కేటగిరి అభ్యర్థులు గరిష్టంగా ఏడు సార్లు హాజరయ్యేందుకు అవకాశం ఉంటుంది. ఎస్సీ, ఎస్టీ వికలాంగు అభ్యర్థులకు యెటువంటి హాజరు పరిమితి లేదు.

ఎస్‌బీఐ పీఓ దరఖాస్తు ప్రక్రియ

అర్హుత ఉన్న అభ్యర్థులు ఎస్‌బీఐ అధికారిక వెబ్సైటు నుండి ఆన్‌లైన్ విధానంలో దరఖాస్తు చేసుకోవాలి. నోటిఫికేషన్ యందు పొందిపర్చిన విదంగా ఎస్‌బీఐ అడిగిన వ్యక్తిగత, విద్యా సమాచారాన్ని అందించాల్సి ఉంటుంది. దరఖాస్తు పారంభించే ముందు అవసరమయ్యే వివరాల్ని అందుబాటులో పెట్టుకోండి. పుటిన తేదీ వివరాలు, కేటగిరి వివరాలు, మొబైల్ నెంబర్ మరియు మెయిల్ ఐడీ వంటి వివరాలు తప్పులు దొర్లకుండా పొందుపర్చండి.

పరీక్ష కేంద్ర ఎంపిక వివరాలు మరో మారు సరిచూసుకోండి. అప్లోడ్ చేసే ధ్రువపత్రాలు బోర్డు నిబంధనలకు అనుగుణంగా ఉండేలా రూపొందించుకోండి. దరఖాస్తు ప్రక్రియ పూర్తిచేశాక అందుబాటులో ఉండే పేమెంట్ మార్గం ద్వారా దరఖాస్తు రుసుము చెల్లించండి. దరఖాస్తు రుసుము చెల్లించని అప్లికేషన్లు పరిగణలోకి తీసుకోబడవు.

ఎస్‌బీఐ పీఓ ఎగ్జామ్ సెంటర్లు

ఎస్‌బీఐ పీఓ ఎగ్జామ్ నమూనా

ఎస్‌బీఐ పీఓ పరీక్ష ప్రిలిమ్స్ మరియు మెయిన్స్ పేరుతో రెండు దశలలో జరుగుతుంది. ప్రిలిమ్స్ పరీక్షలో మెరిట్ సాధించిన అభ్యర్థులను షార్ట్ లిస్ట్ చేసి మెయిన్స్ పరీక్షకు ఆహ్వానిస్తారు. మెయిన్స్ లో మెరిట్ సాధించిన అభ్యర్థులను తర్వాతి దశలో గ్రూపు డిస్కషన్ మరియు ఇంటర్వ్యూ కి పిలుస్తారు.

ప్రిలిమ్స్ మినహాయించి మిగతా మూడు అంశాల్లో అభ్యర్థులు కనబర్చిన ప్రతిభ ఆధారంగా తుది ఎంపిక చేపడతారు. కేటగిరి వారిగా మెరిట్ సాధించిన వారి షార్ట్ లిస్ట్ తయారుచేసి, ఎంపికైన అభ్యర్థులకు పోస్టు ద్వారా కాల్ లెటర్ అందజేస్తారు.

ఎస్‌బీఐ పీఓ ప్రిలిమ్స్

ప్రాథమిక స్థాయిలో అభ్యర్థులను వడపోసేందుకు ఎస్‌బీఐ పీఓ ప్రిలిమినరీ పరీక్ష నిర్వహిస్తారు. 100 మార్కులకు ఆన్లైన్ జరిగే ఈ ఆబ్జెక్ట్ టెస్టులో మూడు సెక్షన్లలో ప్రశ్నలు ఇవ్వబడతాయి. ఈ మూడు సెక్షన్లలో జనరల్ ఇంగ్లీష్, క్వాంటిటేటివ్ ఆప్టిట్యూడ్, రీజనింగ్ అంశాలకు సంబంధించి వంద ఆబ్జెక్టివ్ ప్రశ్నలు ఉంటాయి.

ఒక్కో సెక్షన్ కు 20 నిముషాలు చెప్పున, ఒక గంట వ్యవధిలో 100 ప్రశ్నలకు సమాధానం చేయాల్సి ఉంటుంది. సరైన సమాధానం చేసిన ప్రశ్నకు ఒక మార్కు, తప్పు సమాధానం చేసిన ప్రశ్నకు 1/4 వంతు ఋణాత్మక మార్కు ఇవ్వబడతాయి. అభ్యర్థులు మూడు సెక్షన్లలో కనీస అర్హుత మార్కులు సాధించాల్సి ఉంటుంది. కేటగిరి వారీగా ఉన్న ఖాళీలకు సుమారుగా 20 రేట్లు మెరిట్ అభ్యర్థులను మెయిన్స్ పరీక్షకు ఎంపిక చేస్తారు.

ఎస్‌బీఐ పీఓ మెయిన్స్

ప్రిలిమినరీ ఎగ్జామ్ యందు మెరిట్ సాధించిన అభ్యర్థులకు మెయిన్స్ పరీక్ష నిర్వహిస్తారు. మెయిన్స్ పరీక్ష రెండు దశలో జరుగుతుంది. మొదటి దశలో 3 గంటల వ్యవధిలో 200 మార్కులకు ఆబ్జెక్టివ్ టెస్ట్ రాయాల్సి ఉంటుంది. నాలుగు సెక్షన్లుగా ఉండే ఈ పరీక్షలో ప్రతి సెక్షన్ నిర్దిష్ట సమయంలో కనీస మార్కులు సాధించాల్సి ఉంటుంది.

రెండవ దశలో 30 నిముషాల వ్యవధితో 50 మార్కులకు డిస్క్రిప్టివ్ టెస్ట్ నిర్వహించబడుతుంది. ఈ రెండు టెస్టులు పూర్తి ఆన్‌లైన్ పద్దతిలో నిర్వహించబడతాయి. తప్పు సమాధానం చేసిన ప్రశ్నకు 1/4 వంతు ఋణాత్మక మార్కు ఇవ్వబడుతుంది.

రెండవ దశలో 50 మార్కులకు ఇంగ్లీషు భాషకు సంబంధించి లెటర్ రైటింగ్, డిస్క్రిప్టివ్ ఎస్సై రాయాల్సి. లెటర్ రైటింగ్ మరియు ఇంగ్లీషు వ్యాసం 30 నిముషాల నిర్ణీత సమయంలో కంప్యూటర్ యందు టైపు చేయాల్సి ఉంటుంది.

గ్రూపు డిస్కషన్ & ఇంటర్వ్యూ

ఎస్‌బీఐ పీఓ మెయిన్స్ పరీక్ష యందు షార్ట్ లిస్ట్ చేయబడ్డ అభ్యర్థులకు చివరిగా గ్రూపు డిస్కషన్ మరియు వ్యక్తిగత ఇంటర్వ్యూ నిర్వహించి, వివిధ రిజర్వేషన్ పోస్టుల ఖాళీల ఆధారంగా నియామక ప్రక్రియ పూర్తిచేస్తారు.