యూపీఎస్సీ జియో సైంటిస్ట్‌ ఎగ్జామ్ 2022

యూపీఎస్సీ సీజీఎస్ఈ పోస్టుల సంఖ్యా

జియాలజి (భూగర్భ శాస్త్రం) మరియు దాని అనుబంధ శాఖలో పనిచేసే జియో - సైంటిస్ట్ లను నియమించేందుకు కంబైన్డ్ జియో - సైంటిస్ట్ ఎగ్జామినేషను యుపిఎస్‌సి నిర్వహిస్తుంది. ఈ నియామక పరీక్షా ద్వారా జియోలోజిస్టు, జియోఫిజిస్ట్, జియోకెమిస్ట్ మరియు జూనియర్ హైడ్రోజియాలజిస్ట్ వంటి భూగోళ శాస్త్రజ్ఞులను భర్తీచేస్తారు.

వీరు జియోలాజికల్ సర్వే ఆఫ్ ఇండియా, గనుల మంత్రిత్వ శాఖ, సెంట్రల్ గ్రౌండ్ వాటర్ బోర్డ్ మరియు జల వనరుల మంత్రిత్వ శాఖల పరిధిలో విధులు నిర్వర్తిస్తారు. కంబైన్డ్ జియో - సైంటిస్ట్ ఎగ్జామినేషన్ ఏటా జనవరి లేదా ఫిబ్రవరి లో నిర్వహిస్తారు.

ఈ పరీక్ష మూడు దశలలో జరుగుతుంది. మొదటి దశలో ప్రిలిమినరీ పరీక్షా నిర్వహిస్తారు. ప్రిలిమ్స్ లో అర్హుత సాధించిన అభ్యర్థులకు జూన్ లేదా జులై నెలల్లో మెయిన్స్ పరీక్షా జరుపుతారు. మెయిన్స్ లో మెరిట్ సాధించిన వారికీ సెప్టెంబర్ లేదా అక్టోబరులో వ్యక్తిగత ఇంటర్వ్యూ నిర్వహించి నియామకం చేపడతారు.

జియో సైంటిస్ట్‌ ఎగ్జామ్ ఎలిజిబిలిటీ

• జాతీయత: ఇండియా, భూటాన్, నేపాల్ దేశాలకు చెందిన అభ్యర్థులు దరఖాస్తు చేసుకునేందుకు అర్హులు.
• 1962 కు ముందు ఇండియాకు వచ్చి స్థిరపడిన టిబెటియన్ అభ్యర్థులు కూడా దరఖాస్తు చేసుకోవచ్చు.
• భారత్ లో శాశ్వతంగా స్థిరపడేందుకు వచ్చిన పాకిస్తాన్, శ్రీలంక, బర్మా మరియు కెన్యా, ఉగాండా, జాంబియా దెసలకు చెందిన వారుకూడా అర్హులు.
• వయోపరిమితి:  అభ్యర్థుల వయసు 21 నుండి 32 ఏళ్ళ మధ్య ఉండాలి. రిజర్వేషన్ ఉన్న అభ్యర్థులకు 3 నుండి 5 ఏళ్ళ సడలింపు ఉంటుంది.

జియో సైంటిస్ట్‌ దరఖాస్తు విధానం

కంబైన్డ్ జియో - సైంటిస్ట్ పరీక్షకు పోటీపడే అభ్యర్థులు యూపీఎస్సీ అధికారిక వెబ్సైటు ద్వారా ఆన్‌లైన్ లో దరఖాస్తు చేసుకోవాలి. దరఖాస్తు ప్రారంభించే ముందు కావాల్సిన సమాచారమంతా అందుబాటులో ఉంచుకోండి. ప్రతి అభ్యర్థి గరిష్టంగా ఒక్క దరఖాస్తు మాత్రమే చేయాలి. దరఖాస్తు సమయంలో ఖచ్చితమైన వివరాలు అందించాల్సి ఉంటుంది.

దరఖాస్తు ద్వారా అందించే తప్పుడు సమాచారంకు పూర్తి బాధ్యత మీరే వహించాలి. వయస్సు ధ్రువపత్రం, విద్యా అర్హత ధ్రువపత్రాలు, షెడ్యూల్డ్ కులాలు, షెడ్యూల్డ్ తెగలు, ఇతర వెనుకబడిన తరగతులకు చెందినవారు ఇడబ్ల్యుఎస్ సర్టిఫికేట్ మరియు  అవసరమైన వారు వయసు సడలింపు ధ్రువపత్రాలు అందుబాటులో ఉంచుకోవాలి.

యూపీఎస్సీ పరీక్షకు సంబంధించిన సమస్త సమాచారం ఇమెయిల్ మరియు మొబైల్ ఫోన్లకు పంపిస్తుంది. ఇమెయిల్ మరియు మొబైల్ అందుబాటులో ఉండేలా చూసుకోవాల్సిన బాధ్యత అభ్యర్థులదే.

కంబైన్డ్ జియో - సైంటిస్ట్ ఎగ్జామినేషన్ మూడు దశలలో జరుగుతుంది. మొదటి దశలో ఆబ్జెక్టివ్ పద్దతిలో 400 మార్కులకు ప్రిలిమినరీ పరీక్షా నిర్వహిస్తారు. ప్రిలిమినరీ పరీక్షలో రెండు పేపర్లు ఉంటాయి. పేపర్ 1 లో 2గంటల వ్యవధితో 100 మార్కులకు జనరల్ ఎబిలిటీ ఆబ్జెక్టివ్ టెస్ట్ నిర్వహిస్తారు.

పేపర్ 2 లో 2గంటల వ్యవధితో 300 మార్కులకు  పోస్టు సంబంధిత స్పెషలైజ్డ్ సబ్జెక్టును ఉద్దేశించి జరుగుతుంది. తప్పు సమాధానం చేసిన ప్రశ్నలకు 1/3 వంతు నెగిటివ్ మార్కింగ్ ఉంటుంది. ప్రశ్నపత్రాలు ఇంగ్లీష్ మరియు హిందీ భాషల్లో ఉంటుంది.

జియోలాజిస్ట్ ప్రిలిమినరీ ఎగ్జామ్ నమూనా

జియో సైంటిస్ట్‌ మెయిన్స్ ఎగ్జామ్ నమూనా

ప్రిలిమ్స్ యందు మెరిట్ సాధించిన అభ్యర్థులను మెయిన్స్ పరీక్షకు పిలుస్తారు. మెయిన్స్ పరీక్షా మూడు పేపర్లలో 600 మార్కులకు నిర్వహిస్తారు. ఒక్కో పేపర్ 3 గంటల వ్యవధితో 200 మార్కులకు ఇవ్వబడుతుంది. మెయిన్స్ పరీక్షా పూర్తి డిస్క్రిప్టివ్ పద్దతిలో జరుగుతుంది. ప్రశ్న పత్రాలు ఇంగ్లీష్ లో మాత్రమే అందుబాటులో ఉంటాయి. అభ్యర్థులు ఏయే పోస్టులకు దరఖాస్తు చేశారో, ఆయా పోస్టులకు సంబంధించి అన్ని పరీక్షలు రాయాల్సి ఉంటుంది.

ఇంటర్వ్యూ : మెయిన్స్ పరీక్షలో మెరిట్ సాధించిన అభ్యర్థులను ఖాళీ పోస్టుల సంఖ్యా ఆధారంగా వ్యక్తిగత ఇంటర్వ్యూ కి ఆహ్వానిస్తారు. ఇంటర్వ్యూ టెస్ట్ 200 మార్కులకు నిర్వహిస్తారు. మెయిన్స్ మరియు వ్యక్తిగత ఇంటర్వ్యూ లో అభ్యర్థులు చూపిన ప్రతిభ ఆధారంగా తుది ఎంపిక జరుగుతుంది.