కంబైన్డ్ మెడికల్ సర్వీసెస్ ఎగ్జామినేషన్ 2022 నోటిఫికేషన్ & షెడ్యూల్, సిలబస్

వైద్య గ్రాడ్యుయేట్లను వివిధ కేంద్ర ప్రభుత్వ సంస్థలు, కేంద్ర మెడికల్ సర్వీసులలో వైద్య అధికారులుగా నియమించేందుకు కంబైన్డ్ మెడికల్ సర్వీసెస్ ఎగ్జామినేషన్ నిర్వహించబడుతుంది. కేంద్ర ఆరోగ్య మరియు కుటుంబ సంక్షేమ మంత్రిత్వశాఖ ఆదేశాల మేరకు యుపిఎస్‌సి ఈ నియామకాలు చేపడుతుంది. యేటా ఏప్రిల్ నెలలో ఉద్యోగ ప్రకటన విడుదల చేసి, జులైలో నియామక రాతపరీక్ష పరీక్ష నిర్వహిస్తారు. రాతపరీక్షలో మెరిట్ సాధించిన అభ్యర్థులకు వ్యక్తిగత ఇంటర్వ్యూ నిర్వహించి తుది ఫలితాలు విడుదల చేస్తారు.

కంబైన్డ్ మెడికల్ సర్వీసెస్ ఎగ్జామినేషన్ ద్వారా ఎంపికైన వారు రైల్వే, భారత ఆర్డినెన్సు ఫ్యాక్టీరీస్, ఢీల్లీ మున్సిపల్ కార్పొరేషన్, ఢీల్లీ మున్సిపల్ కౌన్సిలో మెడికల్ అధికారులుగా విధులు నిర్వర్తిస్తారు.

ఎలిజిబిలిటీ

• అభ్యర్థులు ఇండియా లేదా నేపాల్, భూటాన్ పౌరులయి ఉండాలి
• 1962కు ముందు భారతదేశంకు వలస వచ్చిన టిబెటన్ అభ్యర్థులు కూడా అర్హులు.
• గుర్తింపు పొందిన యూనివర్సిటీ నుండి ఎంబిబిఎస్ పూర్తిస్థాయి ఉతీర్ణతై ఉండాలి.
• దరఖాస్తు చేసే అభ్యర్థుల వయసు 21 నుండి 32 ఏళ్ళ మధ్య ఉండాలి. రిజర్వేషన్ కలిగిన అభ్యర్థులకు కేటగిరి వారీగా 3 నుండి 5 ఏళ్ళ సడలింపు ఉంటుంది.

దరఖాస్తు ఫీజు

దరఖాస్తు ప్రక్రియ

కంబైన్డ్ మెడికల్ సర్వీసెస్ ఎగ్జామినేషన్ కు పోటీపడే అభ్యర్థులు యుపిఎస్‌సి అధికారిక వెబ్సైటు ద్వారా ఆన్‌లైన్ లో దరఖాస్తు చేసుకోవాలి. ప్రతి అభ్యర్థి గరిష్టంగా ఒక్క దరఖాస్తు మాత్రమే చేయాలి. దరఖాస్తు సమయంలో ఖచ్చితమైన వ్యక్తిగత, విద్య వివరాలు అందించాల్సి ఉంటుంది. దరఖాస్తు ద్వారా అందించే తప్పుడు సమాచారంకు పూర్తి బాధ్యత మీరే వహించాలి. దరఖాస్తు సమయంలో చేసే చిన్న తప్పిదాలు రేపు నియామక సమయంలో అనర్హుతకు దారితీసే అవకాశం ఉంటుంది. మొబైల్ నెంబర్, మెయిల్ ఐడీ, రిజర్వేషన్ కేటగిరి ఎంపిక, వయోపరిమితి ఎంపిక, పరీక్షా కేందం, ఆప్షనల్ సబ్జెక్టుల నమోదు సమయంలో పలుమార్లు పునఃపరిశీలించండి.