ఐక్యరాజ్యసమితి విభాగాలు మరియు వాటి ప్రధాన కార్యాలయాలు

రెండవ ప్రపంచ యుద్ధం తర్వాత,1945 లో ప్రపంచ దేశాలు అన్ని కలిసి ఐక్యరాజ్యసమితిని ఏర్పాటు చేసుకున్నాయి. దేశాల మధ్య మరో ప్రపంచ యుద్దానికి అవకాశం లేకుండా ప్రపంచ శాంతి, రక్షణ మరియు ఆర్థిక అభివృద్ధి కోసం అంతర్జాతీయంగా ప్రాతినిధ్యం వహించగలిగే అత్యంత శక్తివంతమైన ఇంటర్‌గవర్నమెంటల్ సంస్థను ఏర్పాటు చేసుకున్నాయి.

ఐక్యరాజ్యసమితి ప్రధాన కార్యాలయం న్యూయార్క్ నగరంలో ఉంది. జెనీవా, నైరోబి, వియన్నా మరియు ది హేగ్‌ లలో దీని ఇతర కార్యాలయాలు కలిగిఉంది. ఐక్యరాజ్యసమితిలో 193 సభ్య దేశాలు ఉన్నాయి . ఇది  ప్రస్తుతం అంతర్జాతీయ శాంతిని పరిరక్షించడం, మానవ హక్కులను పరిరక్షించడం, మానవతా సహాయం అందించడం, సభ్య దేశాలలో స్థిరమైన అభివృద్ధిని ప్రోత్సహించడం మరియు అంతర్జాతీయ చట్టాలను అమలులో ఉండేలా చూడటం వంటి విధులు నిర్వర్తిస్తుంది. వీటికోసం అంశాల వారీగా ప్రపంచవ్యాప్తంగా 15 పరిపాలన ఏజెన్సీలను ఏర్పాటుచేసింది.