ఆంధ్ర యూనివర్సిటీలో ఆర్ట్స్ మరియు కామర్స్ పీజీ కోర్సులు

ఆంధ్ర యూనివర్సిటీ ఆర్ట్స్ మరియు కామర్స్ సబ్జెక్టులకు సంబంధించి పదుల సంఖ్యలో పీజీ కోర్సులు అందిస్తుంది. ఈ కోర్సులు ఆంధ్ర యూనివెర్సిటీతో పాటుగా దాని అనుబంధ పీజీ కాలేజీల్లో అందుబాటులో ఉంటాయి. ఈ కోర్సులకు సంబంధించి అడ్మిషన్ ప్రక్రియ ఏపీ పీజీసెట్ యందు సాధించిన మెరిట్ ఆధారంగా నిర్వహిస్తారు.

ఏయూ పీజీ కోర్సులు రెండేళ్ల నిడివితో అందిస్తున్నారు. ఈ రెండేళ్లలో అభ్యర్థులు నాలుగు సెమిస్టరు పరీక్షలకు హాజరవ్వాల్సి ఉంటుంది. ఒక సెమిస్టరు యందు పాస్ కాని అభ్యర్థులు, వచ్చే ఏడాది అదే సెమిస్టరు పరీక్షకు హాజరుకావడం ద్వారా ఉత్తీర్ణత పొందాల్సి ఉంటుంది.

ఆర్ట్స్ మరియు కామర్స్ పీజీ కోర్సులకు సంబంధించి అభ్యర్థులు ఏదైనా బ్యాచిలర్ డిగ్రీ యందు 50 శాతం మార్కులతో ఉత్తీర్ణత పొంది ఉండాలి. విద్యార్థుల వయస్సు 20 ఏళ్ళ నుండి గరిష్టంగా 35 ఏళ్ళ మధ్య ఉండాలి. కోర్సులు సంబంధించి సీట్ల వివరాలు మరియు ట్యూషన్ ఫీజుల వివరాలు కౌన్సిలింగ్ సమయంలో అందుబాటులో ఉంచుతారు.