తెలుగు విద్యార్థుల కోసం 20 ఇంజనీరింగ్ ప్రవేశ పరీక్షలు 2023

ఏపీ మరియు తెలంగాణాలలో ఇంజనీరింగ్ ప్రవేశ పరీక్షలు

10. ఏయూఈఈటీ ఎగ్జామ్

ఏయూఈఈటీ పరీక్షను ఆంధ్ర యూనివర్సిటీకి చెందిన ఇంజనీరింగ్ క్యాంపసులో మరియు అనుబంధ ఇంజనీరింగ్ కాలేజీల్లో ఆరేళ్ళ ఇంజనీరింగ్ డ్యూయల్ డిగ్రీ కోర్సులల్లో ప్రవేశాలు కల్పించేందుకు నిర్వహిస్తారు. ఈ కోర్సులో మొదటి నాలుగేళ్లు బీటెక్, చివరి రెండేళ్లు ఎంటెక్ డిగ్రీ అందిస్తారు.

నాలుగేళ్ళ ఇంజీనిరింగ్ కోర్సు పూర్తిచేసి బయటకు పోయే విద్యార్థులకు బీటెక్ పట్టా మాత్రమే అందిస్తారు. ఇంటర్మీడియట్ ఎంపీసీ యందు 50 శాతం మార్కులతో ఉత్తీర్ణత పొందిన విద్యార్థులు దరఖాస్తు చేసుందుకు అర్హులు. ఈ ప్రవేశ పరీక్షకు సంబంధించి పూర్తి వివరాలు ఇక్కడ తెలుసుకుందాం.

11. బిట్‌శాట్‌ ఎగ్జామ్

బిట్‌శాట్‌ పరీక్షను బిర్లా ఇనిస్టిట్యూట్ ఆఫ్ టెక్నాలజీ అండ్ సైన్స్ యందు ఇంజనీరింగ్ మరియు ఇతర గ్రాడ్యుయేషన్ కోర్సుల యందు అడ్మిషన్లు కల్పించేందుకు నిర్వహిస్తారు.  ప్రైవేట్ రంగంలో ఇంజనీరింగ్ విద్య అంటే టక్కున గుర్తొచ్చేది బిర్లా ఇనిస్టిట్యూట్ ఆఫ్ టెక్నాలజీ అండ్ సైన్స్ (బిట్స్). దేశంలో ఒకానొక గొప్ప డ్రీమ్డ్ యూనివర్సిటీగా వర్థిల్లుతున్న బిట్స్ యందు ఇంజనీరింగ్ చేయాలనుకుంటే ఈ పరీక్ష రాయాల్సిందే.

బిట్స్ క్యాంపస్లు దేశవ్యాప్తంగా పిలానీ, గోవా, హైదరాబాద్‌తో సహా దుబాయ్ యందు కూడా అందుబాటులో ఉన్నాయి. బిట్స్ ఇంజనీరింగులో అత్యుత్తమ విద్యకు, పరిశోధనలకు పెట్టింది పేరు. ఐఐటీలు, ఎన్ఐటీల తర్వాత ఎక్కువ మంది విద్యార్థులు బిట్స్ యందు ఇంజనీరింగ్ చేసేందుకు మక్కువ చూపిస్తారు.

12. వీటీఈ ఎగ్జామ్

వీటీఈ ప్రవేశ పరీక్షను వెల్లూరు ఇనిస్టిట్యూట్ ఆఫ్ టెక్నాలజీ (విట్) లో ఇంజనీరింగ్ మరియు ఇతర అండర్ గ్రాడ్యుయేట్ కోర్సుల యందు అడ్మిషన్ కల్పించేందుకు నిర్వహిస్తారు. అంతర్జాతీయ ప్రమాణాలతో కూడిన విన్నూత పరిశోధనాత్మక ఇంజనీరింగ్ కోర్సులకు వెల్లూరు ఇనిస్టిట్యూట్ ఆఫ్ టెక్నాలజీ నెలవు.

వెల్లూరు ఇనిస్టిట్యూట్, నాణ్యమైన ప్రపంచ స్థాయి సాంకేతిక విద్యను అందిస్తున్న ప్రైవేట్ ఇంజనీరింగ్ యూనివర్సిటీలలో ముందు వరుసలో ఉంటుంది. విట్ అంతర్జాతీయంగా వందల సంస్థలతో సంబంధాలు కలిగిఉండటమే కాకుండా ఇక్కడ చదువుకున్న విద్యార్థులకు క్యాంపస్ ప్లేసెమెంట్స్ కల్పించటంలో దేశంలోనే నెంబర్ 1 ఇనిస్టిట్యూటుగా ప్రసిద్ధికెక్కింది.

వరుసగా 7 ఏళ్ళు అత్యధిక ఉద్యోగాలు కల్పించిన ఇంజనీరింగ్ ఇనిస్టిట్యూటుగా లిమ్కా బుక్ ఆఫ్ రికార్డ్ యందు  ప్రవేశించింది. వెల్లూరు ఇనిస్టిట్యూటుకు దేశవ్యాప్తంగా వెల్లూరు (కర్నాటక), చెన్నై (తమిళనాడు), అమరావతి (ఆంధ్రప్రదేశ్) మరియు భోపాల్ (మధ్యప్రదేశ్) లో  క్యాంపసులు ఉన్నాయి. ఈ నాలుగు క్యాంపస్ల యందు వెల్లూరు ఇనిస్టిట్యూట్ ఆఫ్ టెక్నాలజీ ఇంజనీరింగ్ ఎంట్రన్స్ ఎగ్జామ్ (విట్ఈఈఈ) ద్వారా అడ్మిషన్లు కల్పిస్తారు.

13. ఎస్ఆర్ఎం జేఈఈఈ ఎగ్జామ్

శ్రీ రామస్వామి మెమోరియల్ ఇనిస్టిట్యూట్ ఆఫ్ సైన్స్ అండ్ టెక్నాలజీ నిర్వహించే ఎస్ఆర్ఎం జేఈఈఈ 2023 నోటిఫికేషన్ వెలువడింది. ఇంజనీరింగ్ మరియు ఇతర అండర్ గ్రాడ్యుయేట్ కోర్సుల యందు అడ్మిషన్ కల్పించేందుకు ఈ ప్రవేశ పరీక్షను నిర్వహిస్తారు.

బిట్స్ పిలానీ, వెల్లూరు ఇనిస్టిట్యూట్ తర్వాత తెలుగు విద్యార్థులు అధిక ప్రధాన్యత ఇచ్చే ప్రైవేటు యూనివర్సిటీల జాబితాలో ఎస్ఆర్ఎం యూనివర్సిటీ ఉంటుంది. ఎస్ఆర్ఎం యూనివర్సిటీ అంతర్జాతీయ వసతులతో నాణ్యమైన సాంకేతిక విద్యని అందించటంతో పాటుగా, తమ విద్యార్థులకు ఉన్నత కొలువులు కల్పించడంలో ఇతర యూనివర్సిటీలతో పోటీపడుతోంది.

ఎస్ఆర్ఎం యూనివర్సిటీలో 80 శాతం విద్యార్థులు బయట రాష్ట్రాలు, బయట దేశాల నుండి వచ్చిన వారే ఉన్నారంటే, ఈ యూనివర్సిటీ ఉన్న ప్రాధాన్యతను అర్ధం చేసుకోవచ్చు. ఎస్ఆర్ఎంకు  దేశవ్యాప్తంగా చెన్నై, అమరావతి, హర్యానా మరియు సిక్కిం నగరాల యందు క్యాంపస్లు ఉన్నాయి. అన్ని క్యాంపసులలో కలిపి మొత్తం 7000 సీట్లు అందుబాటులో ఉన్నాయి.

14. మణిపాల్ మెట్ ఎగ్జామ్

మెట్ (MET) పరీక్షను మణిపాల్ యూనివర్సిటీలో ఇంజనీరింగ్ మరియు ఫార్మసీకి సంబంధించిన యూజీ, పీజీ కోర్సులలో అడ్మిషన్లు చేపట్టేందుకు నిర్వహిస్తారు. దేశీయంగా అంతర్జాతీయ వసతులతో ఉన్నత విద్యను అందించే ప్రైవేట్ యూనివర్సిటీలలో మణిపాల్ ముందు వరుసలో ఉంటుంది.

మణిపాల్ యూనివర్సిటీ పరిశోధనాత్మక ఉన్నత విద్యకు పెట్టింది పేరు. ఈ యూనివర్సిటీ అందించే ఇంజనీరింగ్, మెడికల్ మరియు ఫార్మసీ కోర్సులకు విద్యార్థుల నుండి భారీ డిమాండ్ ఉంటుంది. మణిపాల్ ప్రధాన క్యాంపస్ కర్ణాటకలోని ఉడిపిలో ఉండగా, జైపూర్,  సిక్కింలో అనుబంధ క్యాంపసులను కలిగి ఉంది. అలానే ఇండియాలోనే కాకుండా మణిపాల్ మలేషియా, దుబాయిలలో బ్రాంచులను కలిగిఉంది.

15. అమృత ఏఈఈఈ ఎగ్జామ్

ఏఈఈఈ పరీక్షను అమృత విద్యా పీఠంలో బీటెక్ అడ్మిషన్లు కల్పించేందుకు నిర్వహిస్తారు. ఏఈఈఈ అనగా అమృత ఇంజనీరింగ్ ఎంట్రన్స్ ఎగ్జామినేషన్ అని అర్ధం. దేశంలో ఇంజనీరింగ్ విద్యను అందిస్తున్న ప్రైవేట్ యూనివర్సిటీలలో 95 శాతం ప్లేస్మెంట్లతో అమృత విద్యా పీఠం ప్రధమ స్థానంలో ఉంది.

ఐఎన్ఆర్ఎఫ్ ర్యాంకింగులో అమ్రిత 4వ స్థానంలో ఉండగా, దేశంలో ఉన్నత విద్యకు సంబంధించి టైమ్స్ ఇచ్చిన ర్యాంకింగులో దేశంలో ప్రధమ స్థానం దక్కించుకుంది. అమెజాన్, మైక్రోసాఫ్ట్, సిస్కో వంటి 200 పైగా కంపెనీలు అమ్రితలో తరుచు క్యాంపస్ ప్లేస్మెంట్స్ అందించేందుకు ముందుకు వస్తున్నాయ్యంటే వారిచ్చే క్వాలిటీ ఎడ్యుకేషన్ గూర్చి అర్థంచేసుకోవచ్చు.

అమృత విద్యాలయంకు దేశ వ్యాప్తంగా 6 క్యాంపస్‌లు ఉన్నాయి. ప్రధాన క్యాంపస్ అమృతపురి కాకుండా బెంగళూరు, చెన్నై, కోయంబత్తూర్, మైసూరు మరియు కొచ్చిలో అనుబంధ క్యాంపసులు కలిగిఉంది. ఇందులో అమ్రితపురి, బెంగళూరు, చెన్నై మరియు కోయంబత్తూరులో ఇంజనీరింగ్ విద్యను అందిస్తుంది.

16. ఎల్‌పీయూ నెస్ట్ ఎగ్జామ్

లవ్లీ ప్రొఫిషినల్ యూనివర్సిటీ బీటెక్ మరియు ఇతర కోర్సుల అడ్మిషన్లకు సంబంధించి నిర్వహించే ఎల్‌పీయూ నెస్ట్ 2023 నోటిఫికేషన్ వెలువడింది. పరీక్షను ఏప్రిల్ 5 నుండి ఏప్రిల్ 30 మధ్యలో నిర్వహించేందుకు ఏర్పాట్లు చేస్తున్నారు.

ఎల్‌పీయూ నెస్ట్ ద్వారా లవ్లీ ప్రొఫిషినల్ యూనివర్సిటీ యందు బీటెక్ కోర్సులకు అడ్మిషన్లు కల్పించడంతో పాటుగా మెరిట్ విద్యార్థులకు స్కాలర్షిప్స్ అందజేస్తారు. పంజాబ్ కేంద్రంగా 2005 నుండి విద్య సేవలు అందిస్తున్న లవ్లీ ప్రొఫిషినల్ యూనివర్సిటీ దేశంలో అత్యధిక కేటగిర్లలో విభిన్న కోర్సులను అందిస్తున్న ప్రైవేట్ యూనివెర్సిటీగా పేరుగాంచింది.

ఎల్‌పీయూ నెస్ట్ పరీక్షకు ఏటా దాదాపు 50 వేలకు పైగా విద్యార్థులు హాజరవుతున్నారు. ఈ ప్రవేశ పరీక్షలో టాప్ మెరిట్ సాధించిన పేద విద్యార్థులకు ట్యూషన్ ఫీజులో 40% స్కాలర్షిప్ రూపంలో అందజేస్తారు.