ఐఇఎల్‌టిఎస్ ఎగ్జామ్ 2023 | రిజిస్ట్రేషన్, ఎలిజిబిలిటీ, ఎగ్జామ్ నమూనా

ఐఇఎల్‌టిఎస్ ఎగ్జామ్ ప్రయోజనాలు

• ఉన్నత విద్య కోసం విదేశాలు వెళ్లే విద్యార్థులకు
• ఇంగ్లీష్ లాంగ్వేజ్ లెర్నింగ్ ప్రోగ్రాంలలో అడ్మిషన్ కోసం దరఖాస్తు చేసేవారికి
• స్కాలర్‌షిప్ మరియు బాషా క్వాలిఫై సర్టిఫికెట్లు పొందాలనుకునే వారికి
• ఇంగ్లీష్ బాషా నైపుణ్యలను పరీక్షించుకునేవారికి
• విద్య మరియు ఉద్యోగ వీసాల కోసం దరఖాస్తు చేసే అభ్యర్థులకు ఐఇఎల్‌టిఎస్ స్కోరు ఉపయోగపడుతుంది.

ఐఇఎల్‌టిఎస్ అకాడమిక్ మరియు జనరల్ ట్రైనింగ్

1. ఐఇఎల్‌టిఎస్‌ పరీక్ష రెండు రకాలుగా అందుబాటులో ఉంటుంది.
2. ఇంగ్లీష్ దేశాలలో ఉన్నత విద్యకోసం మరియు ఇంగ్లీష్ నైపుణ్యాలను పరీక్షించుకునేందుకు వచ్చే అభ్యర్థుల కోసం ఐఇఎల్‌టిఎస్‌ అకాడమిక్ పరీక్ష నిర్వహించబడుతుది.
3. ఉద్యోగ అవకాశాల కోసం మరియు సెకండరీ ఎడ్యుకేషన్ కోసం, వివిధ టైనింగ్ ప్రోగ్రాంల కోసం మరియు న్యూజిలాండ్, ఆస్ట్రేలియా, యూకే, కెనడా దేశాలకు వలస వచ్చే వారి కోసం ఐఇఎల్‌టిఎస్‌ జనరల్ ట్రైనింగ్ టెస్ట్ నిర్వహించబడుతుంది.

ఐఇఎల్‌టిఎస్ ఎగ్జామ్ రిజిస్ట్రేషన్

ఐఇఎల్‌టిఎస్‌ దరఖాస్తు ప్రక్రియలో మూడు అంచెలు ఉంటాయి. మొదటి అంచెలో మీకు అందుబాటులో ఉండే పరీక్ష కేంద్రాన్ని ఎంపిక చేసుకోవాలి. రెండవ అంచెలో పరీక్షకు దరఖాస్తుచేసుకోవాలి. మూడవ అంచెలో పరీక్ష తేదీని రిజిస్టర్ చేసుకోవటంతో దరఖాస్తు ప్రక్రియ ముగుస్తుంది.

ఐఇఎల్‌టిఎస్‌ పరీక్ష ప్రపంచ వ్యాప్తంగా 140 దేశాలలో 1600 పైగా పైగా పరీక్ష కేంద్రాలలో యేటా 48 సార్లు నిర్వహించబడుతుంది. ఇండియా లో దాదాపు 84 పరీక్ష కేంద్రాలు ఉండగా, తెలుగు రాష్ట్రాలలో హైదరాబాద్, విజయవాడ మరియు వైజాగ్ లలో చెరో రెండు లెక్కన 6 పరీక్ష కేంద్రాలు అందుబాటులో ఉన్నాయి.

ఐఇఎల్‌టిఎస్‌ దరఖాస్తు ప్రక్రియ ఆఫ్‌లైన్‌ మరియు ఆన్‌లైన్‌ అందుబాటులో ఉంటుంది. ఐఇఎల్‌టిఎస్‌ వెబ్‌సైట్ ద్వారా ఆన్‌లైన్‌ దరఖాస్తు చేసుకోవచ్చు లేదా అదే వెబ్‌సైట్ నుండి దరఖాస్తు డౌన్‌లోడ్ చేసుకుని దగ్గరలో ఉన్న లోకల్ ఐఇఎల్‌టిఎస్‌ టెస్ట్ సెంటర్ యందు అందజేయటం ద్వారా దరఖాస్తు ప్రక్రియ పూర్తిచేయొచ్చు. దరఖాస్తు సమయంలో జత చేసిన ప్రాథమిక ఐడెంటి కార్డును పరీక్ష సమయంలో కూడా అందజేయాల్సి ఉంటుంది.

మీ దరఖాస్తు ఆమోదించబడిన తర్వాత మీ పరీక్షకు సంబంధించిన తేదీ మరియు సమయ వివరాలను ఐఇఎల్‌టిఎస్‌ మీకు అందజేస్తుంది. ఐఇఎల్‌టిఎస్‌ స్పీకింగ్ మరియు రైటింగ్ పరీక్షలు దాదాపు ఒకేరోజులో పూర్తిచేసేందుకు ప్రయత్నిస్తారు. రెండు ఒకేరోజులో పూర్తికాకుంటే తర్వాత వచ్చే వారం రోజుల్లో పూర్తిచేసేందుకు ప్రణాళిక చేస్తారు.

ఐఇఎల్‌టిఎస్‌ ఎగ్జామ్ నమూనా

ఐఇఎల్‌టిఎస్‌ అర్హుత పరీక్ష ఆన్‌లైన్‌ మరియు ఆఫ్‌లైన్‌ విధానంలో జరుగుతుంది. దాదాపు 3 గంటల నిడివితో సాగే ఈ అర్హుత పరీక్షలో నాలుగు సెక్షన్లలో, ఇంగ్లీష్ భాష చదవటం, వినటం, మాట్లాడటం మరియు రాయటం వంటి 4 అంశాలలో అభ్యర్థుల యొక్క ప్రావీణ్యతను పరిశీలిస్తారు. ఈ నాలుగు అంశాలలో అభ్యర్థులు చూపిన ప్రతిభ ఆధారంగా తుది స్కోరును  ప్రకటిస్తారు.

ఐఇఎల్‌టిఎస్‌ అకాడమిక్  మరియు ఐఇఎల్‌టిఎస్‌ జనరల్ ట్రైనింగ్ టెస్టులు సంబంధించి వినటం మరియు మాట్లాడే విభాగాల్లో ఒకేరకమైన టెస్ట్ ఫార్మేట్ కలిగిఉంటాయి. రీడింగ్ మరియు రైటింగ్ విభాగాల్లో రెండిటికి వేరువేరు టెస్ట్ ఫార్మేట్ ఉంటుంది. వినటం, చదవటం మరియు రాయటం విభాగాలు ఒకే రోజులో పూర్తిచేయబడతాయి. స్పీకింగ్ సెక్షన్ వారం రోజులులోపు ప్రణాళిక చేయబడుతుంది. దీనికి సంబంధించిన వివరాలు టెస్ట్ సెంటర్ వారు అందిస్తారు.

ఐఇఎల్‌టిఎస్ స్కోరింగ్ విధానం

ఐఇఎల్‌టిఎస్‌ స్కోరింగ్ విధానం సులభతరంగా అందరికి అర్ధమయ్యే రీతిలో ఉంటుంది. ఐఇఎల్‌టిఎస్‌ స్కోరును బ్యాండ్ స్కోరు గా పరిగణిస్తారు. ఈ బ్యాండ్ స్కోరు స్కేల్ 1 (కనిష్టం) నుండి 9 (గరిష్టం) వరకు ఉంటుంది. ఇంగ్లీష్ భాషకు సంబంధించిన నాలుగు అంశాల యందు అత్యుత్తమ ప్రతిభ కనబర్చిన అభ్యర్థులకు 9 బ్యాండ్ స్కోరు ఇవ్వబడుతుంది. ప్రతి సెక్షన్ లో వచ్చిన విడివిడి బ్యాండ్ స్కోరులను సగటు చేసి తుది స్కోరును అందజేస్తారు.

ఆఫ్‌లైన్‌ లో పరీక్షకు హాజరైన అభ్యర్థుల ఫలితాలు పరీక్ష పూర్తయిన 13 రోజుల్లో అందజేస్తారు. ఆన్‌లైన్‌ లో పరీక్షకు హాజరైన అభ్యర్థుల ఫలితాలు పరీక్ష పూర్తయిన 7 రోజుల్లో అందజేస్తారు. మీరు స్కోరును దరఖాస్తు సమయంలో మీరు ఎంపిక చేసుకున్న ఐదు యూనివర్సిటీలకు అడ్మిషన్ సమయంలో అందజేస్తారు. ఐఇఎల్‌టిఎస్‌ స్కోరు పరీక్ష ఉత్తీర్ణతైన రోజు నుండి రెండేళ్లు చెల్లుబాటు అవుతుంది.