శాట్ అనేది యునైటెడ్ స్టేట్స్‌లో కళాశాల ప్రవేశాల కోసం నిర్వహించే ఒకానొక పాపులర్ అడ్మిషన్ టెస్ట్. శాట్ అనగా స్కాలస్టిక్ ఆప్టిట్యూడ్ టెస్ట్ అని అర్ధం. ఈ పరీక్షను అమెరికాకు చెందిన కాలేజ్ బోర్డ్ మరియు ఎడ్యుకేషనల్ టెస్టింగ్ సర్వీస్ (ఈటీఎస్) సంస్థలు నిర్వహిస్తాయి. ఈ పరీక్షలో అర్హుత పొందటం ద్వారా అమెరికా సంయుక్త రాష్ట్రాలలోని యూనివర్శిటీలు మరియు కాలేజీల్లో అండర్ గ్రాడ్యుయేట్ కోర్సుల యందు ప్రవేశం పొందొచ్చు.
| Exam Name | SAT EXAM |
| Exam Type | Admission Test |
| Eligibility For | Under Graduation In US |
| Exam Date | Throughout the year |
| Exam Duration | 3 Hours |
| Exam Level | International Level |
శాట్ ప్రవేశ పరీక్ష ఏడాదిలో 7 సార్లు ప్రపంచ వ్యాప్తంగా నిర్వహించబడుతుంది. ఈ పరీక్షకు సగటున 1.5 మిల్లియన్ల మంది విద్యార్థులు ఏటా హాజరవుతున్నారు. శాట్ ప్రవేశ పరీక్ష ప్రధానంగా జూనియర్, సీనియర్ హైస్కూల్ విద్యార్థులు, తమ పాఠశాలలో నేర్చుకున్న నైపుణ్యాలను అంచనా వేస్తుంది.
శాట్ ఎగ్జామ్ ఎలిజిబిలిటీ & ప్రయోజనాలు
- శాట్ పరీక్షకు నిర్దిష్ట అర్హత ప్రమాణాలు లేవు కాబట్టి ఎవరైనా దీనికి హాజరు కావచ్చు.
- టెన్త్, ఇంటర్ విద్యార్థులు విదేశాల్లో అండర్ గ్రాడ్యుయేషన్ చేసేందుకు ఇది ఉపయోగపడుతుంది.
- కనీస లేదా గరిష్ట వయోపరిమితి ఏదీ లేదు.
- విశ్వవిద్యాలయాలలో విద్యార్థులు మెరిట్ ఆధారిత స్కాలర్‌షిప్‌లను పొందటానికి శాట్ స్కోర్ అవసరం.
శాట్ ఎగ్జామ్ రిజిస్ట్రేషన్ విధానం
శాట్ పరీక్ష కోసం ఆన్లైన్ విధానంలో రిజిస్ట్రేషన్ చేసుకోవాల్సి ఉంటుంది. ఈ రిజిస్ట్రేషన్ పూర్తి అయ్యేందుకు కనీసం 30 నిముషాలు పడుతుంది. రిజిస్ట్రేషన్ ప్రక్రియ మూడు దశలలో ఉంటుంది. మొదట దశలో కాలేజీ బోర్డు పోర్టల్ యందు అకౌంటు క్రియేట్ చేసుకోవాలి. రెండవ దశలో విద్యార్థికి అందుబాటులో ఉండే పరీక్ష కేంద్రాలను ఎంపిక చేసుకోవాలి. మూడవ దశలో సదురు పరీక్ష కేంద్రంలో తమకు అందుబాటులో ఉన్న పరీక్ష తేదీని రిజిస్టర్ చేసుకోవాలి.
రిజిస్ట్రేషన్ సమయంలో విద్యార్థి ఫోటోను అప్‌లోడ్ చేయాల్సి ఉంటుంది. పరీక్ష రోజున, పరీక్షా కేంద్రం సిబ్బంది భద్రతను నిర్ధారించడానికి ఈ ఫోటోను మీ ఫోటో ఐడీ కార్డుతో సరిపోల్చుతారు. అప్‌లోడ్ చేసే ఫోటో స్పష్టంగా ఉండాలి. లేకుంటే దరఖాస్తు తిరస్కరించబడుతుంది.
శాట్ పరీక్ష నమోదు, స్కోర్లు నిర్వహణ, ప్రిపరేషన్ మెలుకువలు, అండర్ గ్రాడ్యుయేట్ స్కూళ్ల వివరాలు వంటి వివిధ సేవలు నిర్వహించేందుకు మీదైనా యూజర్‌నేమ్ మరియు పాస్‌వర్డ్‌ తో కాలేజీ బోర్డు వెబ్‌సైట్ లోని రిజిస్ట్రేషన్ www.account.collegeboard.org/login/signUp పేజీ ద్వారా అకౌంట్ క్రియేట్ చేసుకోవాలి. రెండవ దశలో మీకు అందుబాటులో ఉండే పరీక్ష కేంద్రాలను ఎంపిక చేసుకోవాలి.
ఎంపిక చేసుకున్న పరీక్ష కేంద్రంలో మీకు కావాల్సిన సమయంలో పరీక్ష నిర్వహణ తేదీలను దృష్టిలో పెట్టుకుని పరీక్ష కేంద్రాన్ని ఎంపిక చేసుకోండి. ప్రతి పరీక్ష కేంద్రంలో నెలలో ఒకటి నుండి నాలుగు సార్లు పరీక్ష నిర్వహించబడుతుంది. మూడవ దశలో మీ హాజరయ్యే తేదీని నిర్దారింఛి పరీక్ష నమోదు ప్రక్రియ పూర్తిచేయాలి.
పరీక్ష ఏడాది పొడుగునా జరుగుతుంది కాబట్టి అభ్యర్థులు తమకు అందుబాటులో లేదా తాము సంసిద్ధమయ్యే సమయాల్లో పరీక్ష రాసేందుకు వీలుంటుంది. కాని పరీక్ష అపాయింట్‌మెంట్‌ షెడ్యూల్ ఏర్పాటు చేసుకునేముందు కొన్ని విషయాలు పరిగణలోకి తీసుకోండి. మొదటిది మీరు అడ్మిషన్ పొందే అండర్ గ్రాడ్యుయేట్ స్కూల్ యొక్క ప్రవేశ తేదీలను దృష్టిలో పెట్టుకోండి.
రెండు పరీక్ష కు సంసిద్ధమయ్యేందుకు మీకు కావాల్సిన సమయాన్ని దృష్టిలో పెట్టుకోండి. ఇక చివరిగా పరీక్ష కేంద్రం ఎంపిక, ఆ సమయంలో ఆ ప్రాంతంలో వసతి సౌకర్యాలను దృష్టిలో పెట్టుకుని పరీక్ష షెడ్యూల్ ను ఏర్పాటు చేసుకోండి. పరీక్ష షెడ్యూలును మీరు ఆన్లైన్ కాలేజీ బోర్డు అకౌంట్‌లో, టెలిఫోన్‌లో, పోస్టు మరియు ఫ్యాక్స్ ద్వారా ఏర్పాటు చేసుకోవచ్చు.
