నీట్ యూజీ 2023 : ఎగ్జామ్ తేదీ, ఎలిజిబిలిటీ, రిజిస్ట్రేషన్

నీట్ యూజీ 2023

నీట్ యూజీ 2023 వివరాలు

• నీట్ ఎలిజిబిలిటీ

• నీట్ షెడ్యూల్ 2023

• నీట్ దరఖాస్తు ఫీజు

• నీట్ పరీక్షకు దరఖాస్తు చేయండి

• నీట్ పరీక్ష నమూనా

• నీట్ అడ్మిషన్ విధానం

నీట్ యూజీ 2023 ఎలిజిబిలిటీ

• అడ్మిషన్ సమయానికి  లేదా అడ్మిషన్ పొందే ఏడాది డిసెంబర్ 31వ తేదికి అభ్యర్థుల వయసు 17 ఏళ్ళు నిండి ఉండాలి. SC/ST/OBC/PWD అభ్యర్థులకు 5 ఏళ్ళ సడలింపు ఉంటుంది. ఈ అభ్యర్థుల గరిష్ట వయసు 25 ఏళ్లకు మించకూడదు.
• 50 శాతం మార్కులతో ఫిజిక్స్, కెమిస్ట్రీ, బయాలజీ/బయోటెక్నాలజీ సంబంధిత గ్రూపులతో 10+2/ఇంటర్మీడియట్ ఉత్తీర్ణత అయిఉండాలి. SC/ST/OBC/PWD అభ్యర్థులకు 40 శాతం మార్కులు తప్పనిసరి.
• విదేశాల్లో ఎంబీబీస్ పూర్తిచేసి ఇండియాలో ఉద్యోగం చేసేందుకు సిద్ధమయ్యే భారతీయ విద్యార్థులు, విదేశీ విద్యార్థులు కూడా నీట్ క్వాలిఫై అవ్వటం తప్పనిసరి.
• జనరల్ కేటగిరి విద్యార్థులు వరుసగా 9 ఏళ్ళు హాజరయ్యే అవకాశం ఉంది. రిజర్వేషన్ ఉన్న అభ్యర్థులు గరిష్టంగా 15 ఏళ్లు హాజరవ్వొచ్చు.

నీట్ యూజీ 2023 ముఖ్యమైన తేదీలు

నీట్ యూజీ 2023 దరఖాస్తు ఫీజు

నీట్ దరఖాస్తు రుసుములు డెబిట్ కార్డు, క్రెడిట్ కార్డు, నెట్ బ్యాంకింగ్ లేదా ఈ చలానా విధానంలో చెల్లించవచ్చు. చెల్లింపు సమయంలో సర్వీస్ చార్జీలు , జీఎస్టీ వంటి అదనపు చార్జీలు ఉంటె అభ్యర్థులనే భరించాలి.

• జనరల్ కేటగిరి అభ్యర్థులు : 1700/-
• ఓబీసీ కేటగిరి విద్యార్థులు : 1600/-
• ఎస్సీ,ఎస్టీ,వికలాంగులు మరియు ట్రాన్స్ జండర్లు : 1000/-
• విదేశీయలకు - 9500/-

నీట్ యూజీ 2023 రిజిస్ట్రేషన్

నీట్ దరఖాస్తు ప్రక్రియ ఆన్‌లైన్‌ విధానంలో జరుగుతుంది. నీట్ చెందిన అధికారిక వెబ్‌సైట్ ద్వారా దరఖాస్తు చేసుకోవాలి. దరఖాస్తు మొదటి దశలో అభ్యర్థి వ్యక్తిగత, విద్యా, చిరునామా వివరాలు పొందుపర్చాల్సి ఉంటుంది. రెండవ దశలో పరీక్ష వివరాలు, ఎగ్జామ్ సెంటర్, మీడియం వంటి వివరాలు నింపాల్సి ఉంటుంది. చివరిగా ఎగ్జామ్ ఫీజు చెల్లించడం ద్వారా రిజిస్ట్రేషన్ ప్రక్రియ పూర్తివుతుంది.

ఆధార్ నెంబర్, పుట్టిన తేదీలు, రిజర్వేషన్ కేటగిరి, భాష ఎంపిక, పరీక్ష కేంద్రం వంటి వివరాలు దరఖాస్తు పూర్తిచేసేముందు పునఃపరిశీలించుకోండి. దరఖాస్తు పూర్తిచేసాక మూడు లేదా నాలుగు కాపీలు ప్రింట్ తీసి భద్రపర్చండి.

• వైట్ బ్యాక్ గ్రౌండ్ తో ఈమధ్య కాలంలో తీసుకున్న పాసుపోర్టు సైజు ఫోటో అందుబాటులో ఉంచుకోండి. కంప్యూటర్ లో డిజైన్ లేదా ఎడిట్ చేసిన ఫోటోలు అనుమతించబడవు.
• మీ సొంత దస్తూరితో చేసిన సంతకాన్ని అప్‌లోడ్ చేయండి. కాపిటల్ లేటర్స్ తో చేసిన సంతకం చెల్లదు.
• ఫొటోగ్రాఫ్, సంతకం వాటికీ సంబంధించిన బాక్సుల్లో  మాత్రమే అప్‌లోడ్ చేయండి. అవి తారుమారు ఐతే దరఖాస్తు పరిగణలోకి తీసుకోరు. ఈ ఫైళ్ల సైజు 10-200 కేబీల మధ్య ఉండేలా  చూసుకోండి.
• దరఖాస్తు సమయంలో అప్‌లోడ్ చేసిన ఫొటోగ్రాఫ్ కు సమానమైనది ఇంకో ఫొటోగ్రాఫ్ ను పరీక్ష రోజు ఆయా పరీక్షకేంద్రంలో  ఇవ్వాల్సి ఉంటుంది.
• అడ్మిట్ కార్డు అందుబాటులో ఉండే తేదిలో పిడిఎఫ్ ఫార్మాట్ లో డౌన్‌లోడ్ చేసుకోండి.
• పరీక్ష రోజు అరగంట ముందే పరీక్ష కేంద్రానికి చేరుకోవాల్సి ఉంటుంది.
• అడ్మిట్ కార్డు, ఫొటోగ్రాఫ్ తో పాటు వ్యక్తిగత ఐడెంటి కార్డుతో పరీక్షకు హాజరవ్వాలి.
• నిషేదిత వస్తువులు పరీక్ష కేంద్రంలోకి ఎట్టి పరిస్థితిల్లో అనుమతించబడవు.

నీట్ యూజీ ఎగ్జామ్ సెంటర్లు

నీట్ యూజీ ఎగ్జామ్ నమూనా

నీట్ ప్రవేశ పరీక్ష పూర్తి ఆఫ్‌లైన్‌ (పెన్ & పేపర్) విధానంలో నిర్వహించబడుతుంది. మూడు గంటల 20 నిముషాల నిడివితో జరిగే ఈ పరీక్షలో ప్రతి సబ్జెక్టు నుండి గరిష్టంగా 45 ప్రశ్నలు చెప్పున మొత్తం 180 ఆబ్జెక్టివ్ టైపు ప్రశ్నలకు సమాధానం ఇవ్వాల్సి ఉంటుంది. ప్రశ్నలు ఫిజిక్స్, కెమిస్ట్రీ, బోటనీ మరియు జూవాలాజీ సబ్జెక్టులకు సంబంధించి ఉంటాయి.

ఒకో సబ్జెక్టు నుండి రెండు సెక్షన్ వారీగా 50 ప్రశ్నలు ఇవ్వబడతాయి. సెక్షన్ A యందు 35 ప్రశ్నలు, సెక్షన్ B యందు 15 ఆబ్జెక్టివ్ ప్రశ్నలు ఇవ్వబడతాయి. సెక్షన్ B లోని 15 ప్రశ్నలలో 10 ప్రశ్నలకు మాత్రమే సమాధానం చేయాల్సి ఉంటుంది. దీనికి సంబంధించి అభ్యర్థి సమాధానం చేసిన మొదటి 10 ప్రశ్నలను మాత్రమే లెక్కింపు సమయంలో పరిగణలోకి తీసుకుంటారు.

ప్రతి ప్రశ్న మల్టిఫుల్ ఛాయస్ పద్దతిలో నాలుగు ఆప్షనల్ సమాధానాలు కలిగి ఉంటుంది. అందులో ఒక సరైన సమాధానాన్ని గుర్తించవలసి ఉంటుంది. సరైన సమాధానం చేసిన ప్రతి ప్రశ్నకు 4 మార్కులు. తప్పు సమాధానం ఇచ్చిన ప్రశ్నకు మైనస్ 1 మార్కు ఇవ్వబడుతుంది.

మొత్తం 720 మార్కులకు జరిగే ఈ పరీక్షలో 10+2/ఇంటర్మీడియట్ స్థాయిలో ఫిజిక్స్, కెమిస్ట్రీ, బయాలజీ (బోటనీ & జూవాలాజీ) లకు సంబంధించిన సిలబస్ నుండి ప్రశ్నలు ఇవ్వబడతాయి. ప్రశ్న పత్రాలు దాదాపు అన్ని ప్రాంతీయ భాషల్లో అందుబాటులో ఉంటుంది.

నీట్ యూజీ అడ్మిషన్ విధానం

నీట్ అడ్మిషన్ ప్రక్రియ ప్రవేశ పరీక్షలో అభ్యర్థులు సాధించిన స్కోర్ ఆధారంగా జరుగుతుంది. అభ్యర్థులు సాధించిన స్కోర్ ఆధారంగా మెరిట్ జాబితా తయారుచేసి ఆల్ ఇండియా వారీగా ర్యాంకులు విడుదల చేస్తారు. అడ్మిషన్ సమయంలో కేటగిరి వారి రిజర్వేషన్ వాటా ప్రకారం సీట్లు భర్తీచేస్తారు. 15% ఆల్ ఇండియా కోటా కింద గవర్నమెంట్ మెడికల్ కాలేజీల్లో సీట్ల శాతం కింది విదంగా ఉంటుంది.

• ఎస్సీ లకు 15 శాతం సీట్లు
• ఎస్టీ లకు 7.5 శాతం సీట్లు
• ఓబీసీ లకు 27 శాతం సీట్లు
• వికలాంగుల కోటాలో 5 శాతం సీట్లు

సెంట్రల్ యూనివర్సిటీలు, డ్రీమ్డ్ యూనివర్సిటీలు, ప్రైవేట్ ఇనిస్టిట్యూట్లు లలో ఆల్ ఇండియా మెడికల్ కౌన్సిల్ నియమాల అనుసారం కేటగిర్ల వారీగా, ఇనిస్టిట్యూట్ల వారీగా, ప్రాంతీయత ఆదరంగా సీట్లు భర్తీచేస్తారు.