GAT-B & BET 2023 : నోటిఫికేషన్, ఎలిజిబిలిటీ, పరీక్ష తేదీ

బీఈటీ - బయోటెక్నాలజీ ఎలిజిబిలిటీ టెస్ట్

బీఈటీ (BET) ప్రవేశ పరీక్షను డిపార్ట్‌మెంట్‌ ఆఫ్ బయోటెక్నాలజీ - జూనియర్ రీసెర్చ్ ఫెలోషిప్ ( DBT JRF ) ప్రోగ్రాం అందించేందుకు నిర్వహిస్తారు. బెట్ అనగా బయోటెక్నాలజీ ఎలిజిబిలిటీ టెస్ట్ అని అర్ధం.

బీఈటీ అందించే జేఆర్ఎఫ్ ప్రోగ్రాంను కేంద్రప్రభుత్వానికి చెందిన మినిస్ట్రీ ఆఫ్ సైన్స్ & టెక్నాలజీ సహాయంతో డిపార్ట్‌మెంట్‌ ఆఫ్ బయోటెక్నాలజీ అందిస్తుంది. బయోటెక్నాలజీ పరిశోధన రంగంలో భారతీయ యువతను భాగస్వామ్యం చేసే ఉద్దేశ్యంతో, ఈ జాతీయ అర్హుత పరీక్షను 2004 నుండి ఏటా ఒకసారి నిర్వహిస్తున్నారు. ఇందులో అర్హుత పొందిన వారు సంబంధిత ఇనిస్టిట్యూట్లలో పీహెచ్డీ ప్రోగ్రాంకు రిజిస్టర్ చేసుకునే అవకాశం లభిస్తుంది.

బీఈటీ పరీక్షలో మెరిట్ సాధించిన అభ్యర్థులను రెండు కేటగిర్లుగా షార్ట్ లిస్ట్ చేస్తారు. కేటగిరి - I జాబితాలో ఉన్న అభ్యర్థులకు దేశవ్యాప్తంగా గుర్తింపు పొందిన యూనివర్సిటీ లేదా ఇనిస్టిట్యూట్ల యందు జేఆర్ఎఫ్ చేసే అవకాశంతో పాటుగా పీహెచ్డీ రిజిస్టర్ చేసుకునే ఛాన్స్ కల్పిస్తారు.

కేటగిరి - II మెరిట్ అభ్యర్థులకు నెట్/గేట్ మాదిరిగా డీబీటీ స్పాన్సర్ చేసే రీసెర్చ్ ప్రోగ్రామ్స్ యందు జూనియర్ రీసెర్చ్ ఫెలోషిప్స్ అవకాశం కల్పిస్తారు. అలానే పీహెచ్డీ ప్రోగ్రాంకు రిజిస్టర్ చేసుకునే అవకాశం కూడా ఉంటుంది.

గ్యాట్-బి & బీఈటీ ఎలిజిబిలిటీ

• దరఖాస్తుదారుడు భారత పౌరుడు అయి ఉండాలి.
• అభ్యర్థి వయస్సు గరిష్టంగా 28 ఏళ్ళు మించకూడదు.
• సంబంధిత గ్రూపులతో 60% మార్కులతో ఉత్తీర్ణత తప్పనిసరి.

గ్యాట్-బి & బీఈటీ 2023 ఎగ్జామ్ షెడ్యూల్

గ్యాట్-బి & బీఈటీ దరఖాస్తు ఫీజు

గ్యాట్-బి & బీఈటీ దరఖాస్తు రుసుములు డెబిట్ కార్డు, క్రెడిట్ కార్డు, నెట్ బ్యాంకింగ్ లేదా ఈ చలానా విధానంలో చెల్లించవచ్చు. చెల్లింపు సమయంలో సర్వీస్ చార్జీలు , జీఎస్టీ వంటి అదనపు చార్జీలు ఉంటె అభ్యర్థులనే భరించాలి.

గ్యాట్-బి & బీఈటీ ఎగ్జామ్ సెంటర్లు

గ్యాట్-బి & బీఈటీ దదరఖాస్తు సమయంలో అభ్యర్థులు కనీసం నాలుగు ఆప్షనల్ పరీక్ష కేంద్రాలను ఎంపిక చేసుకోవాల్సి ఉంటుంది. ఒకసారి దరఖాస్తు సమర్పించాక పరీక్ష కేంద్రాన్ని మార్చుకునే అవకాశం ఉండదు.

గ్యాట్-బి & బీఈటీ దరఖాస్తు ప్రక్రియ

గ్యాట్-బి & బీఈటీ దరఖాస్తు ప్రక్రియ ఆన్‌లైన్‌ విధానంలో జరుగుతుంది. గ్యాట్-బి & బీఈటీ యొక్క అధికారిక వెబ్‌సైట్ ద్వారా ఇమెయిల్ మరియు మొబైల్ నెంబర్ ఆధారంతో దరఖాస్తు చేసుకోవాలి. దరఖాస్తు మొదటి దశలో విద్యార్థి వ్యక్తిగత, విద్యా, చిరునామా వివరాలు పొందు పర్చాల్సి ఉంటుంది. రెండవ దశలో పరీక్షకు సంబందించి పేపర్ మరియు ఎగ్జామ్ కేంద్రం వంటి వివరాలు నమోదు చేసుకోవాల్సి ఉంటుంది.

చివరిగా సంబంధిత ధ్రువపత్రాలు అప్లోడ్ చేసి, పరీక్ష ఫీజును చెల్లించడం ద్వారా దరఖాస్తు ప్రక్రియ పూర్తివుతుంది. దరఖాస్తు చేసే ముందు సంబంధిత సర్టిఫికేట్లు అన్ని అందుబాటులో ఉంచుకోవాలి. దరఖాస్తు సమయంలో అందించే సమాచారంకు పూర్తి జవాబుదారీ మీరే కాబట్టి ఇచ్చే సమాచారంలో తప్పులు దొర్లకుండా చూసుకోండి.

దరఖాస్తులో సమర్పించే ఫోన్ నెంబర్, మెయిల్ ఐడీ, ఆధార్ నెంబర్, పుట్టిన తేదీలు, రిజర్వేషన్ కేటగిరి, భాష ఎంపిక, పరీక్ష కేంద్రం వంటి వివరాలు దరఖాస్తు పూర్తిచేసేముందు పునఃపరిశీలించుకోండి. దరఖాస్తు పూర్తిచేసాక మూడు లేదా నాలుగు కాపీలు ప్రింట్ తీసి భద్రపర్చండి.

• వైట్ బ్యాక్ గ్రౌండ్ తో ఈమధ్య కాలంలో తీసుకున్న పాసుపోర్టు సైజు ఫోటో అందుబాటులో ఉంచుకోండి. కంప్యూటర్ లో డిజైన్ లేదా ఎడిట్ చేసిన ఫోటోలు అనుమతించబడవు.
• మీ సొంత దస్తూరితో చేసిన సంతకాన్ని అప్‌లోడ్ చేయండి. కాపిటల్ లేటర్స్ తో చేసిన సంతకం చెల్లదు.
• ఫొటోగ్రాఫ్, సంతకం వాటికీ సంబంధించిన బాక్సుల్లో  మాత్రమే అప్‌లోడ్ చేయండి. అవి తారుమారు ఐతే దరఖాస్తు పరిగణలోకి తీసుకోరు. ఈ ఫైళ్ల సైజు 10-200 కేబీల మధ్య ఉండేలా  చూసుకోండి.
• దరఖాస్తు సమయంలో అప్‌లోడ్ చేసిన ఫొటోగ్రాఫ్ కు సమానమైనది ఇంకో ఫొటోగ్రాఫ్ ను పరీక్ష రోజు ఆయా పరీక్షకేంద్రంలో  ఇవ్వాల్సి ఉంటుంది.
• అడ్మిట్ కార్డు అందుబాటులో ఉండే తేదిలో పిడిఎఫ్ ఫార్మాట్ లో డౌన్‌లోడ్ చేసుకోండి.
• పరీక్ష రోజు అరగంట ముందే పరీక్ష కేంద్రానికి చేరుకోవాల్సి ఉంటుంది.
• అడ్మిట్ కార్డు, ఫొటోగ్రాఫ్ తో పాటు వ్యక్తిగత ఐడెంటి కార్డుతో పరీక్షకు హాజరవ్వాలి.
• నిషేదిత వస్తువులు పరీక్ష కేంద్రంలోకి ఎట్టి పరిస్థితిల్లో అనుమతించబడవు.