టెన్త్ క్లాస్ తర్వాత కోర్సులు మరియు ఉద్యోగ అవకాశాల వివరాలు ఈ ఆర్టికల్ ద్వారా తెలుసుకుందాం. పాఠశాల విద్యకు టాటా చెప్పి, రంగురంగుల కాలేజీ జీవితానికి హాయ్ చెప్పే ఈ సమయంలో తల్లిందండ్రులు మరియు విద్యార్థుల మదిలో మెదిలే మొదటి ఆలోచన తర్వాత ఏంటి ?.
ఈ ఆలోచన ప్రవాహం ఈ ఒక్క ప్రశ్నతో ఆగేది కాదు. ఇంకో డజన్ ప్రశ్నలను క్యూలో పెడుతుంది. 10వ తరగతి తర్వాత ఏ కోర్సులో తీసుకొవాలి, ఏ కాలేజీలో చేరాలి, ఏ స్ట్రీమ్‌కు భ్యవిష్యత్తులో డిమాండ్ ఉంటుంది, ఏ గ్రూపులో చేరితే జీవితంలో త్వరగా స్థిరపడొచ్చు.. అసలూ ఉన్నత విద్యలో చేరాలా, లేక ఉద్యోగ ప్రయత్నం మొదలుపెట్టాలా ? ఇలా ఈ ప్రశ్నల ప్రవాహానికి అడ్డూఅదుపు ఉండదు.
ఇవి సరిపోవన్నట్లు పక్కంటి వారి సలహాలు, దారినపోయే దానయ్య సలహాలు, బంధువుల సలహాలతో బుర్ర మరికొంచెం వేడెక్కి మిమ్మల్ని మరింత గందగోళం చేస్తాయి. మొదట ఈ గందగోళం పక్కనపెట్టి, మీకు సరిపడ కెరీర్ మార్గాన్ని ఎలా ఎంపిక చేసుకోవాలో, ఈ సమయంలో తల్లిదండ్రులు పిల్లల్ని ఎలా మార్గనిర్దేశం చెయ్యాలో పూర్తి వివరాలు ఇందులో తెల్సుకుందాం.
10వ తరగతి తర్వాత కెరీర్ ప్రణాళిక
10వ తరగతి తర్వాత విద్యార్థికి ప్రధానంగా రెండు కెరీర్ దారులున్నాయి. మొదటిది ఆసక్తి ఉన్న కోర్సును ఎంపిక చేసుకుని, ఉన్నత చదువులు చదివి, ఉన్నత ఉద్యోగంలో లేదా వ్యాపారంలో స్థిరపడటం. ఇక రెండవది ఉద్యోగ ప్రయత్నం.
కుటుంబ ఆర్ధిక పరిస్థితుల దృష్ట్యా అందరికీ ఉన్నత చదువులు చదివే అవకాశం ఉండకపోవచ్చు. ఇలాంటి వారికి 10వ తరగతి తర్వాత ఉద్యోగం అనివార్యం కావొచ్చు. వీరు ఆర్థిక పరిస్థితుల దృష్ట్యా ఉద్యోగంలో చేరాల్సి ఉంటుంది. ఇలాంటి వారు నెలల్లో పూర్తిఅయ్యే స్వయం ఉపాది కోర్సులు నేర్చుకుని అటువైపుగా కెరీర్ నిర్మించుకోవచ్చు.
ఇలాంటి విద్యార్థులు కుటుంబానికి భారంకాకుండా ఓపెన్ స్కూలింగ్, డిస్టెన్స్ ఎడ్యుకేషన్ ద్వారా ఉన్నత విద్యా అవకాశాలను అందిపుచ్చుకోవచ్చు. అంతే కాకుండా 10వ తరగతి తర్వాత గౌరవపరమైన కేంద్రప్రభుత్వ ఉద్యోగాలలో చేరే అవకాశం ఉంటుంది. 10వ తరగతి తర్వాత ఉన్నత చదువుల్లో చేరాలనుకునే ఆసక్తి, అభిరుచిని అనుచరించి ప్రధానంగా ఐదు కెరీర్ ఆప్షన్స్ ఉంటాయి
- ఇంటర్మీడియట్
- పాలిటెక్నిక్
- ఐటీఐ
- పారామెడికల్
- ఒకేషనల్ కోర్సులు
10th తర్వాత ఉత్తమ కోర్సులు
