ఈ తరం యువతకు ఇంటర్నెట్ మాద్యం అనేక మార్గాలలో ఉపాధిని కల్పిస్తుంది. అందులో బ్లాగింగ్ ఒకటిగా చెప్పొచ్చు. నిజానికి బ్లాగింగ్ సంబంధించి చాలా మందికి అవగాహన ఉండదు. బ్లాగింగ్ అనేది ఒక కెరీర్ ఛాయస్ అనే సంగతి కూడా వారికీ తెలియదు.
వాస్తవానికి ఈ రంగంలో లక్షల మంది ఉపాధి పొందుతున్నారు. నెలకు లక్షలలో సంపాదించే వారు కూడా ఉన్నారు. ఇంతకీ బ్లాగింగ్ అంటే ఏమిటి, దాని ద్వారా ఎలా ఉపాధి పొందాలి వంటి అనేక వివరాలు ఈ పోస్టు ద్వారా తెలుసుకుందాం.
బ్లాగ్ & బ్లాగింగ్ అంటే ఏమిటి ?
బ్లాగ్ అంటే ఇంటర్నెట్ పరిభాషలో వెబ్‌సైట్ అని అర్ధం. ఆ వెబ్‌సైట్ ద్వారా అక్షర, వీడియో, ఆడియో లేదా ఫోటోల రూపంలో కంటెంట్ పబ్లిష్ చేయడాన్ని బ్లాగింగ్ అంటారు, కంటెంట్ పబ్లిష్ చేసే వారిని బ్లాగర్ అంటారు.
ఇంటర్నెట్ తొలిరోజుల్లో బ్లాగులను వ్యక్తిగత అభిరుచులను బయట ప్రపంచానికి పంచుకునేందుకు ఉపయోగించే వారు. ప్రస్తుతం వీటిని స్వయం ఉపాధి మార్గాలుగా మలుచుకుంటున్నారు. అలా బ్లాగింగును కెరీరుగా ఎంపిక చేసుకున్న తొలితరం బ్లాగర్లు అందరు ప్రస్తుతం లక్షల్లో సంపాదిస్తున్నారు.
మీకు ఆసక్తి ఉంటె బ్లాగింగులో రాణించడం చాలా సులభం. మీరు ఒక ట్రావెలర్ అయితే మీరు ప్రయాణించిన యాత్ర స్థలాల విశేషాలు, ప్రయాణ అనుభవాలు, అక్కడ వసతి సదుపాయాలు వంటి అంశాలతో బ్లాగ్ ప్రారంభించవచ్చు.
మీరు ఒక ఫ్రీలన్సర్ జర్నలిస్టు అయితే మీ విశ్లేశణలు, సేకరించిన వార్తలను పబ్లిష్ చేసేందుకు బ్లాగును ప్రారంభించవచ్చు. అలానే ఫుడ్, ఫాషన్, ఎడ్యుకేషన్, హెల్త్ మరియు వినోదం వంటి అనేక అంశాలకు సంబంధించిన సమాచారం అందించేందుకు బ్లాగింగు మొదలుపెట్టొచ్చు.
బ్లాగింగ్ కెరీర్ ఎవరికి సరిపోతుంది ?
బ్లాగింగ్ అనేది ఒక కళ. అందులో విజయం సాధించాలంటే మీకు ఏదో ఒక కళ యందు ఆసక్తి, అభిరుచి, నైపుణ్యం కలిగి ఉండాలి. అలానే బ్లాగింగ్ అనేది కంటెంట్ ఆధారితమైనది. మీ ఆలోచనలను, భావాలను అక్షర రూపంలో అందించాల్సి ఉంటుంది. దీని కోసం కంటెంట్ రైటింగ్ యందు నైపుణ్యం పొందాల్సి ఉంటుంది. వీటితో పాటు ఈ రంగంలో రాణించాలంటే చేసే పని యందు విషయ పరిజ్ఞానం, క్రమశిక్షణ, పట్టుదల, ఓపిక, కొత్త సంగతులు తెలుకోవాలనే ఆసక్తి తప్పనిసరి.
- రోజువారీ ఉద్యోగ జీవితం నప్పని వారికీ బ్లాగింగు సరైన ప్రత్యామ్నాయం·
- వ్యవస్థాపక ఆలోచనలు ఉన్నవారికి బ్లాగింగ్ కెరీర్ చక్కగా సరిపోతుంది.
- ఫ్యాషన్, ట్రావెలింగ్, ఫుడ్ వంటి అంశాల యందు ఆసక్తి ఉన్నవారికి బ్లాగింగ్ మంచి కెరీర్ మార్గం.
- వృత్తి నిపుణులకు బ్లాగింగు చక్కని ఉపాధి మార్గాన్ని అందిస్తుంది.
- జర్నలిస్టులు, జర్నలిజం పై ఆసక్తి ఉన్నవారు బ్లాగింగును కెరీరుగా ఎంపిక చేసుకోవచ్చు.
- ఆర్టిస్టులు, డాన్సర్లు, మ్యూజిషిన్లు వంటి వారికీ బ్లాగింగ్ స్వయం ఉపాధిని అందిస్తుంది.
బ్లాగింగ్ ఒక సంక్లిష్టమైన కెరీర్ మార్గం. ఇందులో వంద శాతం సక్సెస్ రేటు ఉంటుంది. కొన్ని సంధర్భాలలో ఒక శాతం సక్సెస్ రేటు కూడా ఉండదు. దీనికి ప్రధానమైన కారణం దాని యందు సరైన అధ్యయనం, అవగహన లేకుండా ప్రవేశించడం ఒకటైతే, ఎంపిక చేసుకున్న రంగంలో విషయ నైపుణ్యం లేకపోవడం రెండవది. ఈ రెండూ ఉండి, ఓపికతో కృషి చేసేవాడు ఈ రంగంలో ఫెయిల్ అయినా దాఖలాలు లేవు.
బ్లాగ్ / వెబ్‌సైట్ ఎలా ప్రారంభించాలి
ఇవాళ్టి రోజుల్లో బ్లాగ్ లేదా వెబ్‌సైటును ప్రారంభించడం చాలా సులభమైన పని. కేవలం కొన్ని నిముషాలలో ఈ ప్రక్రియను పూర్తి చేయొచ్చు. మీకు ఏవిధమైన కోడింగ్ పరిజ్ఞానం లేకుండా కంటెంట్ మానేజ్మెంట్ సిస్టమ్ (CMS) సాఫ్ట్‌వేర్ల ద్వారా చిటికిలో మీ సైటును లాంచ్ చేయొచ్చు. వెబ్‌సైటును ప్రారంభించే ముందు కొన్ని విషయాలపై మీకు క్లారిటీ ఉండాలి.
మీరు కేవలం వ్యక్తిగత అభిరుచితో, మీ అభిప్రాయాలను వ్యక్తపర్చేందుకు మాత్రమే బ్లాగింగ్ ప్రారంభిస్తే, దానికోసం బ్లాగర్, వర్డ్‌ప్రెస్, విక్స్, లింక్డ్‌ఇన్, ఘోస్ట్, టంబ్లర్, వీబ్లీ వంటి ఉచిత బ్లాగింగ్ వేదికలు మీకు అందుబాటులో ఉన్నాయి. ఈ వేదికల ద్వారా మీరు ఫ్రీగా మీ వెబ్‌సైటును ప్రారంభించవచ్చు.
అలా కాకుండా ప్రొఫిషినల్ లేదా కమర్షియల్ బ్లాగును ప్రారంభించి, దాని ద్వారా స్వయం ఉపాధిని పొందాలని భావిస్తే దాని కోసం మీరు కొంత ఆర్థిక వనరులను వెచ్చించాల్సి ఉంటుంది. ఒక వెబ్‌సైటును ప్రారంభించేందుకు మీకు ముందుగా డొమైన్ మరియు వెబ్ హోస్టింగ్ ప్లాన్ అవసరమౌతాయి. వీటిని మీరు వెబ్ హోస్టింగ్ సేవలు అందించే సంస్థల నుండి నిర్దిష్ట రుసుములు చెల్లించి, నిర్దిష్ట కాలపరిమితితో రిజస్టర్ చేసుకోవాల్సి ఉంటుంది.
డొమైన్ అంటే ఏమిటి & డొమైన్ నేమ్ రిజిస్టర్ చేసుకోవడం ఎలా ?
డొమైన్ అనేది మీ వెబ్‌సైట్ పేరుకు సంబంధించిన అంశం. ఇది అంతర్జాలంలో మీ సైటును గుర్తుపట్టేందుకు సహాయపడుతుంది. డొమైన్ ఫార్మాట్ http://www.example.com మాదిరిగా ఉంటుంది. ఇందులో http అనగా హైపర్ టెక్స్ట్ ట్రాన్సఫర్ ఫొటోకాల్ అని అర్ధం దీనిని సాధారణంగా ఇంటర్నెట్ ఫొటోకాల్ అంటారు.
www అనగా వరల్డ్ వైడ్ వెబ్ అని అర్ధం. దీనిని సాధారణంగా సబ్ డొమైన్ అని పిలుస్తారు. అలానే చివరిన ఉన్న .com ను డొమైన్ ఎక్సటెన్షన్ అంటారు.
డొమైన్ ఎక్సటెన్షన్లు .com (టాప్ లెవెల్ డొమైన్), .net (నెటవర్క్), .org (ఆర్గనైజషన్), .govt (గవర్నమెంట్), .in (ఇండియా), .us (యునైటెడ్ సెట్స్), uk (ఇంగ్లాండ్) ఇలా సుమారు 500 సంఖ్యలో ఇవి అందుబాటులో ఉంటాయి. ఇందులో .com అనేది పాపులర్ డొమైన్ ఎక్సటెన్షనుగా పరిగణించబడుతుంది.
www మరియు డొమైన్ ఎక్సటెన్షన్ మధ్య ఉండే భాగాన్ని డొమైన్ పేరు లేదా వెబ్సైటు పేరు అని అంటారు. ఈ మొత్తం ఫార్మేటును కలిపి యూనిఫార్మ్ రిసోర్స్ లొకేటర్ (యుఆర్ఎల్) లేదా వెబ్ అడ్రెస్స్ అని అంటారు.
డొమైన్ రిజిస్ట్రేషన్ అనేది వెబ్ హోస్టింగ్ సేవలు అందించే సంస్థల దగ్గరే అందుబాటులో ఉంటుంది. వీటిని పరిమిత రుసుము చెల్లించి కనీసం ఏడాది లేదా అంతకు మించి కాలపరిమితితో రిజస్టర్ చేసుకోవాల్సి ఉంటుంది.
డొమైన్ అనేది మీ సంస్థ లేదా వ్యాపారం యొక్క పర్మినేట్ అడ్రెసును తెలియపరుస్తుంది. దాన్ని రిజస్టర్ చేసుకునే ముందు ఖచ్చితమైన పేరును ఎంపిక చేసుకోవాల్సి ఉంటుంది. అలానే సదురు పేరుతో ముందుగా .com ఎక్సటెన్షన్ అందుబాటులో ఉందొ లేదో చూసుకోవాలి. లేకుంటే పేరు మార్చుకోవడంలో లేదా .in వంటి డొమైన్లను ఎంపిక చేసుకోవాలి.
