ఆంధ్ర యూనివర్సిటీ, దూరవిద్య ద్వారా బీఏ, బీకామ్, బీఎస్సీ బ్యాచిలర్ డిగ్రీలను ఆఫర్ చేస్తుంది. మూడేళ్ళ నిడివితో అందిస్తున్న ఈ కోర్సులకు మొదటి ఏడాది ప్రవేశాలతో పాటుగా, లాటరల్ ఎంట్రీ ద్వారా మధ్యలో ఆపేసిన బ్యాచిలర్ డిగ్రీలను పూర్తి చేసేందుకు రెండు మరియు మూడవ ఏడాదిలలో కూడా ప్రవేశం కల్పిస్తుంది. దీనికి సంబంధించి అడ్మిషన్ ప్రక్రియ ఏటా జనవరి మరియు ఫిబ్రవరి నెలలలో నిర్వహిస్తుంది.
ఏయూ దూరవిద్య బీఏ కోర్సుల సమాచారం
దూరవిద్య ద్వారా వివిధ ఆర్ట్స్ సబ్జెక్టుల కాంబినేషన్స్ సంబంధించి దాదాపు 13 రకాల బీఏ డిగ్రీలను ఏయూ ఆఫర్ చేస్తుంది. ఈ కోర్సులు మూడేళ్ల నిడివితో అందిస్తుంది. అలానే జనరల్ డిగ్రీలను మధ్యలో నిలిపేసిన అభ్యర్థులకు కరస్పాండెన్స్ విధానం ద్వారా ఆ డిగ్రీలను పూర్తిచేసే అవకాశం కల్పిస్తుంది. కోర్సులు తెలుగు మరియు ఇంగ్లీష్ భాషల్లో అందుబాటులో ఉంటాయి.
బీఏ దూరవిద్య డిగ్రీలో జనరల్ డిగ్రీల మాదిరి గానే పార్ట్ 1 లో లాంగ్వేజ్ పేపర్లు, పార్ట్ 2 యందు 3 ప్రధాన సబ్జెక్టులు ఉంటాయి. వీటికి అదనంగా కొన్ని ఫౌండేషన్ పేపర్లు జోడించబడతాయి. వీటికి సంబంధించిన పబ్లిక్ పరీక్షలను ఏడాది చివరిలో ఒక్కో పేపర్ 3 గంటల నిడివితో 100 మార్కులకు నిర్వహిస్తారు. ఇందులో కనీసం 35 మార్కులు సాధించిన వారిని ఉత్తీర్ణతలగా పరిగణిస్తారు.
ఏయూ దూరవిద్య బీఏ చేసేందుకు అర్హతలు
- ఇంటర్ (10+2) పూర్తిచేసి ఉండాలి.
- ఓపెన్ స్కూల్ ద్వారా ఇంటర్ పూర్తిచేసిన కూడా అర్హులు
- మూడేళ్ళ డిప్లొమా విద్యార్థులు దరఖాస్తు చేసుకోవచ్చు.
- 1 లేదా 2 ఏళ్ళ ఫ్రీ యూనివర్సిటీ కోర్సులు పూర్తిచేసిన వారు కూడా అర్హులు.
- లాటరల్ ఎంట్రీ ద్వారా రెండో ఏడాదిలో చేరేందుకు మొదటి ఏడాది రెగ్యులర్ డిగ్రీ పూర్తిచేసి ఉండాలి
- లాటరల్ ఎంట్రీ ద్వారా మూడో ఏడాదిలో చేరేందుకు రెండేళ్ల రెగ్యులర్ డిగ్రీ పూర్తిచేసి ఉండాలి
ఏయూ దూరవిద్య బీఏ కోర్సు స్వరూపం
| మొదటి ఏడాది | ద్వితీయ ఏడాది | తృతీయ ఏడాది | |
|---|---|---|---|
| పార్ట్ I | ఇంగ్లీష్ తెలుగు/హిందీ/సంస్కృతం ఫౌండేషన్ కోర్సు I |
ఇంగ్లీష్ తెలుగు/హిందీ/సంస్కృతం |
ఫౌండేషన్ కోర్సు II |
| పార్ట్ II | పేపర్ I - మెయిన్ 1 పేపర్ I - మెయిన్ 2 పేపర్ I - మెయిన్ 3 కంప్యూటర్ కోర్సు |
ఎన్విరాన్మెంటల్ స్టడీస్ పేపర్ II - మెయిన్ 1 పేపర్ II - మెయిన్ 2 పేపర్ I1 - మెయిన్ 3 కంప్యూటర్ కోర్సు |
పేపర్ III & IV - మెయిన్ 1 పేపర్ III & IV- మెయిన్ 2 పేపర్ III & IV- మెయిన్ 3 కంప్యూటర్ కోర్సు |
