తెలుగులో 12 మార్చి 2024 కరెంట్ అఫైర్స్ అంశాలను చదవండి. వివిధ పోటీ పరీక్షలకు ఉపయోగపడే జాతీయ, అంతర్జాతీయ సమకాలీన అంశాలను ఈ ఆర్టికల్ ద్వారా మీకు అందిస్తున్నాం.
భారతదేశంకు మీజిల్స్ మరియు రుబెల్లా ఛాంపియన్ అవార్డు
మీజిల్స్ మరియు రుబెల్లాను ఎదుర్కోవడంలో భారతదేశం గణనీయమైన పురోగతికి గుర్తింపు పొందింది. ఈ వ్యాధులను ఎదుర్కోవడానికి దేశం చేస్తున్న అవిశ్రాంత ప్రయత్నాలకు గుర్తింపుగా, మార్చి 6 , 2024న ప్రతిష్టాత్మకమైన మీజిల్స్ మరియు రుబెల్లా ఛాంపియన్ అవార్డును అందుకుంది.
ఈ అవార్డును భారత కుటుంబ సంక్షేమ మంత్రిత్వ శాఖ తరపున వాషింగ్టన్ డీసీలోని అమెరికన్ రెడ్‌క్రాస్ ప్రధాన కార్యాలయంలో భారత రాయబార కార్యాలయం యొక్క డిప్యూటీ చీఫ్ ఆఫ్ మిషన్ శ్రీప్రియ రంగనాథన్ అందుకున్నారు. ఈ అవార్డు ప్రజల ఆరోగ్యం పట్ల భారతదేశం యొక్క తిరుగులేని నిబద్ధతను మరియు పిల్లలలో ఈ అంటు వ్యాధుల వ్యాప్తిని అరికట్టడంలో దాని అత్యుత్తమ నాయకత్వాన్ని బలపరుస్తుంది.
ముఖ్యంగా పిల్లల ఆరోగ్యం పట్ల భారతదేశం యొక్క అంకితభావాన్ని ఈ అవార్డు హైలైట్ చేస్తుంది. సమగ్ర జోక్యాల ద్వారా దేశం మీజిల్స్ మరియు రుబెల్లా కేసులను బాగా తగ్గించింది. ఈ విజయం భారతదేశంలోని ఆరోగ్య సంరక్షణ కార్యకర్తలు, విధాన రూపకర్తలు మరియు సంఘాల కృషికి నిదర్శనం.
- మీజిల్స్ మరియు రుబెల్లాలు వ్యాక్సిన్ ద్వారా నివారించగల వ్యాధులు. భారతదేశం యొక్క యూనివర్సల్ ఇమ్యునైజేషన్ ప్రోగ్రామ్‌లో భాగంగా 2017 నుండి ఎంఆర్ టీకాను ప్రభుత్వం ఉచితంగా అందిస్తుంది.
- దేశం నుండి మీజిల్స్ మరియు రుబెల్లాను తొలగించే దిశగా భారత ప్రభుత్వం కృషి చేస్తోంది. ఈ ప్రయత్నాల ఫలితంగా గత 12 నెలల్లో 226 జిల్లాలలో రుబెల్లా కేసులు నివేదించబడలేదు .
- మీజిల్స్ మరియు రుబెల్లా నివారణ కోసం అమెరికన్ రెడ్‌క్రాస్, బిల్ & మెలిండా గేట్స్ ఫౌండేషన్, గవి వ్యాక్సిన్ అలయన్స్, యూఎస్ సీడీసీ, యూఎన్ఎఫ్, యూనిసెఫ్ మరియుప్రపంచ ఆరోగ్య సంస్థతో సహా బహుళ-ఏజెన్సీలు ఉమ్మడిగా పని చేస్తున్నాయి. ఇవన్నీ ప్రపంచ తట్టు మరణాలను తగ్గించడానికి మరియు రుబెల్లా వ్యాధిని నిరోధించడానికి అంకితం చేయబడ్డాయి.
మీజిల్స్ (తట్టు) అనేది మీజిల్స్ వైరస్ వల్ల కలిగే అత్యంత అంటువ్యాధి. దగ్గు, తుమ్ములు లేదా సోకిన స్రావాలతో గాలి ద్వారా వ్యాపించే ఈ వ్యాధి, ముఖ్యంగా చిన్న పిల్లలలో మరణానికి దారితీస్తుంది. సురక్షితమైన మరియు సమర్థవంతమైన వ్యాక్సిన్‌తో ఈ తట్టు నివారించవచ్చు. అయితే తక్కువ టీకా రేటు కారణంగా, మీజిల్స్ వ్యాప్తి ప్రపంచవ్యాప్తంగా సంభవిస్తూనే ఉంది.
రూబెల్లాను జర్మన్ మీజిల్స్ లేదా త్రీ-డే మీజిల్స్ అని కూడా పిలుస్తారు. ఇది రుబెల్లా వైరస్ వల్ల కలిగే అంటు వ్యాధి. ఇది తట్టులా కాకుండా, ఇది సాధారణంగా చాలా తక్కువ ప్రమాదకరంగా ఉంటుంది. గర్భధారణ సమయంలో రుబెల్లా వినాశకరమైనదిగా పరిగణించబడుతుంది. ఇది అభివృద్ధి చెందుతున్న శిశువులో తీవ్రమైన పుట్టుకతో వచ్చే లోపాలను కలిగిస్తుంది, దీనిని పుట్టుకతో వచ్చే రుబెల్లా సిండ్రోమ్ అని పిలుస్తారు.
700 వికెట్లు తీసిన తొలి పేసర్‌గా జేమ్స్ అండర్సన్
ఇంగ్లండ్ పేసర్ జేమ్స్ ఆండర్సన్ టెస్ట్ క్రికెట్ చరిత్రలో 700 వికెట్లు తీసిన మొదటి బౌలరుగా నిలిచాడు. అలానే స్పిన్నర్లు ముత్తయ్య మురళీధరన్ మరియు షేన్ వార్న్‌లతో కలిసి ప్రపంచ క్రికెట్‌లో 700 టెస్ట్ వికెట్లు తీసిన మూడవ బౌలర్‌గా అవతరించాడు.
ఇటీవలే మార్చి 9న ధర్మశాలలో భారత్ జట్టుతో జరిగిన ఐదవ మరియు ఆఖరి టెస్టులో 3వ రోజు సందర్భంగా కుల్దీప్ యాదవ్‌ను అవుట్ చేయడం ద్వారా ఈ 700 టెస్ట్ వికెట్ల మైలురాయిని సాధించాడు. అండర్సన్ ఈ ఘనతను తన 187వ టెస్టులో సాధించాడు.
- అండర్సన్ 2002లో ఇంగ్లండ్ తరఫున టెస్టుల్లో అరంగేట్రం చేశాడు.
- అండర్సన్ 32 సార్లు టెస్టుల్లో ఐదు వికెట్ల ఘనతను డ్=సాధించాడు, అలానే మూడు పది వికెట్ల రికార్డు కూడా నమోదు చేసాడు.
- ఒక ఇన్నింగ్స్‌లో అతని అత్యుత్తమ బౌలింగ్ గణాంకాలు 7/42.
- అండర్సన్ బంతిని రెండు విధాలుగా స్వింగ్ చేసే ప్రతిభను కలిగిఉన్నాడు. అందుకే అతన్ని "స్వింగ్ కింగ్" అని పిలుస్తారు.
- జేమ్స్ ఆండర్సన్ ఇంగ్లాండ్ జట్టు తరుపున అత్యధిక టెస్ట్ వికెట్లు తీసిన బౌలరుగా కొనసాగుతున్నాడు.
| 1 | ముత్తయ్య మురళీధరన్ (శ్రీలంక) | 133 టెస్టులు | 800 వికెట్లు |
| 2 | షేన్ వార్న్ (ఆస్ట్రేలియా) | 145 టెస్టులు | 708 వికెట్లు |
| 3 | జేమ్స్ ఆండర్సన్ (ఇంగ్లాండ్) | 187 టెస్టులు | 700 వికెట్లు |
| 4 | అనిల్ కుంబ్లే (ఇండియా) | 132 టెస్టులు | 619 వికెట్లు |
| 5 | సువర్ట్ బ్రాడ్ (ఇంగ్లాండ్) | 167 టెస్టులు | 604 వికెట్లు |
| 6 | గ్లేన్ మెక్‌గ్రాత్ (ఆస్ట్రేలియా) | 124 టెస్టులు | 563 వికెట్లు |
| 7 | లియోన్ (ఆస్ట్రేలియా) | 129 టెస్టులు | 530 వికెట్లు |
| 8 | సీఏ వాల్ష్ (వెస్టిండీస్) | 132 టెస్టులు | 519 వికెట్లు |
| 9 | రవిచంద్రన్ అశ్విన్ (ఇండియా) | 100 టెస్టులు | 516 వికెట్లు |
| 10 | డేల్ స్టెయిన్ (దక్షిణ ఆఫ్రికా) | 93 టెస్టులు | 439 వికెట్లు |
రాజ్యసభకు నామినేట్ అయిన సుధా మూర్తి
ప్రముఖ పరోపకారి, రచయిత్రి మరియు ఇన్ఫోసిస్ ఫౌండేషన్ మాజీ చైర్‌పర్సన్ సుధా మూర్తి, మహిళా దినోత్సవం అయిన ఫిబ్రవరి 8న రాష్ట్రపతి కోటాలో రాజ్యసభకు నామినేట్ అయ్యారు. ఈ హోదాలో ఆమె ఆరేళ్ళ కాలానికి అనగా 07 మార్చి 2023 వరకు సేవలు అందించనున్నారు.
సుధా మూర్తి రాజ్యసభకు నామినేట్ అయిన విషయాన్ని ప్రధాని నరేంద్ర మోడీ తన సోషల్ మీడియా వేదిక ఎక్స్ ద్వారా తెలియజేసారు. ఆమె ఎంపికను ఎగువ సభలో నారీ శక్తికి శక్తివంతమైన నిదర్శనమని, దేశం యొక్క విధిని రూపొందించడంలో మహిళల శక్తి మరియు సామర్థ్యానికి ఇది ఉదాహరణ అని పేర్కొన్నారు.
ఇన్ఫోసిస్ ఫౌండేషన్ చైర్‌పర్సనుగా సుధా మూర్తి సామాజిక సేవ, దాతృత్వం మరియు విద్యతో సహా విభిన్న రంగాలకు అపారమైన మరియు స్ఫూర్తిదాయకమైన సేవలు అందించారు. 73 ఏళ్ల ఆమె ఇది వరకే ఆమె సేవలకు గాను 2006లో పద్మశ్రీ, 2023లో పద్మభూషణ్ అవార్డులు అందుకున్నారు.
- సుధా మూర్తి ఇన్ఫోసిస్ సహ వ్యవస్థాపకుడు ఎంఆర్ నారాయణ మూర్తి యొక్క సహధర్మచారిణి.
- ప్రస్తుత బ్రిటిష్ ప్రధాన మంత్రి రిషి సునక్‌కు అత్తగారు కూడా.
- సుధా మూర్తి 1996లో ఇన్ఫోసిస్ ఫౌండేషన్ స్థాపించారు.
- సుధామూర్తి గేట్స్ ఫౌండేషన్ యొక్క ప్రజారోగ్య సంరక్షణ కార్యక్రమాలలో సభ్యురాలుగా ఉన్నారు.
- సుధామూర్తి అనేక అనాథాశ్రమాలను స్థాపించడంతో పాటుగా గ్రామీణాభివృద్ధికి తనవంతు సహాయం అందించారు.
- కర్ణాటక ప్రభుత్వ పాఠశాలలకు కంప్యూటర్ మరియు లైబ్రరీ సౌకర్యాలను అందించాలనే ఉద్యమానికి ఆమె పూర్తి మద్దతు అందించారు.
- హార్వర్డ్ విశ్వవిద్యాలయంలో మూర్తి క్లాసికల్ లైబ్రరీ ఆఫ్ ఇండియాను కూడా ఆమె స్థాపించారు.
రాజ్యసభలో మొత్తం సభ్యులు 250 మంది. వీరిలో 238 మంది సభ్యులు ప్రత్యేక్ష ఓటింగ్ ద్వారా ఎన్నుకోబడుతారు. మిగతా 12 మంది సామాజిక సేవలు, కళ, సాహిత్యం, విజ్ఞానం, రంగాలకు చేసిన కృషికి రాష్ట్రపతిచే నామినేట్ చేయబడతారు. ప్రస్తుతం రాష్ట్రపతి కోటాలో రాజ్యసభకు ఎన్నికైన సభ్యలు కింది పట్టికలో చూడగలరు.
| రాజ్యసభ సభ్యుడు | నామినేట్ తేదీ | టర్మ్ ముగింపు | |
|---|---|---|---|
| 1 | సోనాల్ మాన్‌సింగ్ | 14 జూలై 2018 | 23 జూలై 2024 |
| 02 | రామ్ షకల్ | 14 జూలై 2018 | 23 జూలై 2024 |
| 03 | రాకేష్ సిన్హా | 14 జూలై 2018 | 23 జూలై 2024 |
| 04 | మహేష్ జెఠ్మలానీ | 02 జూన్ 2021 | 13 జూలై 2024 |
| 05 | రంజన్ గొగోయ్ | 19 మార్చి 2020 | 18 మార్చి 2026 |
| 06 | పిటి ఉష | 7 జూలై 2022 | 6 జూలై 2028 |
| 07 | వీరేంద్ర హెగ్గడే | 7 జూలై 2022 | 6 జూలై 2028 |
| 08 | ఇళయరాజా | 7 జూలై 2022 | 6 జూలై 2028 |
| 09 | వి.విజయేంద్ర ప్రసాద్ | 7 జూలై 2022 | 6 జూలై 2028 |
| 10 | గులాం అలీ ఖతానా | 10 సెప్టెంబర్ 2022 | 9 సెప్టెంబర్ 2028 |
| 11 | సత్నామ్ సింగ్ సంధు | 31 జనవరి 2024 | 30 జనవరి 2030 |
| 12 | సుధా మూర్తి | 8 మార్చి 2024 | 7 మార్చి 2030 |
జోయా అక్తర్, అస్మా ఖాన్‌కు ఇండియా యూకే అచీవర్స్ ఆనర్స్‌
ప్రముఖ భారతీయ చిత్రనిర్మాత జోయా అక్తర్ మరియు బ్రిటీష్ ఇండియన్ చెఫ్ అస్మా ఖాన్ లండన్‌లో జరిగిన వార్షిక భారతదేశం-యుకె అచీవర్స్ ఆనర్స్‌ను అందుకున్న ప్రముఖులలో ఉన్నారు. బ్రిటీష్ కౌన్సిల్ మరియు యూకే ప్రభుత్వ భాగస్వామ్యంతో నేషనల్ ఇండియన్ స్టూడెంట్స్ అండ్ అలుమ్ని యూనియన్ ఈ వేడుక నిర్వహిస్తుంది.
ఇది యుకెలో అంతర్జాతీయ విద్యా కార్యక్రమాలను అభ్యసించిన భారతీయ విద్యార్థులు మరియు పూర్వ విద్యార్థుల విజయాలను సత్కరిస్తుంది.ఈ వేడుక భారతదేశం మరియు యునైటెడ్ కింగ్‌డమ్ మధ్య బలమైన విద్యా సంబంధాలను జరుపుకుంటుంది. జోయా అక్తర్ మరియు అస్మా ఖాన్‌ల గుర్తింపు ప్రపంచ వేదికపై భారతీయ వ్యక్తులు సాధించిన విభిన్న శ్రేణి విజయాలను హైలైట్ చేస్తుంది. వీరి విజయగాథలు సాంస్కృతిక విభజనలను అధిగమించి భవిష్యత్తు తరాలకు స్ఫూర్తిగా నిలుస్తాయి.
జోయా అక్తర్ : బాలీవుడ్ బ్లాక్‌బస్టర్స్‌కు ప్రసిద్ధి చెందిన జోయా అక్తర్, అత్యంత విజయవంతమైన మహిళా దర్శకురాలుగా, భారతీయ చిత్ర నిర్మాతగా ప్రసిద్ధి చెందారు. లక్ బై ఛాన్స్, జిందగీ నా మిలేగీ దొబారా మరియు ఇటీవలి ది ఆర్చీస్ వంటి ఆమె చిత్రాలు భారతీయ సినీ ప్రేక్షకులను ఆకర్షించడమే కాకుండా విమర్శకుల ప్రశంసలు కూడా పొందాయి. దర్శకురాలుగా ఆమె ప్రతిష్టాత్మక లివింగ్ లెజెండ్ అవార్డును అందుకున్నారు.
అస్మా ఖాన్ : ఈమె ప్రఖ్యాత బ్రిటీష్ ఇండియన్ చెఫ్. అస్మా ఖాన్ అసాధారణమైన భారత వంటల సహకారానికి కూడా గౌరవించబడ్డారు. ఆమె లండన్ రెస్టారెంట్ డార్జిలింగ్ ఎక్స్‌ప్రెస్ ద్వారా ఇంటి-శైలి భారతీయ విందులకు ప్రసిద్ధి చెందారు. యూకేలో సాంప్రదాయ భారతీయ వంటకాలను సంరక్షించడంలో ఖాన్ అంకితభావం మరియు ఆహారం ద్వారా సాంస్కృతిక మార్పిడిని ప్రోత్సహించడంలో ఆమె చేసిన కృషికి గాను ఈ గౌరవం అందించబడింది.
నీంగల్ నలమ పథకంను ప్రారంభించిన తమిళనాడు ప్రభుత్వం
తమిళనాడు ప్రభుత్వం కొత్తగా నీంగల్ నలమ అనే ఔట్రీచ్ ప్రోగ్రామ్‌ను ప్రారంభించింది. ఆర్ యు ఆల్రైట్ స్కీమ్ అని కూడా పిలువబడే ఈ చొరవ రాష్ట్రంలోని ప్రతి కుటుంబానికి సంక్షేమం అందించడమే లక్ష్యంగా పెట్టుకుంది. ప్రభుత్వం యొక్క సాంఘిక సంక్షేమ కార్యక్రమాలలో పారదర్శకత మరియు ప్రభావాన్ని నిర్ధారించే దిశగా ఇది ఒక ముఖ్యమైన ముందుడుగు.
నీంగల్ నలమ అనేది కొత్త సంక్షేమ కార్యక్రమం కాదు, అయితే ఇది ప్రభుత్వ పథకాల లబ్ధిదారుల ఔట్రీచ్ ప్రోగ్రామ్. ఇప్పటికే ఉన్న ప్రభుత్వ పథకాలను స్వీకరించే వారితో నేరుగా చెరువవుతుంది. వివిధ సంక్షేమ కార్యక్రమాలతో వారి అనుభవాలను అర్థం చేసుకోవాలని ప్రభుత్వం లక్ష్యంగా పెట్టుకుంది.
ఈ ఔట్రీచ్ ప్రోగ్రామ్ ప్రభుత్వ ప్రయోజనాలను పొందడంలో లేదా వినియోగించుకోవడంలో ప్రజలు ఎదుర్కొనే ఏవైనా సమస్యలు లేదా సవాళ్లను తెలియజేయడానికి వేదికను అందిస్తుంది. లబ్ధిదారుల అభిప్రాయం ద్వారా పొందిన అంతర్దృష్టులు సామాజిక సంక్షేమ కార్యక్రమాల డెలివరీని మెరుగుపరచడానికి ఉపయోగించబడతాయి.
నీంగల్ నలమ పథకం రాష్ట్ర వ్యాప్తంగా అమలు చేయబడుతుంది. ఇందులో ముఖ్యమంత్రి, జిల్లా కలెక్టర్లతో సహా సీనియర్ అధికారులు నేరుగా తమిళనాడు అంతటా లబ్ధిదారులకు చేరువవుతారు. ఈ కార్యక్రమం తమిళనాడు ప్రభుత్వం తన సంక్షేమ కార్యక్రమాలు సమర్థవంతంగా కుటుంబాలను ఉద్ధరించేలా చూసేందుకు నిబద్ధతను నొక్కి చెబుతుంది.
అస్సాం యొక్క మజులీ మాస్క్‌లకు జిఐ ట్యాగ్ మంజూరు
అస్సాంలోని మజులి ద్వీపం యొక్క మాస్క్-మేకింగ్ ఆర్ట్ మరియు మాన్యుస్క్రిప్ట్ పెయింటింగ్‌లు ప్రతిష్టాత్మకమైన జిఐ (భౌగోళిక గుర్తింపు) ట్యాగ్‌లను దక్కించుకున్నాయి. బ్రహ్మపుత్ర నది యొక్క మారుతున్న ప్రవాహాల మధ్య ఉన్నఈ మజులి దీవి, ప్రపంచంలోనే అతిపెద్ద నదీ ద్వీపంగా గుర్తింపు పొందింది. ఈ ద్విపం దాని సుందరమైన అందానికి మించి, దాని గొప్ప సాంస్కృతిక వారసత్వానికి, ప్రత్యేకించి నియో-వైష్ణవ సంప్రదాయానికి ప్రసిద్ధి చెందింది.
మజులి మాస్క్ : ముఖా శిల్పా అని కూడా పిలువబడే ఈ మజులి మాస్క్-మేకింగ్ 16వ శతాబ్దం నాటి గొప్ప చరిత్రను కలిగి ఉంది. సన్యాసి శ్రీమంత శంకర్‌దేవా ద్వారా పరిచయం చేయబడిన ఈ ముసుగులు మతపరమైన కథనాలు మరియు రంగస్థల శాసనాలకు సంబంధించిన ప్రదర్శనలలో కీలక పాత్ర పోషిస్తున్నాయి. వెదురు, మట్టి, గుడ్డ మరియు పేడ వంటి స్థానికంగా లభించే పదార్థాల నుండి రూపొందించబడిన మజులీ మాస్క్‌లు వాటి శక్తివంతమైన రంగులు, క్లిష్టమైన డిజైన్‌లు మరియు వ్యక్తీకరణ లక్షణాలకు ప్రసిద్ధి చెందాయి.
మజులీ మాన్యుస్క్రిప్ట్ పెయింటింగ్స్ : మజులీ యొక్క సున్నితమైన మాన్యుస్క్రిప్ట్ పెయింటింగ్స్, సాంచి పాట్ (సాంచి లేదా అగర్ చెట్టు నుండి తయారు చేయబడిన బెరడు స్క్రోల్స్) పై గీయబడతాయి. వీటిపై హిందూ పురాణాలలోని కథలను, ముఖ్యంగా ఇతిహాసాలు రామాయణం, మహాభారతం మరియు భాగవత పురాణాలను వర్ణిస్తారు. సహజ వర్ణద్రవ్యాలు ఉపయోగించి గీచే ఈ దృష్టాంతాల యొక్క విలక్షణమైన శైలి సాంచి పాట్ యొక్క స్వాభావిక విలువకు దోహదం చేస్తాయి.
మజులీ యొక్క మాస్క్-మేకింగ్ మరియు మాన్యుస్క్రిప్ట్ పెయింటింగ్ కోసం భౌగోళిక గుర్తింపు ట్యాగ్ అందించడం ఒక ముఖ్యమైన విజయం. ఇది ద్వీపం యొక్క కళాత్మక వారసత్వాన్ని జరుపుకోవడమే కాకుండా ఈ సంప్రదాయాలకు ఉజ్వల భవిష్యత్తుకు మార్గం సుగమం చేస్తుంది.
