ఆసియా భూమిపై అతిపెద్ద ఖండం. ఇది 44,579,000 చదరపు కిలోమీటర్లు (17,212,000 చదరపు మైళ్ళు) విస్తీర్ణంలో ఉంది. భూమి యొక్క మొత్తం భూభాగంలో 30% మరియు భూమి యొక్క మొత్తం ఉపరితల వైశాల్యంలో 8.7% విస్తరించి ఉంది. ప్రపంచ జనాభాలో దాదాపు 60% ఈ ఖండంలోనే నివశిస్తున్నారు.
ఆసియా తూర్పున పసిఫిక్ మహాసముద్రం , దక్షిణాన హిందూ మహాసముద్రం మరియు ఉత్తరాన ఆర్కిటిక్ మహాసముద్రం సరిహద్దులుగా ఉంది. ఆసియాను భౌగోళికంగా ఆరు భాగాలుగా విభజిస్తారు. అవి ఉత్తర ఆసియా ( సైబీరియా ), మధ్య ఆసియా, పశ్చిమ ఆసియా ( మిడిల్ ఈస్ట్) దక్షిణ ఆసియా ( భారత ఉపఖండం ) తూర్పు ఆసియా, ఆగ్నేయాసియా ( ఈస్ట్ ఇండీస్ మరియు ఇండోచైనా). ఆసియాలో మొత్తం 48 దేశాలు ఉన్నాయి. వీటితో పాటుగా తైవాన్, హాంగ్ కాంగ్, మకావో ప్రాంతాలు చైనా ఆదీనంలో ఉన్నాయి.
