ఆంధ్ర యూనివర్సిటీలో దూర విద్య కోర్సులు మరియు ట్యూషన్ ఫీజులు

ఆంధ్ర యూనివర్సిటీ 1972 నుండి దూర విద్య అందిస్తుంది. పై చదువులకు నోచుకోని గృహాణిలు, విద్యార్థులు, ఉద్యోగస్తులకు ఉన్నత విద్య అందించాలనే లక్ష్యంతో దీన్ని స్థాపించారు. ఏయూ దూర విద్యకు యూజీసీ గుర్తింపు ఉంది.

దూర విద్య డిగ్రీలకు రెగ్యులర్ డిగ్రీ స్థాయి గుర్తింపు యూజీసీ కల్పిస్తుంది. ఏయూ దూర విద్యకు ప్రపంచ వ్యాప్తంగా గొప్ప గుర్తింపు ఉంది. ఏయూని NAAC (నేషనల్ కమిషన్ ఫర్ కల్చర్ అండ్ ఆర్ట్) "A" గ్రేడ్ తో  అతి పురాతణ  యూనివర్సిటీగా గుర్తింపు కల్పించింది.

ఆంధ్ర యూనివర్సిటీ దాదాపు 50 రకాల దూర విద్య కోర్సులు అందిస్తుంది. ఇందులో షార్ట్ టర్మ్ సర్టిఫికేటెడ్ కోర్సులుతో పాటుగా డిప్లొమా, బ్యాచిలర్ డిగ్రీ మరియు కొన్ని  పోస్టుగ్రాడ్యుయేట్ కోర్సులు కూడా అందుబాటులో ఉన్నాయి. వీటి కాలవ్యవధి కనిష్టంగా 6 నెలల నుండి 3 ఏళ్ళ వరకు ఉంటుంది.

ఏయూ రెగ్యులర్ కోర్సులకు, దూర విద్య కోర్సులకు దాదాపు ఒకే రకమైన సిలబస్ కేటాయించడం వలన ఈ కోర్సులకు తెలుగు రాష్ట్రాల నుండి భారీ డిమాండ్ ఉంది. దీనితో ఏయూ ఎప్పటికప్పుడు కొత్త కోర్సులను ప్రవేశ పెడుతూనే ఉంది.

ఏయూ దూర విద్య అడ్మిషన్ పొందిన విద్యార్థులకు ఏయూ మానేజ్మెంట్ గొప్ప సహకారాన్ని అందిస్తుంది. అడ్మిషన్ పొందిన వెంటనే వారికీ కోర్సుకు సంబంధించిన పూర్తి వివరాలను అందిస్తుంది. పరీక్షల ప్రిపరేషన్ కోసం సిలబస్ సొంతంగా అవగతం చేసుకునే ప్రింటెడ్ మెటీరియల్స్ తో పాటుగా ఆడియో, వీడియో ట్యుటోరియల్స్ కూడా అందిస్తుంది. అవసరమయ్యే విద్యార్థులకు కొన్ని రోజులు నేరుగా క్లాస్ రూమ్ బోధన కూడా కల్పిస్తుంది.