ఏపీ ఈఎపీసెట్ 2023 : నోటిఫికేషన్, ఎలిజిబిలిటీ, పరీక్ష తేదీ

ఏపీ ఈఎపీసెట్ ద్వారా అడ్మిషన్ పొందే కోర్సులు

ఎంబీబీస్, బీడీఎస్, హోమియోపతి, ఆయుర్వేదిక్ మెడిసిన్ వంటి మెడికల్ కోర్సుల ప్రవేశాలు జాతీయ స్థాయిలో జరిగే నీట్ ప్రవేశపరీక్ష ద్వారా భర్తీచేయబడతాయి.

ఏపీ ఈఎపీసెట్ 2023 ఎలిజిబిలిటీ

• అభ్యర్థులు భారతీయ పౌరులై ఉండాలి. భారతీయ మూలాలు కలిగిన విదేశీయలు(PIO) మరియు విదేశాల్లో స్థిరపడిన భారతీయలు (OCI) కూడా అర్హులు.
• ఆంధ్రప్రదేశ్ లేదా తెలంగాణా సంబంధించిన విద్యార్థులు లోకల్ లేదా నాన్ లోకల్ సంబంధిత అర్హుత నిమయాలు సంతృప్త పరచాలి.
• ఇంజనీరింగ్ & ఫార్మసీ కోర్సుల ప్రవేశాల కోసం దరఖాస్తు చేసేవారు మ్యాథ్స్, ఫిజిక్స్ మరియు కెమిస్ట్రీలతో ఇంటర్మీడియట్ లేదా 10+2 పూర్తిచేసి ఉండాలి. చివరి ఏడాది చదువుతున్నవారు, ఫలితాల కోసం ఎదురుచూస్తున్న వారు కూడా దరఖాస్తు చేసుకునేందుకు అర్హులు.
• అగ్రికల్చర్ కోర్సుల ప్రవేశాలకోసం దరఖాస్తు చేసేవారు బోటనీ, జువాలజీలు ఒక సబ్జెక్టుగా ఇంటర్మీడియట్ లేదా 10+2 పూర్తిచేసి ఉండాలి. చివరి ఏడాది చదువుతున్నవారు, ఫలితాల కోసం ఎదురుచూస్తున్న వారు కూడా దరఖాస్తు చేసుకునేందుకు అర్హులు.
• సంబంధిత సబ్జెక్టులకు అనుగుణంగా ఒకేషనల్ మరియు రెండేళ్ల డిప్లొమా పూర్తిచేసిన అభ్యర్థులు కూడా దరఖాస్తు చేసుకునేందుకు అర్హులు.
• ఇంజనీరింగ్ మరియు ఫార్మా కోర్సుల కోసం దరఖాస్తు చేసే అభ్యర్థుల వయసు 16 ఏళ్ళు నిండి ఉండాలి. గరిష్ట వయోపరిమితి లేదు.
• అగ్రికల్చర్ కోర్సుల కోసం దరఖాస్తు చేసే అభ్యర్థుల వయసు 17 ఏళ్ళు నుండి 22 ఏళ్ళ మధ్య ఉండలి. ఎస్సీ, ఎస్టీ విద్యార్థులకు 3 ఏళ్ళ సడలింపు ఉంటుంది.

ఏపీ ఈఎపీసెట్ 2023 షెడ్యూల్

ఏపీ ఈఎపీసెట్ 2023 దరఖాస్తు ఫీజు

• 500/- అపరాధ రుసుము తో దరఖాస్తు చేసేందుకు చివరి తేదీ : 30 ఏప్రిల్ 2023
• 1,000/- అపరాధ రుసుము తో దరఖాస్తు చేసేందుకు చివరి తేదీ : 5 మే 2023
• 5,000/- అపరాధ రుసుము తో దరఖాస్తు చేసేందుకు చివరి తేదీ : 12 మే 2023
• 10,000/- అపరాధ రుసుము తో దరఖాస్తు చేసేందుకు చివరి తేదీ : 14 మే 2023

దరఖాస్తు రుసుములు ఏపీ ఆన్‌లైన్‌, టీఎస్ ఆన్‌లైన్‌, డెబిట్ కార్డు, క్రెడిట్ కార్డు మరియు నెట్ బ్యాంకింగ్ ద్వారా చెల్లించవచ్చు. దరఖాస్తు సమయంలో ఉండే అదనపు రుసుములు అభ్యర్థులే చెల్లించవల్సి ఉంటుంది.

ఏపీ ఈఎపీసెట్ 2023 రిజిస్ట్రేషన్

ఏపీ ఈఎపీసెట్ దరఖాస్తు ప్రక్రియ పూర్తి ఆన్‌లైన్‌ పద్దతిలో ఉంటుంది. ఆంధ్రప్రదేశ్ అధికారిక ఈఎపీసెట్ వెబ్‌సైట్ ద్వారా దరఖాస్తు చేసుకోవాలి. దరఖాస్తు ప్రక్రియ ప్రారంభించే ముందు ఈ కింది వివరాలు అందుబాటులో ఉంచుకోండి.

• ఉత్తీర్ణత సాధించిన పరీక్ష హాల్ టికెట్ నెంబర్ (ఇంటర్మీడియట్)
• టెన్త్ క్లాస్ హాల్ టికెట్ నెంబర్
• పుట్టిన తేదీ వివరాలు
• కేటగిరి వివరాలు (ఎస్సీ, ఎస్టీ, బీసీలు)
• ఆధార్ నెంబర్
• PH, NCC, Sports సర్టిఫికేట్లు
• ఆదాయ దృవపత్రం & రేషన్ కార్డు నెంబర్
• స్టడీ మరియు రెసిడెన్సీ సర్టిఫికెట్లు

దరఖాస్తు ప్రక్రియ మూడు దశలలో పూర్తిచేయాల్సి ఉంటుంది. మొదట దశలో అందుబాటులో ఉన్న పేమెంట్ విధానం ద్వారా దరఖాస్తు ఫీజు చెల్లించాలి. రెండవ దశలో అభ్యర్థి యొక్క విద్యా, వ్యక్తిగత, చిరునామా వివరాలు పొందుపర్చడం ద్వారా దరఖాస్తు ప్రక్రియ పూర్తిచేయాలి.

దరఖాస్తు పూర్తిచేసే ముందు మీ వివరాలు పలుమార్లు సరి చూసుకోండి. చివరి దశలో మీ దరఖాస్తును ప్రింటవుట్ తీసుకోవటం ద్వారా మొత్తం దరఖాస్తు ప్రక్రియ  పూర్తివుతుంది. మీరు తీసుకున్న ప్రింటవుట్ పై తాజాగా తీసిన మీ ఫొటోగ్రాఫ్ అతికించి, మీరు చదువుకున్న కాలేజీ ప్రిన్సిపాల్ లేదా గ్రేజిటెడ్ ఆఫీసర్ తో సంతకం చేయించి పరీక్ష సమయంలో ఇన్విజిలేటర్ కు అందించవల్సి ఉంటుంది.

ఏపీ ఈఎపీసెట్ 2023 రీజనల్ ఎగ్జామ్ సెంటర్లు

• అనంతపూర్ : అనంతపూర్, గూటీ, హిందూపూర్, పుట్టపర్తి.
• చిత్తూరు : చిత్తూరు: మదనపల్లి, పుత్తూరు, తిరుపతి.
• తూర్పు గోదావరి :  అమలాపురం, కాకినాడ, రాజమండ్రి.
• గుంటూరు : గుంటూరు, నరసరావుపేట.
• కృష్ణ : గుడ్లవల్లేరు, కంచికచర్ల, మచిలీపట్టణం, మైలవరం, విజయవాడ.
• కర్నూల్ : కర్నూల్, నంద్యాల.
• నెల్లూరు : గూడూరు, కావాలి, నెల్లూరు.
• ప్రకాశం : చీరాల, మార్కాపురం, ఒంగోలు.
• శ్రీకాకుళం : రాజాం, శ్రీకాకాకుళం, టెక్కలి.
• విశాఖపట్నం : అనకాపల్లి, గాజువాక, ఆనందపురం, విశాఖపట్నం సిటీ.
• విజయనగరం : బొబ్బిలి, విజయనగరం.
• పశ్చిమ గోదావరి : భీమవరం, నర్సాపురం, తాడేపల్లిగూడెం, ఏలూరు.
• కడప : కడప, పొద్దుటూరు, రాజంపేట.
• హైదరాబాద్ : ఎల్బీ నగర్, నాచారం. సికింద్రాబాద్.

ఏపీ ఈఎపీసెట్ 2023 ఎగ్జామ్ నమూనా

ఏపీ ఈఎపీసెట్ 2023 పరీక్ష పూర్తి ఆన్‌లైన్‌ (CBT) విధానంలో కంప్యూటర్ ఆధారంగా నిర్వహించబడుతుంది. మూడు గంటల నిడివితో 160 మల్టిపుల్ ఛాయస్ ప్రశ్నలకు సమాధానం చేయాల్సి ఉంటుంది. పరీక్ష నిర్ణహించిన తేదీల్లో రెండు సెషన్లలో జరుగుతుంది.

మొదటి సెషన్ ఉదయం 10 నుండి మధ్యాహ్నం 1 వరకు, రెండవ సెషన్ మధ్యాహ్నం 2.30 నుండి సాయంత్రం 5.30 వరకు జరపబడుతుంది. ఇంజనీరింగ్ మరియు అగ్రికల్చర్ రెండు పరీక్షలకు దరఖాస్తు చేసుకునేవారికి ఒకే రోజు రెండు సెషన్లలో పరీక్ష పూర్తివుతుంది.

ఇంజనీరింగ్ ప్రవేశాలకు సంబంధించి జరిగే ప్రశ్నపత్రంలో మ్యాథ్స్, ఫిజిక్స్ మరియు కెమిస్ట్రీల నుండి 160 మల్టిపుల్ ఛాయస్ ప్రశ్నలు ఇవ్వబడతాయి. ఇందులో మ్యాథ్స్ నుండి 80 ప్రశ్నలు, ఫిజిక్స్ నుండి 40 ప్రశ్నలు మరియు కెమిస్ట్రీ నుండి 40 ప్రశ్నలు వచ్చే విదంగా పేపర్ కూర్పు ఉంటుంది. సమయం 3 గంటలు. సరైన సమాధానం చేసిన ప్రశ్నకు 1 మార్కు ఇవ్వబడుతుంది. తప్పు సమాధానం చేసిన ప్రశ్నలకు నెగిటివ్ మార్కింగ్ విధానం లేదు.

అగ్రికల్చర్, ప్రవేశాలకు సంబంధించి జరిగే ప్రశ్నపత్రంలో బయాలజీ, ఫిజిక్స్ మరియు కెమిస్ట్రీల నుండి 160 మల్టిపుల్ ఛాయస్ ప్రశ్నలు ఇవ్వబడతాయి. ఇందులో బోటనీ నుండి 40 ప్రశ్నలు, జూవాలజి నుండి 40 ప్రశ్నలు, ఫిజిక్స్ నుండి 40 ప్రశ్నలు మరియు కెమిస్ట్రీ నుండి 40 ప్రశ్నలు వచ్చే విదంగా పేపర్ కూర్పు ఉంటుంది. సమయం 3 గంటలు. సరైన సమాధానం చేసిన ప్రశ్నకు 1 మార్కు ఇవ్వబడుతుంది. తప్పు సమాధానం చేసిన ప్రశ్నలకు నెగిటివ్ మార్కింగ్ విధానం లేదు.