ఇండియాలో మెడికల్ ప్రవేశ పరీక్షలు 2023 | ఎంబీబీఎస్, బీడీఎస్ ప్రవేశాలు

ఇండియాలో టాప్ మెడికల్ ప్రవేశ పరీక్షల వివరాలు పొందండి. సెంట్రల్ & స్టేట్ మెడికల్ యూనివర్సిటీలు మరియు మెడికల్ ఇనిస్టిట్యూట్లలో మెడికల్ యూజీ మరియు పీజీ కోర్సులలో ప్రవేశాలు కల్పించేందుకు నిర్వహించే నీట్ యూజీ, నీట్ పీజీ, నీట్ ఎండిఎస్, ఏఎఫ్ఎంసీ, ఏఐఏపీజీసెట్, జిప్‌మర్, ఎయిమ్స్‌ వంటి మెడికల్ యూజీ మరియు పీజీ ప్రవేశ పరీక్షల పూర్తి సమాచారం పొందండి.

నీట్ యూజీ ఎగ్జామ్

నీట్ (యూజీ) అనగా నేషనల్ ఎలిజిబిలిటీ కమ్ ఎంట్రన్స్ టెస్ట్ (అండర్ గ్రాడ్యుయేషన్) అని అర్ధం. నీట్ (యూజీ) పరీక్షను దేశ వ్యాప్తంగా ఉన్న మెడికల్ మరియు డెంటల్ కాలేజీల్లో మొదటి ఏడాది ఎంబీబీస్ మరియు బీడీఎస్ ప్రవేశాలు కల్పించేందుకు నిర్వహిస్తారు. యూనియన్ మినిస్ట్రీ ఆఫ్ హెల్త్ అండ్ ఫ్యామిలీ వెల్ఫేర్ మరియు గవర్నమెంట్ అఫ్ ఇండియా కనుసన్నలల్లో నేషనల్ టెస్టింగ్ ఏజెన్సీ(NTA) ఈ పరీక్షను నిర్వహిస్తుంది.

నీట్ యూజీ ప్రవేశ పరీక్షలో మెరిట్ సాధించిన విద్యార్థులు ఎయిమ్స్ మరియు జిప్మెర్ సహా ఆల్ ఇండియా మెడికల్ కౌన్సిల్ లేదా డెంటల్ కౌన్సిల్ అనుమతితో నడుస్తున్న అన్ని ప్రభుత్వ, ప్రైవేట్ మెడికల్ మరియు డెంటల్ కాలేజీల్లో ప్రవేశాలు పొందొచ్చు. కెరీర్ పరంగా వైద్యరంగంలో స్థిరపడాలనే ఆశయాన్ని చేరువ చేసే ఈ మెడికల్ ప్రవేశ పరీక్ష గురించి పూర్తి వివరాలు తెలుసుకోండి.

నీట్ పీజీ ఎగ్జామ్

డాక్టర్ ఆఫ్ మెడిసిన్ (ఎండీ), మాస్టర్స్ ఇన్ సర్జరీ (ఎంఎస్) మరియు ఇతర మెడికల్ పోస్టు గ్రాడ్యుయేట్ డిప్లొమా కోర్సులలో ప్రవేశాలు చేపట్టేందుకు నేషనల్ బోర్డు ఆఫ్ ఎగ్జామినేషన్ నీట్ పీజీ పరీక్షను నిర్వహిస్తారు. ఎంబీబీఎస్ పూర్తిచేసి మెడికల్ కౌన్సిల్ ఆఫ్ ఇండియాలో రిజిస్ట్రేషన్ చేసుకున్న అభ్యర్థులు నేషనల్ బోర్డు ఆఫ్ ఎగ్జామినేషన్ వెబ్సైటు ద్వారా దరఖాస్తు చేసుకోవాల్సి ఉంటుంది.

నీట్ పీజీ పరీక్ష సీబీటీ విధానంలో జరుగుతుంది. పరీక్ష వ్యవధి 3 గంటల 30 నిముషాలు. పరీక్ష ఆబ్జెక్టివ్ విధానంలో నిర్వహిస్తారు. ప్రశ్నపత్రంలో మొత్తం 200 ఆబ్జెక్టివ్ ప్రశ్నలు, 3 భాగాలుగా ఉంటాయి. పార్ట్ A లో 50 ప్రశ్నలు, పార్ట్ B లో 50 ప్రశ్నలు మరియు పార్ట్ C 100 ప్రశ్నలు ఇవ్వబడతాయి.

నీట్ ఎండీఎస్ ఎగ్జామ్

మాస్టర్స్ ఆఫ్ డెంటల్ సైన్స్ (MDS) కోర్సులలో ప్రవేశాలు చేపట్టేందుకు నేషనల్ బోర్డు ఆఫ్ ఎగ్జామినేషన్ ఈ నీట్ ఎండీఎస్ పరీక్షను నిర్వహిస్తుంది. బిడీఎస్ పూర్తిచేసి డెంటల్ కౌన్సిల్ ఆఫ్ ఇండియాలో రిజిస్ట్రేషన్ చేసుకున్న అభ్యర్థులు నేషనల్ బోర్డు ఆఫ్ ఎగ్జామినేషన్ వెబ్సైటు ద్వారా ఈ పరీక్ష కోసం దరఖాస్తు చేసుకోవాలి.

ట్ ఎండీఎస్ పరీక్ష సీబీటీ విధానంలో జరుగుతుంది. పరీక్ష నిడివి 3 గంటలు. పరీక్షా ఆబ్జెక్టివ్ విధానంలో నిర్వహిస్తారు. ప్రశ్నపత్రంలో మొత్తం 240 ఆబ్జెక్టివ్ ప్రశ్నలు 2 భాగాలుగా ఉంటాయి. పార్ట్ A లో 100 ప్రశ్నలు, పార్ట్ B లో 140 ప్రశ్నలు ఇవ్వబడతాయి.