విదేశాల్లో మాస్టర్ డిగ్రీ లేదా పీహెచ్డీ అడ్మిషన్ పొందిన డిజాబిలిటీ విద్యార్థులకు, నేషనల్ ఓవర్సీస్ స్కాలర్షిప్ పేరుతో భారత ప్రభుత్వం ఫైనాన్సియల్ అసిస్టెన్స్ అందిస్తుంది. ఈ స్కాలర్షిప్'కు ఎంపికైన విద్యార్థులకు వీసా ఖర్చుల నుండి మెడికల్ మెంటెనన్స్ వరకు దాదాపు పూర్తి ఖర్చులు భరిస్తుంది. నేషనల్ ఓవర్సీస్ స్కాలర్షిప్ ఏటా 20 మంది డిజాబిలిటీ విద్యార్థులకు అందిస్తుంది.
ఈ స్కాలర్షిప్ విదేశాల్లో అండర్ గ్రాడ్యుయేషన్ చేసే విద్యార్థులకు వర్తించదు. ఇంజనీరింగ్, మెడిసిన్, సైన్స్, కామర్స్, అకౌంట్స్, ఫైనాన్స్, అగ్రికల్చర్, మానేజ్మెంట్, లా, హ్యూమానిటీస్'లలో ఉండే పీజీ మరియు పీహెచ్డీ కోర్సులకు ఇది వర్తిస్తుంది.
| స్కాలర్షిప్ పేరు | నేషనల్ ఓవర్సీస్ స్కాలర్షిప్ ఫర్ డిజాబిలిటీ స్టూడెంట్స్ |
| ఎవరు అర్హులు | విదేశాల్లో పీజీ /పీహెచ్డీ అడ్మిషన్ పొందిన విద్యార్థులు |
| దరఖాస్తుకు ఆఖరు తేదీ | 15-01-2022 |
ఎలిజిబిలిటీ
పీజీ కోసం విదేశాలకు పోయే విద్యార్థులు సంబంధిత డిగ్రీలో 55% మార్కులతో ఉత్తీర్ణత పొందిఉండాలి. పీహెచ్డీ కోసం విదేశాలకు పోయే విద్యార్థులు సంబంధిత పీజీలో 55% మార్కులతో ఉత్తీర్ణతయి ఉండాలి. విద్యార్థి వయస్సు 35 ఏళ్ళు మించి ఉండకూడదు. విద్యార్థి కుటుంబ వార్షిక ఆదాయం 6 లక్షలకు మించి ఉండకూడదు. విద్యార్థిపై ఎటువంటి పోలీస్ కేసులు ఉండకూడదు. దరఖాసు చేసే సమయానికి చెల్లుబాటు అయ్యే పాసుపోర్టు, విదేశీ యూనివర్సిటీ అడ్మిషన్ లెటర్, వీసా కలిగివుండాలి.
ఈ స్కాలర్షిప్'కు ఎంపికైన విద్యార్థులకు వీసా చార్జీలు నుండి మెడికల్ ఇన్సూరెన్స్ ప్రీమియం వరకు అన్ని ప్రభుత్వం భరిస్తుంది. ఈ ఫైనాన్సియల్ అసిస్టెన్స్ పీహెచ్డీ కోర్సులకు నాలుగేళ్లు, మాస్టర్ డిగ్రీ కోర్సులకు మూడేళ్ల వరకు అందిస్తుంది. వీటికి సంబంధించిన పూర్తి వివరాలు కింద చూడండి.
| మెంటెనన్స్ అలోవెన్సు (ఏడాదికి) | యూఎస్ మరియు ఇతర దేశాలలో అడ్మిషన్ పొందిన వారికీ 15,400 $ యూఎస్ డాలర్లు (దాదాపు 12 లక్షలు), అదే యూకే యూనివర్సిటీలలో అడ్మిషన్ పొందే విద్యార్థులకు 9,900 పౌండ్స్ అందిస్తుంది. |
| కంటింజెన్సీ అలోవెన్సు (అత్యవసర ఖర్చులకు) (ఏడాదికి) | యూఎస్ మరియు ఇతర దేశాలలో అడ్మిషన్ పొందిన వారికీ 1,500 $ యూఎస్ డాలర్లు, అదే యూకే యూనివర్సిటీలలో అడ్మిషన్ పొందే విద్యార్థులకు 1,100 పౌండ్స్ అందిస్తుంది |
| ఇన్సిడెంటల్ జర్నీ అలోవెన్సు | 20 $ యూఎస్ డాలర్లు |
| ఎక్విప్మెంట్ అలోవెన్సు | 15,00 /- రూపాయలు |
| అలానే ట్రావెలింగ్ ఖర్చులు, ట్యూషన్ ఫీజు, వీసా చార్జీలు, పూల్ టాక్స్, మెడికల్ ఇన్సూరెన్స్ ప్రీమియం కూడా కోర్సు, యూనివర్సిటీ మరియు దేశం బట్టి చెల్లిస్తుంది. | |
| ఇవి కాకుండా యూఎస్ మరియు ఇతర దేశాల్లో ఫెలోషిప్ చేసే విద్యార్థులకు ఏడాదికి 2,400 $ యూఎస్ డాలర్లు అవార్డు అందిస్తుంది. అదే యూకే లో ఫెలోషిప్ చేసే విద్యార్థులకు ఏడాదికి 1560 యూకే పౌండ్స్ అందిస్తుంది. | |
