యూజీసీ పీజీ స్కాలర్షిప్ ఫర్ యూనివర్సిటీ ర్యాంక్ స్టూడెంట్స్

యూనివర్సిటీ గ్రాంట్ కమిషన్ గుర్తింపు కలిగిన యూనివర్సిటీలు మరియు ఇనిస్టిట్యూట్లలో గ్రాడ్యుయేషన్ యందు మొదటి రెండు ర్యాంకులు సాధించిన విద్యార్థులకు ఉన్నత విద్య ప్రోత్సహకంగా స్కాలర్షిప్ అందిస్తుంది. ఈ స్కాలర్షిప్ స్కీమ్ పరిధిలో బీఏ, బీఎస్సీ, బీకామ్ గ్రాడ్యుయేషన్ కోర్సులలో యూనివర్సిటీ టాపర్లుగా నిలిచి, ఆ సబ్జెక్టులకు చెందిన పీజీ కోర్సులలో అడ్మిషన్ పొందిన విద్యార్థులకు యూజీసీ ప్రతి నెల 3,100/- చెప్పున ఏడాదికి 48 వేలు స్టైపెండ్ అందిస్తుంది. ఈ పథకం కింద రాష్ట్ర మరియు కేంద్రపాలిత ప్రాంతాలకు చెందిన 3000 మంది విద్యార్థులకు మాత్రమే లబ్ది చేకూర్చుస్తారు.

ప్రతిభావంతులైన యూనివర్సిటీ విద్యార్థులు ఆర్థిక కారణాలతో ఉన్నత విద్యకు దూరం కాకుండా ఉండేందుకు ఈ పథకాన్ని యూజీసీ ప్రవేశపెట్టింది. ఈ స్కాలర్షిప్ యూజీసీ గుర్తింపు పొందిన స్టేట్ & సెంట్రల్ అనుబంధ యూనివర్సిటీలు, డ్రీమ్డ్ యూనివర్సిటీలు, ప్రైవేట్ యూనివర్సిటీలు మరియు అటానమస్ యూనివర్సిటీలలో అండర్ గ్రాడ్యుయేషన్ చదివి, మొదటి రెండు ర్యాంకర్లకు మాత్రమే వర్తిస్తుంది. ఈ స్కాలర్షిప్ గరిష్టంగా రెండేళ్లకు మాత్రమే అందిస్తారు. విద్యార్థి మొదటి ఏడాది అకాడమిక్ పరీక్షల్లో 60 శాతం కంటే తక్కువ మార్కులు సాధిస్తే, రెండవ ఏడాదికి ఈ స్కాలర్షిప్ రద్దు చేస్తారు.

Considered from Universities/ Institutions and non-affiliated/ autonomous colleges