లక్ష లోపు కుటుంబ ఆదాయం ఉండే ముస్లింలు, సిక్కులు, క్రైస్తవులు, బౌద్ధులు, జైనూలు మరియు జొరాస్ట్రియన్ (పార్సీలు) లకు చెందిన విద్యార్థులకు కేంద్రప్రభుత్వం మైనారిటీ కమ్యూనిటీల ప్రీ మెట్రిక్ స్కాలర్షిప్ పథకం కింద ఆర్థిక సాయం చేస్తుంది. ఈ పథకం పరిధిలో క్లాస్ I నుండి క్లాస్ X విద్యార్థులకు, పూర్తి కేంద్ర ప్రభుత్వ నిధులతో ఎడ్యుకేషనల్ అసిస్టెన్స్ అందిస్తుంది.
మైనారిటీ కుటుంబాలకు చెందిన పిల్లలు, పేదరికంతో పాఠశాల విద్యకు దూరం కాకూడదనే ఉద్దేశ్యంతో మినిస్ట్రీ ఆఫ్ మైనారిటీ అఫైర్స్ కింద 2006 నుండి ఈ పథకాన్ని అమలు చేస్తుంది. దీని ద్వారా విద్యార్థులకు అడ్మిషన్, ట్యూషన్ ఫీజుతో సహా మెయింటనెన్స్ కూడా అందిస్తుంది.
| స్కాలర్షిప్ పేరు | ప్రీ మెట్రిక్ స్కాలర్షిప్ ఫర్ మైనారిటీస్ |
| ఎవరు అర్హులు | మైనారిటీ విద్యార్థులు |
| దరఖాస్తు ముగింపు తేదీ | 15-10-2022 |
| ఢిఫెక్టీవ్ వెరిఫికేషన్ | 31-10-2022 |
| ఇనిస్టిట్యూట్ వెరిఫికేషన్ | 31-10-2022 |
ఈ పథకం దేశంలో ఉండే అన్ని రాష్ట్రాలు మరియు కేంద్ర పాలిత ప్రాంతాలకు చెందిన ప్రభుత్వ మరియు గుర్తింపు కలిగిన ప్రైవేట్ పాఠశాల్లో చదివే మైనారిటీ విద్యార్థులకు వర్తింపజేస్తారు. ఈ స్కాలర్షిప్ పథకం ద్వారా ఏటా దాదాపు 30 లక్షల మంది మైనారిటీ విద్యార్థులు లబ్ది పొందుతున్నారు. విద్యార్థి అకాడమిక్ పరీక్షలలో కనీసం 50 శాతం మార్కులు సాధించి, కుటుంబ ఆదాయం లక్ష రూపాయల లోపు ఉంటె ఈ స్కాలర్షిప్ పథకానికి దరఖాస్తు చేసుకోవచ్చు.
ఈ పథకం పరిధిలో 30% స్కాలర్షిప్లు బాలికలకు కేటాయిస్తారు. దరఖాస్తుల సంఖ్యా 30 లక్షలు మించితే, విద్యార్థి అకాడమిక్ మెరిట్ మరియు వయస్సు ఆధారంగా దరఖాస్తులు ఆమోదిస్తారు. ఎక్కువ వయస్సు ఉండే విద్యార్థులకు మొదట ప్రాధాన్యత ఇస్తారు. ఈ పథకం పరిధిలో ఎంపికైన విద్యార్థులకు, విద్యా సంవత్సరంలో గరిష్టంగా పది నెలలు అడ్మిషన్, ట్యూషన్ ఫీజుతో సహా, నెలవారీ మెంటెనెన్సు చార్జీలను అందిస్తారు.
