రెండు లక్షల లోపు ఆదాయం ఉండే ముస్లింలు, సిక్కులు, క్రైస్తవులు, బౌద్ధులు, జైనూలు మరియు జొరాస్ట్రియన్ (పార్సీలు) విద్యార్థులకు కేంద్రప్రభుత్వం మైనారిటీ పోస్ట్ మెట్రిక్ స్కాలర్షిప్ పథకం కింద ఎడ్యుకేషనల్ అసిస్టెన్స్ అందిస్తుంది. దీనిలో భాగంగా అడ్మిషన్, ట్యూషన్ ఫీజుతో సహా మైంటెనెన్సు అలోవెన్సు అందిస్తుంది.
మైనారిటీ కుటుంబాలకు చెందిన పిల్లలు, పేదరికంతో కాలేజీ విద్యకు దూరం కాకూడదనే ఉద్దేశ్యంతో మినిస్ట్రీ ఆఫ్ మైనారిటీ అఫైర్స్ కింద 2006 నుండి ఈ పథకాన్ని అమలు చేస్తుంది. ఈ స్కాలర్షిప్ ఇంటర్మీడియట్ (10+2), డిప్లొమా మరియు ఒకేషనల్ కోర్సుల (10+2) నుండి డిగ్రీ, పీజీ, పీహెచ్డీ మరియు ఎంఫిల్ వంటి కోర్సులకు కూడా వర్తింపజేస్తారు.
| స్కాలర్షిప్ పేరు | పోస్ట్ మెట్రిక్ స్కాలర్షిప్ ఫర్ మైనారిటీస్ |
| ఎవరు అర్హులు | మైనారిటీ విద్యార్థులు |
| దరఖాస్తు ముగింపు తేదీ | 31-10-2022 |
| ఢిఫెక్టీవ్ వెరిఫికేషన్ | 15-11-2022 |
| ఇనిస్టిట్యూట్ వెరిఫికేషన్ | 30-11-2022 |
ఈ పథకం దేశంలో ఉండే అన్ని రాష్ట్రాలు మరియు కేంద్ర పాలిత ప్రాంతాలకు చెందిన ప్రభుత్వ కాలేజీలు, యూనివర్సిటీలు మరియు గుర్తింపు కలిగిన ప్రైవేట్ ఇనిస్టిట్యూట్లలలో చదివే మైనారిటీ విద్యార్థులకు వర్తింపజేస్తారు. ఈ స్కాలర్షిప్ పథకం ద్వారా ఏటా దాదాపు 5 లక్షల మంది మైనారిటీ విద్యార్థులు లబ్ది పొందుతున్నారు. విద్యార్థి అకాడమిక్ పరీక్షలలో కనీసం 50 శాతం మార్కులు సాధించి, కుటుంబ ఆదాయం రెండు లక్ష రూపాయల లోపు ఉంటె ఈ స్కాలర్షిప్ పథకానికి దరఖాస్తు చేసుకోవచ్చు.
ఈ పథకం పరిధిలో 30% స్కాలర్షిప్'లు బాలికలు కేటాయిస్తారు. దరఖాస్తుల సంఖ్యా 5 లక్షలు మించితే, విద్యార్థి అకాడమిక్ మెరిట్ మరియు వయస్సు ఆధారంగా దరఖాస్తులు ఆమోదిస్తారు. ఎక్కువ వయస్సు ఉండే విద్యార్థులకు మొదట ప్రాధాన్యత ఇస్తారు. ఈ పథకం పరిధిలో ఎంపికైన విద్యార్థులకు, విద్యా సంవత్సరంలో గరిష్టంగా పది నెలలు అడ్మిషన్, ట్యూషన్ ఫీజుతో సహా, నెలవారీ మెంటెనెన్సు చార్జీలను అందిస్తారు.
