సెంట్రల్ స్కాలర్షిప్ ఫర్ కాలేజ్ & యూనివర్సిటీ స్టూడెంట్స్

స్కాలర్షిప్ ఫర్ కాలేజ్ & యూనివర్సిటీ స్టూడెంట్స్ పథకం ద్వారా ఇంటర్మీడియటులో 80 శాతం మార్కులతో ఉత్తీర్ణత పొంది, యూజీ మరియు పీజీ చదివే నిరుపేద విద్యార్థులకు కేంద్ర ప్రభుత్వం ఏటా 10 వేల నుండి 20 వేల వరకు స్కాలర్షిప్ అందిస్తుంది. ఈ స్కీమ్ కింద జనరల్ డిగ్రీ, పీజీ కోర్సులతో పాటుగా ప్రొఫిషినల్ మరియు ఇంజనీరింగ్, మెడిసిన్, అగ్రికల్చర్ వంటి కోర్సులకు స్కాలర్షిప్ అందిస్తుంది.

కాలేజ్ & యూనివర్సిటీ విద్యార్థులకు అందించే ఈ స్కాలర్షిప్, భారత మానవ వనరుల అభివృద్ధి మంత్రిత్వ శాఖ & ఉన్నత విద్యా శాఖ ద్వారా ఇవ్వబడుతుంది. దీని పరిధిలో ఏడాదికి గరిష్టంగా 82,000 మంది ప్రతిభావంతులకు ఫైనాన్సియల్ అసిస్టెన్స్ అందిస్తుంది. ఇందులో 50:50 లెక్కన 41000 స్కాలర్షిప్స్ పురుషులకు, 41,000 స్కాలర్షిప్స్ మహిళలకు అందిస్తుంది.

ఈ స్కాలర్షిప్'ను రాష్ట్రాల వారి కేటాయించిన కోటా ఆధారంగా అందిస్తారు. ఈ లెక్కన ఆంధ్రప్రదేశ్ నుండి 3527 మందికి, తెలంగాణ నుండి 2570 మంది విద్యార్థుల వరకు దీన్ని అందిస్తారు. దీనికి అదనంగా జాతీయ స్థాయిలో అందించే CBSE (5413), ICSE (571) కోటా ద్వారా మరికొంత మందికి అందిస్తారు. ఈ పరిమిత కోటా కేటాయింపు రాష్ట్ర జనాభాలో 18 నుండి 25 ఏళ్ళ మధ్య ఉండే యువత సంఖ్యా ఆధారంగా కేటాయిస్తారు.