యూనివర్సిటీ గ్రాంట్ కమిషన్ (యూజీసీ), స్వయం ఆన్లైన్ వేదిక ద్వారా 243 పైగా అండర్ గ్రాడ్యుయేషన్, 128 పైగా పోస్ట్ గ్రాడ్యుయేషన్ కోర్సులను ఆఫర్ చేస్తుంది. నిరంతర అధ్యయనంలో భాగంగా స్టూడెంట్స్, టీచర్స్ మరియు పరిశోధన విద్యార్థులకు అన్ని వేళల ఉపయోగపడే విధంగా వీటిని రూపొందించారు.
రోజురోజుకి ఆన్లైన్ కోర్సులకు పెరుగుతున్న ఆదరణ కారణంగా భారత మానవ వనరుల అభివృద్ధి మంత్రిత్వ శాఖ, నూతన విద్యా విధానంలో భాగంగా ఆన్లైన్ విద్యకు అధిక ప్రాముఖ్యత ఇస్తుంది. దీనికి సంబంధించి అనేక డిజిటల్ విద్యా వేదికలను అందుబాటులోకి తీసుకొచ్చింది.
యూజీ, పీజీ విద్యార్థుల కోసం యూజీసీ ఇటీవలే నూతన కోర్సులను కూడా అందుబాటుకి తీసుకొచ్చింది. భారత్‌ను ప్రపంచ బౌద్ధ సాంస్కృతిక, పర్యాటక కేంద్రంగా పునరుద్ధరించాలన్న లక్ష్యంతో హిస్టరీ ఆఫ్ ఇండియన్ బుద్ధిజం, అభిధమ్మ (పాలీ), బుద్ధిస్ట్‌ ఫిలాసఫీ అనే కోర్సులను రూపొందించింది.
అలానే నేషనల్ ఎడ్యుకేషన్‌ పాలసీ-2020 సిఫారసు మేరకు ఉన్నత్‌ భారత్‌ అభియాన్‌ (యూబీఏ)లో భాగంగా కమ్యూనిటీ ఎంగేజ్‌మెంట్‌ అండ్ సోషల్‌ రెస్పాన్సిబిలిటీ (సీఈ అండ్ ఎస్‌ఆర్‌) అనే కోర్సును కూడా అందుబాటులోకి తెచ్చింది
యూజీసీ యూజీ మరియు పీజీ మూక్ కోర్సులను స్వయం పోర్టల్ ద్వారా అందుబాటులో ఉచింది. స్వయం పోర్టల్ ద్వారా మీరు వీటిని ఎన్రోల్ కావాల్సి ఉంటుంది. స్వయం వేదిక ద్వారా పూర్తిచేసిన కోర్సులకు యూజీసీ క్రెడిట్ ఫ్రేమ్‌వర్క్ ఇవ్వబడుతుంది. ఈ కోర్సులలో సాధించిన స్కోరును నేరుగా మీ అకాడమిక్ రికార్డులకు ట్రాన్సఫర్ చేసే సౌలభ్యం కల్పిస్తుంది. దానితో పాటుగా కోర్సు పూర్తిచేసినట్లు స్వయం ఉత్తీర్ణత సర్టిఫికెట్ అందిస్తుంది.
ఉన్నత విద్యకు నోచుకోని వారు, గృహాణిలకు, పరిశోధన విద్యలో ఉన్న విద్యార్థులకు, ఒకటికి మించి ఉన్నత డిగ్రీలను చేయాలనుకునే వారికీ మరియు ఉద్యోగం చేసుకుంటూ ఉన్నత విద్య పూర్తి చేయాలనుకునే వారికీ ఈ యూజీసీ ఆన్లైన్ కోర్సులు చక్కగా ఉపయోగపడతాయి.
