జెర్మనీలో హయ్యర్ ఎడ్యుకేషన్ : కోర్సులు, వీసా ప్రక్రియ, స్కాలర్‌షిప్‌లు

అత్యున్నత చౌకైన విదేశీ విద్యను అందించే దేశాలలో జర్మనీ మొదటి వరుసలో ఉంటుంది. ప్రపంచ యూనివర్సిటీ ర్యాంకింగులో సగానికి పైగా యూనివర్శిటీలు జర్మనీలో  కొలువుదీరి ఉన్నాయి. ప్రతిభను చాటే విద్యార్థులకు జర్మన్ ప్రభుత్వం ఉచిత విద్యను కూడా ఆఫర్ చేస్తుంది. ఏటా 20 నుండి 30 వేల మంది భారతీయ విద్యార్థులు ఉన్నత విద్య కోసం జర్మనీకి వెళ్తున్నారు. విదేశాలలో ఉన్నత విద్య చేయాలనుకునే పేద, మధ్య తరగతి విద్యార్థులకు జర్మనీ ఉత్తమ ఎంపికగా చెప్పొచ్చు. తక్కువలో తక్కువగా 8 నుండి పది లక్షలలో జర్మినీలో విదేశీ విద్యను పూర్తి చేయొచ్చు.

380 పైగా జర్మన్ యూనివర్శిటీలు, 17 వేలకు పైగా స్టడీ ప్రోగ్రాంలను విదేశీ విద్యార్థులకు ఆఫర్ చేస్తున్నాయి. ఇందులో బ్యాచిలర్ డిగ్రీల నుండి మాస్టర్స్, పీహెచ్డీ, డాక్టరేట్, లాంగ్వేజ్ కోర్సులతో పాటుగా షార్ట్ టర్మ్ సర్టిఫికెట్ కోర్సులు కూడా అందుబాటులో ఉన్నాయి. జర్మనీ ప్రభుత్వం విదేశీ విద్యార్థులకు వారంలో 20 గంటల వరకు పార్ట్ టర్మ్ ఉద్యోగాలు చేసుకునే అవకాశం కల్పిస్తున్నాయి. చాలా యూనివర్సిటీలు కోర్సు పూర్తియ్యాక ఇంటర్న్‌షిప్‌ అవకాశాలు కల్పిస్తున్నాయి. అలానే కోర్సు పూర్తి అయ్యాక 180 రోజుల వరకు జర్మనీలో ఉండే అనుమతి ఇస్తుంది. ఈ సమయంలో వారానికి గరిష్టంగా 40 గంటల వరకు ఉద్యోగం కూడా చేసుకునే అవకాశం ఉంటుంది.

జర్మనీలో ఉన్నత విద్య

జర్మనీలో ఉన్నత విద్య కోసం ప్లాన్ చేసే విద్యార్థులు ఆరు నుండి ఎనిమిది నెలల ముందుగా సన్నద్ధం అవ్వాలి. కోర్సు ఎంపిక నుండి స్టూడెంట్ వీసా దరఖాస్తు వరకు అన్ని దశలను ప్రణాళికా బద్దంగా పూర్తి చేయాలి. జర్మనీ యూనివర్శిటీలు రెండు దశలలో ప్రవేశాలు చేపడతాయి. మొదటి దశ ప్రవేశాలు జూన్ మరియు జులైలో నిర్వహిస్తారు. వీటిని వింటర్ అడ్మిషన్స్ అంటారు. వీటికి సంబంధించి అకాడమిక్ ఇయర్ అక్టోబర్ - మార్చి మధ్యలో ఉంటుంది. రెండవ దశ ప్రవేశాలు డిసెంబర్ నుండి జనవరి మధ్యలో నిర్వహిస్తారు. వీటిని సమ్మర్ అడ్మిషన్స్ అంటారు. దీనికి సంబంధించిన అకాడమిక్ ఇయర్ మార్చి నుండి సెప్టెంబరు మధ్యలో ఉంటుంది.

కోర్సు ఎంపిక

విదేశాలకు ఉన్నత విద్య కోసం వెళ్తున్నాము అంటే, దానికి సంబంధించి బలమైన కారణం ఉండాలి. అందులో ప్రధానమైనది మీరు ఎంపిక చేసుకునే స్టడీ ప్రోగ్రాం. మెజారిటీ విదేశీ యూనివర్సిటీలు స్పెషలైజ్డ్ కోర్సులను ఎంపిక చేసుకునే విద్యార్థులకు మాత్రమే త్వరితగతిన అడ్మిషన్లు కల్పిస్తాయి. ఈ కోర్సు కోసం ఇంత దూరం వస్తున్నాడా అనే కోర్సులకు అడ్మిషన్లు కల్పించావు. వీసా జారీచేసే అధికారులు కూడా దీని కోసమే ఎక్కువ వాకాబు చేస్తారు. ఇదంతా ఉన్నత విద్య పేరుతో, విహారానికి వచ్చే విద్యార్థులను జల్లెడపట్టే ప్రక్రియలో భాగం. కావున మీరు ఎంపిక చేసుకునే కోర్సు. దానికి చెందిన భవిష్యత్ ప్రణాళిక పై మీకు స్ఫష్టమైన అవగాహనా ఉండాలి.

యూనివర్శిటీ దరఖాస్తు ప్రక్రియ

కోర్సు ఎంపిక జరిగాక విదేశీ విద్యార్థులకు కోర్సులు అందించే యూనివర్సిటీకి దరఖాస్తు చేసుకోవాలి. దరఖాస్తు www.uni-assist.de వెబ్సైటు ద్వారా లేదా సంబంధిత యూనివర్సిటీ పోర్టల్ యందు ఆన్‌లైన్ విధానంలో చేసుకోవాలి. జర్మనీ యూనివెర్సిటీలలో అడ్మిషన్ పొందాలంటే కనీసం ఇంగ్లీష్ లేదా జర్మనీ బాష తెలిసి ఉండాలి. వీటికి సంబంధి లాంగ్వేజ్ అర్హుత పరీక్షా ఉత్తీర్ణత అయ్యుండాలి. అడ్మిషన్ పొందిన విద్యార్థులకు యూనివర్శిటీలు కోర్సు అంగీకార లేఖ మరియు అడ్మిషన్ లెటర్ అందిస్తాయి. స్టూడెంట్ వీసా లేదా స్టడీ పర్మిట్ పొందేందుకు ఈ యూనివర్సిటీ అంగీకార లేఖ (Letter of acceptance) ఉండాలి.

ఇంగ్లీష్ లాంగ్వేజ్ టెస్ట్ ఉత్తీర్ణత తప్పనిసరి

యూనివర్సిటీల నుండి Letter of acceptance పొందాలంటే విద్యార్థి IELTS (International English Language Testing System), TOEFL (Test of English as a Foreign Language), PTE (Pearson Test of English) వంటి ఇంగ్లీష్ లాంగ్వేజ్ అర్హుత పరీక్షలలో ఉత్తీర్ణత పొంది ఉండాలి. మెజారిటీ జర్మనీ యూనివర్సిటీలు IELTS స్కోరును ప్రామాణికంగా తీసుకుంటాయి.  6 to 7.5 మధ్య IELTS స్కోరు సాధించిన విద్యార్థులకు అడ్మిషన్ దొరికే అవకాశం ఉంటుంది. ఆర్ట్స్ మరియు లాంగ్వేజ్ కోర్సులలో చేరే విద్యార్థులు జర్మనీ లాంగ్వేజ్ తెలిసిఉండాలి.