తెలంగాణ గురుకుల విద్య సంస్థల్లో జూనియర్ ఇంటర్ ప్రవేశాలు
తెలంగాణ ట్రైబల్ వెల్ఫేర్ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ సొసైటీ (TTWREIS) లలో 2022 - 23 విద్య ఏడాదికి సంబంధించి జూనియర్ ఇంటర్ అడ్మిషన్లు కల్పించేందుకు దరఖాస్తులు ఆహ్వానిస్తున్నారు. రాష్ట్రంలో ప్రతిభావంతులైన నిరుపేద విద్యార్థులకు, గురుకులం విద్య ఫార్మేట్'లో నాణ్యమైన స్కూల్ మరియు కాలేజీ విద్యను అందించేందుకు 1999 వీటిని స్థాపించారు.
గురుకుల విద్యాసంస్థల్లో విద్యార్థులకు పూర్తిస్థాయి రెసిడెన్సియల్ విధానంలో ఉచిత విద్యను ప్రభుత్వం అందిస్తుంది. ప్రవేశం పొందే విద్యార్థులకు కోర్సు పూర్తియ్యే వరకు అన్ని సౌకర్యాలు కల్పిస్తారు. విద్యార్థుల మానసిక ఉల్లాసం కోసం విద్యతో పాటుగా క్రీడలు, ఇతర నైపుణ్యాభివృది అంశాలలో భవిష్యత్ అవసరాలకు ఉపయోగపడే తర్పీదు అందిస్తారు. ఈ సంస్థల్లో అడ్మిషన్ల కోసం ఏటా ప్రవేశ పరీక్ష నిర్వహించి, అర్హుత పొందిన విద్యార్థులకు సీట్లు కేటాయిస్తారు. ఇంటర్ ఎడ్యుకేషన్ పూర్తి ఇంగ్లీష్ మీడియంలో అందిస్తారు.
రాష్ట్రం వ్యాప్తంగా 160 గురుకుల పాఠశాలలు ఉండగా అందులో 88 విద్యాసంస్థల్లో ఇంటర్ మరియు డిగ్రీ విద్యను అందిస్తున్నారు. ఇందులో 14 కాలేజీలను ట్రైబల్ వెల్ఫేర్ రెసిడెన్షియల్ సెంటర్ ఆఫ్ ఎక్సలెన్స్ కాలేజీలగా మార్చి ఐఐటీ/నిట్/ఐఐఐటీ/నీట్ వంటి పరీక్షల కోసం కార్పొరేట్ స్థాయి శిక్షణ అందిస్తున్నారు. ఎన్డీఏ వంటి ఢిఫెన్స్ పరీక్షలకు సిద్ధమయ్యే వారికోసం వరంగల్ సమీపంలోని అశోక్ నగర్ యందు గురుకుల సైనిక్ పాఠశాలను ఏర్పాటు చేసారు.
ప్రస్తుత నోటిఫికేషన్ ద్వారా 14 ట్రైబల్ వెల్ఫేర్ రెసిడెన్షియల్ సెంటర్ ఆఫ్ ఎక్సలెన్స్ కాలేజీలలో పాటుగా, 69 జనరల్ జూనియర్ రెసిడెన్సియల్ కాలేజీలో ఎంపీసీ, బైపీసీ, ఎంఈసీ, హెచ్ఈసీ, సీఈసీ మరియు ఒకేషనల్ కోర్సులలో అడ్మిషన్ కోసం దరఖాస్తు కోరుతున్నారు. అర్హుత కలిగిన విద్యార్థులు గడువులోపు ఆన్లైన్ విధానంలో దరఖాస్తు చేసుకోండి.
